Groen Klimaatfonds ondersteun Namibië
Maria Eiseb - As alles goed gaan, sal landbougemeenskappe wat deur klimaatverandering geraak word, binnekort ’n hupstoot kry.
Die minister van die omgewing en toerisme, mnr. Pohamba Shifeta, het Woensdag in die hoofstad twee projekte aangekondig wat finansiële ondersteuning van US$20 miljoen van die Groen Klimaatfonds (GCF) gaan ontvang.
Shifeta het gesê die projekte sal die impak van klimaatverandering en armoede in Namibië verminder. Die twee projekte gaan oor hoe die kweek van gewasse in kwesbare landstreke, asook gemeenskappe se lewensbestaan by klimaatverandering moet aanpas.
"Die hulp sal gemeenskappe se welstand aktief bevorder en handhaaf deur die instandhouding van ekosisteme, noodsaaklike ekologiese prosesse en biologiese verskille, asook deur lewende natuurlike hulpbronne op 'n volhoubare basis tot voordeel van alle Namibiërs te gebruik."
Volgens Shifeta is klimaatverandering ’n globale uitdaging en Namibië is een van die lande wat deur die impak daarvan geraak word.
Hy het gesê die beoogde vasgestelde bydrae tot die GCF sluit verskeie items vir 2030 in.
Dit fokus onder meer op ’n toename van sowat 70% in die gebruik van hernubare bronne van elektrisiteit, en die vermindering van gasse tot minder as 89%.
Ontbossing sal met sowat 75% verminder, sowat 80 000 ha se landbougebied sal bewaar word en grasvelde van 15 miljoen ha sal herstel word.
“Hierdie teikens beklemtoon dat aanpassing by klimaatverandering 'n rol kan speel in Namibië se sekuriteit op die gebiede van energie, water en voedselproduksie.”
Shifeta het gesê die ministerie van landbou, water en bosbou se projekte sal bestaansboere in die streke direk en indirek bevoordeel.
By dieselfde geleentheid het die minister van landbou, water en bosbou, mnr. John Mutorwa, gesê ná projekte bekend gestel is, is die implementering daarvan gewoonlik ’n omslagtige proses.
Mutorwa het werknemers van die ministerie en belanghebbendes aangemoedig om projekte vinnig in werking te stel sodat mense in nood betyds hulp kan kry.
“As jy agter is, gaan jy die oes mis,” het hy bygevoeg.
Volgens mnr. Patrick van Laake, senior ekosisteem- bestuurspesialis, wat die direkteur van die GCF verteenwoordig het, was die Omgewingsbeleggingsfonds (EIF) een van die eerstes wat vir toegang tot hulp gekwalifiseer het.
“Die EIF het twee voorstelle aan die GCF gemaak en beide is deur die raad goedgekeur,” het Van Laake gesê.
Mnr. Benedict Libanda, uitvoerende hoof van die EIF, het by die byeenkoms gesê as 'n geakkrediteerde entiteit is hulle gretig om die doeltreffendheid van die GCF aan die wêreld te bewys deur die implementering van hierdie twee projekte.
Die minister van die omgewing en toerisme, mnr. Pohamba Shifeta, het Woensdag in die hoofstad twee projekte aangekondig wat finansiële ondersteuning van US$20 miljoen van die Groen Klimaatfonds (GCF) gaan ontvang.
Shifeta het gesê die projekte sal die impak van klimaatverandering en armoede in Namibië verminder. Die twee projekte gaan oor hoe die kweek van gewasse in kwesbare landstreke, asook gemeenskappe se lewensbestaan by klimaatverandering moet aanpas.
"Die hulp sal gemeenskappe se welstand aktief bevorder en handhaaf deur die instandhouding van ekosisteme, noodsaaklike ekologiese prosesse en biologiese verskille, asook deur lewende natuurlike hulpbronne op 'n volhoubare basis tot voordeel van alle Namibiërs te gebruik."
Volgens Shifeta is klimaatverandering ’n globale uitdaging en Namibië is een van die lande wat deur die impak daarvan geraak word.
Hy het gesê die beoogde vasgestelde bydrae tot die GCF sluit verskeie items vir 2030 in.
Dit fokus onder meer op ’n toename van sowat 70% in die gebruik van hernubare bronne van elektrisiteit, en die vermindering van gasse tot minder as 89%.
Ontbossing sal met sowat 75% verminder, sowat 80 000 ha se landbougebied sal bewaar word en grasvelde van 15 miljoen ha sal herstel word.
“Hierdie teikens beklemtoon dat aanpassing by klimaatverandering 'n rol kan speel in Namibië se sekuriteit op die gebiede van energie, water en voedselproduksie.”
Shifeta het gesê die ministerie van landbou, water en bosbou se projekte sal bestaansboere in die streke direk en indirek bevoordeel.
By dieselfde geleentheid het die minister van landbou, water en bosbou, mnr. John Mutorwa, gesê ná projekte bekend gestel is, is die implementering daarvan gewoonlik ’n omslagtige proses.
Mutorwa het werknemers van die ministerie en belanghebbendes aangemoedig om projekte vinnig in werking te stel sodat mense in nood betyds hulp kan kry.
“As jy agter is, gaan jy die oes mis,” het hy bygevoeg.
Volgens mnr. Patrick van Laake, senior ekosisteem- bestuurspesialis, wat die direkteur van die GCF verteenwoordig het, was die Omgewingsbeleggingsfonds (EIF) een van die eerstes wat vir toegang tot hulp gekwalifiseer het.
“Die EIF het twee voorstelle aan die GCF gemaak en beide is deur die raad goedgekeur,” het Van Laake gesê.
Mnr. Benedict Libanda, uitvoerende hoof van die EIF, het by die byeenkoms gesê as 'n geakkrediteerde entiteit is hulle gretig om die doeltreffendheid van die GCF aan die wêreld te bewys deur die implementering van hierdie twee projekte.
Kommentaar
Republikein
Geen kommentaar is op hierdie artikel gelaat nie