Gordhan: Kom ons gee SAL nog jaar of twee

Lameez Omarjee – Die Suid-Afrikaanse Lugdiens (SAL) is besig om aan se geldsake te werk.Dit is volgens Pravin Gordhan, minister van openbare ondernemings, wat Woensdag vrae in die parlement beantwoord het oor of strategiese ekwiteitsvennote vir sukkelende staatsondernemings gesoek moet word.Narend Singh, IVP-LP, het Gordhan gevra om meer inligting te gee oor die vordering wat by die SAL gemaak word.Gordhan het geantwoord dat die SAL nog ’n jaar of twee gegee moet word om te herstel.“Finansieel gesproke, is daar aspekte wat verbeter,” sê Gordhan.Hy sê sommige van die SAL se roetes is nou weer winsgewend.Gordhan sê die toekoms van die SAL en ander staatsondernemings (SOE’s) sal bepaal word deur die volgende administrasie ná die verkiesing op 8 Mei.Hy het daarop klem gelê dat die staat die beste belang van die land in ag moet neem wanneer besluite hieroor geneem word.As dit miljoene rande gaan kos om van staatsbates ontslae te raak, of as ’n ekwiteitsvenoot nie waarde tot ’n SOE gaan toevoeg nie, dan is dit nie in die beste belang van die land nie, sê hy.Hy stem saam met Tito Mboweni, minister van finansies, wat voorheen gesê het die staat moet die direksies van SOE’s monitor om te verseker hulle voldoen aan hul mandaat.Hy sê die SAL kan ’n strategiese ekwiteitsvennoot kry nadat hy sy omkeerplan voltooi het en weer winsgewend en volhoubaar is.Buiten om finansiële steun aan SOE’s te gee, kan ekwiteitsvennote ook dié ondernemings met nuwe tegnologie en beter bestuur ondersteun.Gordhan sê ekwiteitsvennote sal op ’n geval-vir-geval-grondslag gewerf word.Hy het dit duidelik gestel dat om ’n vennoot aan te stel, dit beslis nié beteken ’n SOE word geprivatiseer nie.Hy sê ook die staat sal nie van strategiese bates ontslae raak ter wille van die welstand van die ekonomie en die mense van Suid-Afrika nie.“Privatisering is nie op die agenda nie,” sê hy.– Fin24/Netwerk24

Gordhan: Kom ons gee SAL nog jaar of twee

Kommentaar

Republikein 2025-05-01

Meld asseblief aan om kommentaar te lewer

Gordhan: Kom ons gee SAL nog jaar of twee

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie