Grondwaardasiehof: Groot deurbraak vir boere

Jacqueline Louw - Die voorsittende beampte van die waardasiehofpaneel, landdros Johannes Shuuveni, het vanoggend in die Windhoek-landdroshof bekend gemaak dat grondwaardasies vir doeleindes van grondbelasting van beswaarmakers wat deur regsverteenwoordigers verteenwoordig is, met 40% verminder sal word.
Hierdie vermindering geld ongelukkig nie vir grondeienaars wat níé beswaar teen die voorlopige waardasies van hul grond aangeteken het nie.