Grade keer terug soos vroeër aangekondig

Die minister van inligting en kommunikasietegnologie, dr. Peya Mushelenga, sê die terugkeer van leerlinge na die skoolbanke gaan voort in die fases soos vroeër deur die minister van onderwys, kuns en kultuur, me. Anna Nghipondoka, bekendgemaak is.
Dit beteken Maandag (14 September) keer grade 4, 5 en 6 in alle streke, ingesluit die van Khomas, terug. Op dieselfde dag kan Khomas se graad 7-, 8- en 9-leerlinge ook terugkeer. In die res van die land het graad 7, 8 en 9-leerlinge reeds Maandag (7 September) teruggekeer. Preprimêre grade tot graad 3 in al die streke van die land, kan uiteindelik weer op 21 September teruggaan skool toe.