'Groep van die Dood' is spelers se kans
Sokker
Tielman van Lill – Vir die Brave Warriors is dit 'n ongelooflike geleentheid om teen Senegal te speel, wat die 22ste beste sokkerland ter wêreld en nommer een in Afrika is.
So sê Bobby Samaria, waarnemende hoofafrigter van Namibië, wat nogtans oortuig is sy span is in die moeilikste groep ingedeel by die 2021 Cosafabekertoernooi volgende maand in Port Elizabeth.
Namibië is by gister se loting in groep C geplaas teen Senegal, Zimbabwe – wie se ses Cosafa-titels die rekord is – en Mosambiek, wat twee keer in eindstryde verloor het.
Die spanne in groep A is Suid-Afrika, Botswana, eSwatini en Lesotho, terwyl die Comore, Madagaskar, Malawi en Zambië in groep C sal meeding.
Samaria het aan Republikein gesê: “Dit is inderdaad 'n moeilike trekking vir ons. Dit moet sekerlik die toernooi se groep van die dood wees.
“Zimbabwe het die kompetisie reeds ses keer in die verlede gewen. Maar met die plaaslike sokkerliga wat opnuut weens Covid-beperkings gestaak is, bied die Cosafa-deelname 'n gulde geleentheid vir die Warriors om hul talent teen die bestes te vertoon.”
Die 20ste Cosafa-toernooi skop op 7 Julie in Nelson Mandelabaai af en die eindstryd word op 18 Julie beslis. Zambië, met vyf titels, is die huidige kampioen.
Namibië het in Mei 2015 sy enigste Cosafa-titel sover gewen toe hy Mosambiek danksy twee doele van Deon Hotto met 2-0 op Rustenburg gesink het.
So sê Bobby Samaria, waarnemende hoofafrigter van Namibië, wat nogtans oortuig is sy span is in die moeilikste groep ingedeel by die 2021 Cosafabekertoernooi volgende maand in Port Elizabeth.
Namibië is by gister se loting in groep C geplaas teen Senegal, Zimbabwe – wie se ses Cosafa-titels die rekord is – en Mosambiek, wat twee keer in eindstryde verloor het.
Die spanne in groep A is Suid-Afrika, Botswana, eSwatini en Lesotho, terwyl die Comore, Madagaskar, Malawi en Zambië in groep C sal meeding.
Samaria het aan Republikein gesê: “Dit is inderdaad 'n moeilike trekking vir ons. Dit moet sekerlik die toernooi se groep van die dood wees.
“Zimbabwe het die kompetisie reeds ses keer in die verlede gewen. Maar met die plaaslike sokkerliga wat opnuut weens Covid-beperkings gestaak is, bied die Cosafa-deelname 'n gulde geleentheid vir die Warriors om hul talent teen die bestes te vertoon.”
Die 20ste Cosafa-toernooi skop op 7 Julie in Nelson Mandelabaai af en die eindstryd word op 18 Julie beslis. Zambië, met vyf titels, is die huidige kampioen.
Namibië het in Mei 2015 sy enigste Cosafa-titel sover gewen toe hy Mosambiek danksy twee doele van Deon Hotto met 2-0 op Rustenburg gesink het.
Kommentaar
Republikein
Geen kommentaar is op hierdie artikel gelaat nie