Groot banke kyk nou na blokketting

Die tegnologiemaatskappy R3 werk saam met 22 van die wêreld se grootste banke om hul eie blokketting geskep.Die blokketting sal gebruik word om transaksies met bestaande en enige nuwe digitale geldeenhede tussen banke te doen.Blokketting is ’n gedeelde databasis wat homself intyds opdateer en transaksies binne minute verwerk en afhandel.Bewyslewering deur ’n derde party word nie vereis nie.Rekenaar-algoritmes word vir alle transaksies gebruik.Digitale geldeenhede soos bitcoin maak van blokketting gebruik.Handels- en reserwebanke meen die tegnologie sal transaksies vinniger en meer betroubaar maak, asook makliker om te oudit.“Natixis glo in die potensiaal van verspreide leêr-tegnologie waar dit kom by betalings wat oor landsgrense strek. Ons kyk na verskeie inisiatiewe hiervoor,” sê Frederic Dalibard, hoof van digitale bankdienste by Natixis.Natixis is ’n Franse bank wat in Parys gesetel is.Ander banke wat aan die prototipe werk wat glo teen die einde van die jaar beskikbaar sal wees, sluit Barclays, HSBC en Commerzbank in.Daar is ook ander pogings om ’n stelsel wat blokketting vir transaksies oor landsgrense heen gebruik, te ontwikkel.UBS werk aan ’n “nutsmunt” wat elke groot geldeenheid sal verteenwoordig.Dalibard sê Natixis hou veral van R3 se projek omdat dit in die toekoms nuwe digitale geldeenhede wat deur reserwebanke geskep word, sal kan akkommodeer.KritiekHoewel verskeie reserwebanke dit reeds oorweeg om digitale geldeenhede te skep, sê van die groot reserwebanke soos die Europese Sentrale Bank, die Federale Reserweraad van die VSA en die Bank van Japan blokkettingtegnologie is nog nie goed genoeg ontwikkel vir hul gebruik nie.Die Duitse bank Berenberg het verlede week in ’n verslag geskryf blokketting is ’n tipe tegnologie waaroor daar ’n groot bohaai gemaak word, maar wat deur groot uitdagings in die gesig gestaar word.Volgens dié bank was daar nog min suksesverhale ongeag die groot aantal “toetslopies” waardeur die tegnologie gaan.Talle ander glo egter dit toon belofte.UBS Batebestuur sê in ’n verslag in Oktober blokkettingtegnologie kan soveel as US$400 miljard tot die jaarlikse wêreldwye ekonomiese waarde teen 2027 voeg.Volgens UBS is ’n belegging in blokkettingtegnologie nou soos wat enige belegging in die internet gedurende die negentigerjare was. – Netwerk24/Reuters

Groot banke kyk nou na blokketting

Kommentaar

Republikein 2025-06-19

Meld asseblief aan om kommentaar te lewer

Groot banke kyk nou na blokketting

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie