Gooi die taal!
Yochanaan Coetzee - Internasionale Moedertaaldag is Dinsdag wêreldwyd gevier.
Ook in Namibië is hierdie dag gevier waarop 13 van die wêreld se 7 097 bekende tale erken word.
Fees is gevier by die GZ-stigting se konferensiesale in Windhoek, waar sprekers gefokus het op die belangrike rol van veeltaligheid in onderwys.
Dit is ook vanjaar se tema vir Moedertaaldag.
“Die krag van 'n moedertaal lê daarin dat meer oorgedra word as wat in woorde gesê kan word. Dit dra ook kennis, identiteit en erfenis oor,” het die adjunkminister van onderwys, kuns en kultuur, Anna Nghipondoka, by dié geleentheid gesê.
“Onderwys in moedertaal speel 'n kritieke rol in die ontwikkeling van jong kinders en maak dit makliker vir hulle om 'n begrip van nuwe idees en inligting te kry.
“Dis hoekom die ministerie sedert Onafhanklikwording skole se taalbeleid hersien het - sodat moedertale en Engels saam bevorder kan word en ons leerlinge die beste basiese onderrig in hul moedertaal kan ontvang,” het Nghipondoka gesê.
Inligting wat deur die Verenigde Nasies se opvoedkundige, wetenskaplike en kultuurorganisasie (Unesco) bekend gestel is, dui daarop dat kinders wat moedertaalonderrig ontvang, meer krities kan dink en dat hul ontwikkeling in ander tale meer afgerond is as hulle eers hul eie bemeester het.
“Veeltaligheid in onderwys verskaf aan baie mense, veral meisies en vrouens, toegang tot 'n opvoeding wat hulle nie noodwendig in Engels sou kon kry nie,” het dr. Jeane-Pierre Ilboudo, Unesco se direkteur in Namibië, gesê.
“Om volhoubare ontwikkeling te kweek, moet leerders toegang tot onderwys in hul moedertaal hê. Dis nie net belangrik vir hul opvoeding nie, maar ook sodat hulle meer leer oor hul eie kultuur. Dít speel ook 'n belangrike rol in volhoubare ontwikkeling.
“Ons ondersteun ook die belangrikheid van moedertaalgebruik in die digitale wêreld en moedig veeltaligheid in die werkomgewing aan,” het hy gesê.
Adjunkminister Nghipondoka het ook op die dringendheid van moedertaalbewaring gefokus.
“Die afgelope eeu is meer as 600 tale uitgewis. Dit maak ons as gemeenskappe verantwoordelik vir die bewaring van ons moedertale sodat ons hul oorlewing kan verseker. Wanneer ek bid, doen ek dit byvoorbeeld in my moedertaal - dis hoe belangrik en persoonlik dit vir my is,” het sy gesê.
Moedertaaldag het ook as slypskool gedien, en talle sprekers het die stand van verskeie moedertale in die wêreld bespreek.
Ook in Namibië is hierdie dag gevier waarop 13 van die wêreld se 7 097 bekende tale erken word.
Fees is gevier by die GZ-stigting se konferensiesale in Windhoek, waar sprekers gefokus het op die belangrike rol van veeltaligheid in onderwys.
Dit is ook vanjaar se tema vir Moedertaaldag.
“Die krag van 'n moedertaal lê daarin dat meer oorgedra word as wat in woorde gesê kan word. Dit dra ook kennis, identiteit en erfenis oor,” het die adjunkminister van onderwys, kuns en kultuur, Anna Nghipondoka, by dié geleentheid gesê.
“Onderwys in moedertaal speel 'n kritieke rol in die ontwikkeling van jong kinders en maak dit makliker vir hulle om 'n begrip van nuwe idees en inligting te kry.
“Dis hoekom die ministerie sedert Onafhanklikwording skole se taalbeleid hersien het - sodat moedertale en Engels saam bevorder kan word en ons leerlinge die beste basiese onderrig in hul moedertaal kan ontvang,” het Nghipondoka gesê.
Inligting wat deur die Verenigde Nasies se opvoedkundige, wetenskaplike en kultuurorganisasie (Unesco) bekend gestel is, dui daarop dat kinders wat moedertaalonderrig ontvang, meer krities kan dink en dat hul ontwikkeling in ander tale meer afgerond is as hulle eers hul eie bemeester het.
“Veeltaligheid in onderwys verskaf aan baie mense, veral meisies en vrouens, toegang tot 'n opvoeding wat hulle nie noodwendig in Engels sou kon kry nie,” het dr. Jeane-Pierre Ilboudo, Unesco se direkteur in Namibië, gesê.
“Om volhoubare ontwikkeling te kweek, moet leerders toegang tot onderwys in hul moedertaal hê. Dis nie net belangrik vir hul opvoeding nie, maar ook sodat hulle meer leer oor hul eie kultuur. Dít speel ook 'n belangrike rol in volhoubare ontwikkeling.
“Ons ondersteun ook die belangrikheid van moedertaalgebruik in die digitale wêreld en moedig veeltaligheid in die werkomgewing aan,” het hy gesê.
Adjunkminister Nghipondoka het ook op die dringendheid van moedertaalbewaring gefokus.
“Die afgelope eeu is meer as 600 tale uitgewis. Dit maak ons as gemeenskappe verantwoordelik vir die bewaring van ons moedertale sodat ons hul oorlewing kan verseker. Wanneer ek bid, doen ek dit byvoorbeeld in my moedertaal - dis hoe belangrik en persoonlik dit vir my is,” het sy gesê.
Moedertaaldag het ook as slypskool gedien, en talle sprekers het die stand van verskeie moedertale in die wêreld bespreek.
Kommentaar
Republikein
Geen kommentaar is op hierdie artikel gelaat nie