Groot boksname kry onverwags opdraand
Boks
Die vasberadenheid van die buiteperde het in sommige gevalle vrugte afgewerp om hul aansien te verhoog met hul vertonings in die MTC Nestor Sunshine Tobias bokstoernooi Saterdagaand by die Windhoek Buiteklub.
Hoewel die naamlys van vegters vooraf nie noodwendig daarop gedui het dat Namibië se hoëprofiel vegters enigsins opdraand sou kry nie, was dit in verskeie gevegte presies wat gebeur het.
Die jong Harry Simon Junior is in sy vier rondes teen die onbekende Rafael Iita van Swakopmund byvoorbeeld veral in die eerste helfte gereeld op die verdediging gedwing deur 'n opponent wat hom min aan Simon se truuks en vaardighede gesteur het. Simon het sy onoorwonne rekord tot 12 gevegte opgestoot, maar dit was deels te danke aan die beoordelaars wat vir Iita maar min krediet vir sy aanvallende ondernemingsgees gegee het.
Uit Oshakati het die liggewig Michael Benhard ná sewe opeenvolgende beroepsoorwinnings die eerste klad op sy rekord gekry toe die vasberade Frans Naanda van Swakopmund (een gewen, twee verloor) hom tot 'n gelykopuitslag beperk het.
Charles Shinima (junior middelgewig) was een van die indrukwekkende vertoners. In hul herontmoeting het hy vir Steven Shimbonde vir die tweede keer uitgeslaan – dié keer ná skaars twee minute in die eerste ronde.
Mikka Shonena kon nie soos Shinima daarin slaag om 'n uitklopsege teen Mendu Kaandungue te behaal nie, maar het wel eenparig met punte gewen om onoorwonne (16-0) te bly.
In die hoofgeveg het Jeremiah Nakathila gewys hoekom hy hoog op die wêreldranglys van junior liggewigte verskyn. Sy opponent Immanuel Andeleki was met reg skrikkerig vir sy slaankrag en toe hy aan die einde van die tweede ronde platgeslaan is, het hy sy kop geskud en aangedui dat hy tou opgooi.
• Meer oor die bokstoernooi binne in Sport Wrap.
Hoewel die naamlys van vegters vooraf nie noodwendig daarop gedui het dat Namibië se hoëprofiel vegters enigsins opdraand sou kry nie, was dit in verskeie gevegte presies wat gebeur het.
Die jong Harry Simon Junior is in sy vier rondes teen die onbekende Rafael Iita van Swakopmund byvoorbeeld veral in die eerste helfte gereeld op die verdediging gedwing deur 'n opponent wat hom min aan Simon se truuks en vaardighede gesteur het. Simon het sy onoorwonne rekord tot 12 gevegte opgestoot, maar dit was deels te danke aan die beoordelaars wat vir Iita maar min krediet vir sy aanvallende ondernemingsgees gegee het.
Uit Oshakati het die liggewig Michael Benhard ná sewe opeenvolgende beroepsoorwinnings die eerste klad op sy rekord gekry toe die vasberade Frans Naanda van Swakopmund (een gewen, twee verloor) hom tot 'n gelykopuitslag beperk het.
Charles Shinima (junior middelgewig) was een van die indrukwekkende vertoners. In hul herontmoeting het hy vir Steven Shimbonde vir die tweede keer uitgeslaan – dié keer ná skaars twee minute in die eerste ronde.
Mikka Shonena kon nie soos Shinima daarin slaag om 'n uitklopsege teen Mendu Kaandungue te behaal nie, maar het wel eenparig met punte gewen om onoorwonne (16-0) te bly.
In die hoofgeveg het Jeremiah Nakathila gewys hoekom hy hoog op die wêreldranglys van junior liggewigte verskyn. Sy opponent Immanuel Andeleki was met reg skrikkerig vir sy slaankrag en toe hy aan die einde van die tweede ronde platgeslaan is, het hy sy kop geskud en aangedui dat hy tou opgooi.
• Meer oor die bokstoernooi binne in Sport Wrap.
Kommentaar
Republikein
Geen kommentaar is op hierdie artikel gelaat nie