Groot Aub 'wil nie deel van Windhoek wees'
Inwoners van Groot Aub het 'n versoekskrif aan die Khomas landelike kiesafdeling oorhandig waarin onder meer vir gewysigde dorpstatus gevra word.
Maria Eiseb - Byna 100 inwoners van Groot Aub het verlede week 'n versoekskrif aan die streekraadslid van die Khomas landelike kiesafdeling, me. Penina Iita, by die kantoor op die nedersetting oorhandig.
Volgens die gemeenskapsaktivis mnr. Cicel Titus het hulle op 20 Mei 'n vergadering gehad oor die besluit van die minister van stedelike en landelike ontwikkeling, me. Sophia Shaningwa, om Groot Aub deel van die Windhoekse munisipaliteit te maak.
Die inwoners sê hulle wil nie deel van Windhoek wees nie. Hulle wil 'n dorp op sy eie hê.
Volgens die inwoners moet die grense wat in 2012 met 60 km na Windhoek uitgebrei is, ook teruggetrek word.
“Ons wil 'n dorp op ons eie wees, ons wil nie deel van Windhoek wees nie,” het hulle eenstemmig gesê.
“In hierdie dorp is die meeste inwoners oumense; ons lewe op pensioen en ons sal nie die kostes van die munisipaliteit kan betaal nie,” het 'n bejaarde vrou gesê wat anoniem wil bly.
Me. Emma Beukes (61) het gesê dit sal sake vir bejaardes vererger. “Ou mense vergaan reeds op hierdie plek. Wat gaan van ons word as die munisipaliteit oorvat?” het sy gevra. “Selfs die mense van Windhoek kom hardloop uit hiernatoe net omdat hulle nie die kostes kan bekostig nie, nou wat van arme ons? Die jongmense van Groot Aub is werkloos en die bejaardes sukkel met die pensioen,” het Beukes bygevoeg.
Volgens 'n jong inwoner, me. Anna Beukes, is die elektrisitieitstariewe reeds uiters hoog en hulle sal net meer sukkel.
Mnr. Johnny Lewis (58) het gesê die beste sal wees as dit 'n dorp op sy eie is. “Die munisipaliteit sal net alles kom deurmekaar maak en dan is ons weer reisigers,” het hy bygevoeg.
Volgens die versoekskrif wil inwoners hê dat Iita die minister vra om die besluit terug te trek.
Die inwoners wil ook erwe hê vir die mense wat voor 2003 reeds op Groot Aub woon.
Die senior administratiewe beampte van Groot Aub, mnr. Mbinge Usiel, en die leier van die |Khomanin tradisionele owerheid, me. Juliane Gawanas, het die versoekskrif ontvang en gesê hulle sal dit aan die betrokke owerhede oorhandig.
Volgens die gemeenskapsaktivis mnr. Cicel Titus het hulle op 20 Mei 'n vergadering gehad oor die besluit van die minister van stedelike en landelike ontwikkeling, me. Sophia Shaningwa, om Groot Aub deel van die Windhoekse munisipaliteit te maak.
Die inwoners sê hulle wil nie deel van Windhoek wees nie. Hulle wil 'n dorp op sy eie hê.
Volgens die inwoners moet die grense wat in 2012 met 60 km na Windhoek uitgebrei is, ook teruggetrek word.
“Ons wil 'n dorp op ons eie wees, ons wil nie deel van Windhoek wees nie,” het hulle eenstemmig gesê.
“In hierdie dorp is die meeste inwoners oumense; ons lewe op pensioen en ons sal nie die kostes van die munisipaliteit kan betaal nie,” het 'n bejaarde vrou gesê wat anoniem wil bly.
Me. Emma Beukes (61) het gesê dit sal sake vir bejaardes vererger. “Ou mense vergaan reeds op hierdie plek. Wat gaan van ons word as die munisipaliteit oorvat?” het sy gevra. “Selfs die mense van Windhoek kom hardloop uit hiernatoe net omdat hulle nie die kostes kan bekostig nie, nou wat van arme ons? Die jongmense van Groot Aub is werkloos en die bejaardes sukkel met die pensioen,” het Beukes bygevoeg.
Volgens 'n jong inwoner, me. Anna Beukes, is die elektrisitieitstariewe reeds uiters hoog en hulle sal net meer sukkel.
Mnr. Johnny Lewis (58) het gesê die beste sal wees as dit 'n dorp op sy eie is. “Die munisipaliteit sal net alles kom deurmekaar maak en dan is ons weer reisigers,” het hy bygevoeg.
Volgens die versoekskrif wil inwoners hê dat Iita die minister vra om die besluit terug te trek.
Die inwoners wil ook erwe hê vir die mense wat voor 2003 reeds op Groot Aub woon.
Die senior administratiewe beampte van Groot Aub, mnr. Mbinge Usiel, en die leier van die |Khomanin tradisionele owerheid, me. Juliane Gawanas, het die versoekskrif ontvang en gesê hulle sal dit aan die betrokke owerhede oorhandig.
Kommentaar
Republikein
Geen kommentaar is op hierdie artikel gelaat nie