Gratis water vir nedersettings
Gratis water vir nedersettings
'Genoeg vir almal'
30 March 2020 | Regering
Tanja Bause
'n Horde mense het Saterdag by die munisipaliteit van Windhoek (CoW) se satellietkantoor in Katutura saamgedrom om hul waterkaarte te herlaai.
Volgens me. Lydia Amutenya, munisipale woordvoerder, het die munisipaliteit besluit om 2 000 liter water gratis aan elke inwoner in besit van 'n waterkaart te gee.
“Mense het van die gratis water gehoor, en hoewel baie van hulle reeds water op hul kaarte gelaai het, het hulle weer in die ry kom staan vir die 2 000 liter gratis water.
“Daar is besluit om alle waterpunte in die informele nedersettings om Windhoek oop te maak en water gratis aan alle inwoners te verskaf,” sê sy.
“Alle inwoners het nou gratis water. Ons doen dus 'n beroep op almal om nie in 'n lang ry by 'n waterpunt te gaan staan nie. Daar is genoeg water vir almal. Kom later terug of gaan na 'n ander punt. Onthou om sosiale afstand te alle tye te handhaaf.”
Die munisipaliteit sal ook watertenks op strategiese punte in die informele nedersettings ontplooi om die afstande wat mense na waterpunte moet loop en die rye te verkort.
Die tenks sal binnekort ook in omliggende gemeenskappe soos Groot Aub uitgeplaas word.
Intussen het MTC N$100 000 aan die munisipaliteit geskenk sodat die krane in dié deel van Windhoek gedurende hoktyd kan oopbly.
– [email protected]
'n Horde mense het Saterdag by die munisipaliteit van Windhoek (CoW) se satellietkantoor in Katutura saamgedrom om hul waterkaarte te herlaai.
Volgens me. Lydia Amutenya, munisipale woordvoerder, het die munisipaliteit besluit om 2 000 liter water gratis aan elke inwoner in besit van 'n waterkaart te gee.
“Mense het van die gratis water gehoor, en hoewel baie van hulle reeds water op hul kaarte gelaai het, het hulle weer in die ry kom staan vir die 2 000 liter gratis water.
“Daar is besluit om alle waterpunte in die informele nedersettings om Windhoek oop te maak en water gratis aan alle inwoners te verskaf,” sê sy.
“Alle inwoners het nou gratis water. Ons doen dus 'n beroep op almal om nie in 'n lang ry by 'n waterpunt te gaan staan nie. Daar is genoeg water vir almal. Kom later terug of gaan na 'n ander punt. Onthou om sosiale afstand te alle tye te handhaaf.”
Die munisipaliteit sal ook watertenks op strategiese punte in die informele nedersettings ontplooi om die afstande wat mense na waterpunte moet loop en die rye te verkort.
Die tenks sal binnekort ook in omliggende gemeenskappe soos Groot Aub uitgeplaas word.
Intussen het MTC N$100 000 aan die munisipaliteit geskenk sodat die krane in dié deel van Windhoek gedurende hoktyd kan oopbly.
– [email protected]
Soortgelyk
Covid-19: 5de nuwe geval binne 4 dae
7 ure gelede | Gesondheid
‘80% van skole gereed’
2 dae gelede | Onderwys
Nog leerlingdokters wag om uitgeplaas te word
2 dae gelede | Gesondheid
Stadspolisie van hardhandigheid beskuldig
2 dae gelede | Misdaad
Weer vir 22 Mei 2020
2 dae gelede | Weer
‘Vervoer van drank nie ’n misdaad’
2 dae gelede | Misdaad
Vroue in kwarantyn toets positief vir Covid-19
2 dae gelede | Gesondheid
Ebikes: vinnig, goedkoop en groen
2 dae gelede | Mense
Market Watch Covid page - snippets
2 dae gelede | Gesondheid
KleinadvertensiesKleinadvertensies
