Grondindaba 2018: Parke, tradisionele gemeenskappe en kultuur

Een van die besluite by twee jaar gelede se tweede nasionale grondberaad in Namibië was om plase aangrensend aan nasionale parke te koop om gemeenskappe te hervestig wat tradisioneel binne wildtuine woon.Volgens die vorderingsverslag wat op 2 Desember 2020 vrygestel is, duur gesprekke voort om die plaas Kamanjab by Etosha vir die Hai-//kom San te koop.Die verslag sê ook ‘n ontwikkelingsplan vir die gemeenskap moes in November voltooi gewees het. Verteenwoordigers van die Hai-//om het die King Nehale-bewaringsgebied en die Bwabwata-park besoek as voorbeelde van sulke ontwikkelingsmodelle.Tenders wat ontvang is om die Gobaub-toerismekonsessie vir die Hai-//om te skep, is reeds beoordeel, maar moet volgens die verslag nog toegeken word. Oorspronklik moes die werk reeds in September voltooi gewees het.GROND VIR AMINUISGeld sal volgens die verslag eers in die komende begrotingsjaar beskikbaar wees om nuwe grond naby Aminius te koop om druk op die drakrag van die gemeenskap se grond te verlig.‘n Plaas van 8 857 hektaar is volgens die verslag tevore hiervoor gekoop vir die bedrag van N$23,8 miljoen. Die drakrag van die grond is 554 bees.In September vanjaar het die kantoor van die president egter beslis mense van Aminuis moet nie op Gross Osombahe hervestig word nie. Die ministerie is beopdrag om ander opsies te vind.Die verslag verstrek nie die rede vir die besluit nie.ERFENIS EN OORLOGSVETERANEDie koste daarvan om ‘n gedenkmuseum vir hoofman Hosea Kutako by Aminuis te bou, het volgens die verslag met 15% toegeneem omdat die gebied so afgeleë is.Die tender vir die werk moes nog geadverteer word. Dit is dus onduidelik of die plan sal slaag om die terrein al in Januarie 2021 aan die kontrakteur te oorhandig. Gesprekke duur volgens die verslag al sedert 2019 voort oor watter van die drie heldebegraafplase op Okahandja tot nasionale gedenkwaardigheid verklaar moet word.Die grondberaad het ook oor die oprigting van grafstene by die grafte van vegters in die vryheidstryd beraadslaag.Volgens die verslag is daar nie geld om nuwe grafstene in die huidige boekjaar aan te koop nie.Terugvoering sluit in dat sedert die beraad in Oktober 2018 plaasgevind het tot in Julie 2020 ‘n totaal van 187 PLAN-bevelvoerders se grafte wel stene gekry het, asook grafte van 389 ander veterane. Sedert 2010 is 1 972 grafte reeds gemerk met die eerbetoon.Die regering het vanaf Oktober 2018 tot Julie vanjaar bystand verleen met die begrafnisse van 785 oudstryders. Van Augustus tot Oktober het nog 111 begrafnisse plaasgevind.

Grondindaba 2018: Parke, tradisionele gemeenskappe en kultuur

Kommentaar

Republikein 2026-05-05

Meld asseblief aan om kommentaar te lewer

Grondindaba 2018: Parke, tradisionele gemeenskappe en kultuur

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.