Groen ekonomie deur eko-entrepreneurskap

Die Hanns Seidel-stigting Namibië (HSF) se omgewingsbewustheid- en klimaatveranderingprojek en die Namibia Business Innovation Institute (NBII) van die Namibië Universiteit van Wetenskap en Tegnologie (Nust) bied vyf slypskole oor eko-entrepreneurskap tot Junie aan.Die slypskole, wat in Maart begin het, is 'n eko-entrepreneurskap opleiding- en mentorskapprogram wat oor drie dae aangebied word, gevolg deur mentorskapsessies. Die mentorskapsessies sal deelnemers se eko-besighede verder ontwikkel. Deelnemers sal hul sake-idees kan inskryf in 'n eko-besigheidkompetisie later vanjaar en 'n kontantprys wen om hul besigheid verder te ontwikkel. Die eko-entrepreneurskap opleiding- en mentorskapprogram gaan meer as 100 ontluikende eko-entrepreneurs in 2017 oplei en mentor. Meer as 60 eko-entrepreneurs is reeds opgelei wat streef na omgewingsvriendelike eko-besigheidsgeleenthede en die potensiaal het om kweekhuisgasse te verminder, die lewe van gemeenskappe deur werkskepping te verbeter en bekostigbare groen produkte voorsien."Namibië staar tans uitdagings in die gesig soos armoede, voedselonsekerheid, klimaatverandering, omgewingsagteruitgang en 'n hoë werkloosheidsyfer onder die jeug," sê me. Lesley-Anne van Wyk, projekkoördineerder van die HSF se omgewingsbewustheid- en klimaatveranderingprojek.Sy sê dié program bemagtig en moedig ontluikende entrepreneurs aan om eko-besighede te begin wat hierdie maatskaplike, ekonomiese en omgewingsuitdagings kan takel en bydra tot 'n groen ekonomie in Namibië."Deelnemers word aangemoedig om hul besigheidsidees te ontwikkel deur die identifisering van markte, potensiële kliënte en verskeie bemarkingsgeleenthede, kwaliteitstandaarde en omgewingsimpakte van hul besighede," sê Van Wyk. Sy sê dit behels 'n reeks besprekings oor hoe eko-entrepreneurs betekenisvol omgewingsprobleme kan takel terwyl hulle finansiële volhoubaarheid in 'n Namibiese konteks kan verseker. "Tydens besprekings het deelnemers beaam dat daar 'n behoefte is vir meer opleidingsplatvorms om hul eko-besigheidsmodelle te ontwikkel en te toets. Hulle beskou hulself as deel van 'n groter omgewingsoplossing."Een van die fasiliseerders van die slypskole van NBII, me. Bernice Karuhumba, sê sommige van die eko-entrepreneurs se uitdagings is dat kliënte die kwaliteit en veiligheid van omgewingsvriendelike produkte bevraagteken. Sy sê daar is 'n behoefte om mense se opvattinge en gedrag jeens omgewingsvriendelike produkte te verander. Mede-fasiliteerder van die slypskole van NBII, mnr. Edwin Kavihuha, sê die regering fokus groot op die vestiging van eko-besighedeHy moedig Namibiërs aan om met skeppende besigheidsidees vorendag te kom en gebruik maak van die finansieringgeleenthede wat deur verskeie instellings soos die Omgewingsbelegginsfonds (EIF) voorsien word. Die volgende slypskole vir eko-entrepreneurs sal vanaf 20 Mei tot 1 Junie in Windhoek plaasvind en vanaf 20 tot 22 Junie in die Noorde.

Groen ekonomie deur eko-entrepreneurskap

Kommentaar

Republikein 2026-07-14

Meld asseblief aan om kommentaar te lewer

Groen ekonomie deur eko-entrepreneurskap

Kommentaar

Republikein 2026-07-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.