Goue Junias bly uitblink

Tielman van Lill – Die 27-jarige Namibiese amateurbokser en Olimpiese medaljehoop in Tokio 2021, Jonas Junias Jonas, het 'n goue medalje by die 15de Nikolay Manger-gedenktoernooi in Kherson, Oekraïne, ingepalm.Jonas het Sondag sy eerste uitdungeveg in die 63 kilogram-klas (ligweltergewig) gewen. Die Namibiër het sy geveg van drie rondes teen Hrayr Shahverdyan van Armenië gemaklik met vyf punte teen nul beklink.Dinsdagaand het Jonas teen Oleksandr Zheleznyak van die Oekraïne vir die finaal deur die toue geklim. Zheleznyak was in 2016 as superveergewig Oekraïne se jeugkampioen. Dié week het hy sy uitdungeveg teen sy landgenoot Dmytro Chernyak maklik met 5-0 beklink.Vir Namibië se Statebondspele-kampioen van 2018 Gouekus in Australië was Zheleznyak in die eindgeveg nie veel teenstand nie en Jonas beklink in drie rondes die goud met 4-1.By die elite toernooi in Oekraïne is slegs die topboksers van AIBA genooi.Sedert Jonas se eerste groot internasionale deurbraak as 20-jarige, toe hy die silwermedalje by die 2014 Statebondspele in Glasgow ingepalm het, is hy 'n konstante presteerder op die topvlakke van amateurboks. Die volgende jaar het nog 'n silwer by die Afrika-spele in Brazzaville gevolg.Sy goud by die 2018 Statebondspele in Australië bly sy hoogtepunt sover. – tielman@republikein.com.na

Goue Junias bly uitblink

Kommentaar

Republikein 2025-10-31

Meld asseblief aan om kommentaar te lewer

Goue Junias bly uitblink

Kommentaar

Republikein 2025-10-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.