Gondwana, Hollard in hof
Die versekeringsreus sê hul Covid-19-verligtingsfonds staan tans op N$60 miljoen.
Francoise Steynberg
Gondwana Collection Namibia en Hollard Namibia sien mekaar in die hof op 31 Maart.
“Gondwana gaan Hollard dwing om sy verbintenis onder hul versekeringseis te eer,” lui 'n mediaverklaring van Gondwana wat Vrydag uitgereik is.
Gondwana sê die hofsaak spruit uit versekeringsverliese wat die toerismemaatskappy gely het weens die Covid-19-pandemie, die noodtoestand en gepaardgaande maatreëls wat deur die regering geïmplementeer is.
“Die hofaansoek hou verband met die dringende hofaansoek wat op 3 Maart ingedien is, maar word nie geraak deur die skrapping van die dringende aansoek van die hofrol nie,” lui die verklaring.
Gondwana se dringende aansoek verlede Woensdag is minute voor dit by die Windhoek-hoërhof ingedien is van die hofrol verwyder. Gondwana het Hollard en die marknavorsingsmaatskappy Vision Africa daarvan beskuldig dat hulle persoonlike vertroulike inligting van Gondwana se gaste gebruik het om 'n opname te doen.
Hollard Namibia het ook Vrydag in 'n mediaverklaring verduidelik die assessering van eise van besighede wat tydens Covid-19 onderbreek is, is 'n ingewikkelde proses.
“Die assesseringsproses van hierdie eise was onlangs in die openbare kollig, veral met die fokus op die regte van 'n versekeraar om kliënte se eise te ondersoek, sonder om die land se privaatheidswette in die wiele te ry,” sê mnr. Sam Kauapirura, Hollard se hoof van korporatiewe kommunikasie.
“Hollard erken die erge ekonomiese skade, asook die vrees, pyn en hartseer wat so baie Namibiërs ervaar het weens die nasionale en internasionale inperkingstyd, asook die verwoestende impak op kleiner besighede,” het hy gesê.
Hy sê dit is waarom Hollard hul verantwoordelikheid baie ernstig opneem om alle geldige eise te betaal en verpligtinge volgens die poliskontrak na te kom.
“As 'n leier in die versekeringsbedryf kan en sal Hollard Insurance Namibia nooit vertroulike kontrakbesonderhede of van enige van ons meer as 300 000 polishouers in die openbare domein bekend maak nie,” het Kauapirura beklemtoon.
Hy sê die doeltreffende assessering van enige versekeringseis, ongeag van die kategorie van versekering, vereis noue samewerking tussen die versekeraar en die versekerde.
“Daarbenewens het die proses omvattende regstoesig gehad om te verseker dat ons aan die privaatheidswette voldoen, sonder om die versekeraars se regte om die eis te ondersoek, te benadeel.”
Kauapirura sê Hollard neem hul toewyding aan Namibiërs ernstig op en het aktief gewerk om te help met verligtingspogings om beide die lewens en lewensbestaan van hul kliënte, werkers en gemeenskappe te beskerm wat deur die pandemie geraak is.
“Covid-19-verligtingsmaatreëls sluit in premieverligting, aktiveringsinisiatiewe vir toerisme en ons werk tans aan die ondersteuning van die verkryging van entstowwe.” Volgens Kauapirura staan Hollard se Covid-19-verligtingsfonds tans op N$60 miljoen. - [email protected]
Gondwana Collection Namibia en Hollard Namibia sien mekaar in die hof op 31 Maart.
“Gondwana gaan Hollard dwing om sy verbintenis onder hul versekeringseis te eer,” lui 'n mediaverklaring van Gondwana wat Vrydag uitgereik is.
Gondwana sê die hofsaak spruit uit versekeringsverliese wat die toerismemaatskappy gely het weens die Covid-19-pandemie, die noodtoestand en gepaardgaande maatreëls wat deur die regering geïmplementeer is.
“Die hofaansoek hou verband met die dringende hofaansoek wat op 3 Maart ingedien is, maar word nie geraak deur die skrapping van die dringende aansoek van die hofrol nie,” lui die verklaring.
Gondwana se dringende aansoek verlede Woensdag is minute voor dit by die Windhoek-hoërhof ingedien is van die hofrol verwyder. Gondwana het Hollard en die marknavorsingsmaatskappy Vision Africa daarvan beskuldig dat hulle persoonlike vertroulike inligting van Gondwana se gaste gebruik het om 'n opname te doen.
Hollard Namibia het ook Vrydag in 'n mediaverklaring verduidelik die assessering van eise van besighede wat tydens Covid-19 onderbreek is, is 'n ingewikkelde proses.
“Die assesseringsproses van hierdie eise was onlangs in die openbare kollig, veral met die fokus op die regte van 'n versekeraar om kliënte se eise te ondersoek, sonder om die land se privaatheidswette in die wiele te ry,” sê mnr. Sam Kauapirura, Hollard se hoof van korporatiewe kommunikasie.
“Hollard erken die erge ekonomiese skade, asook die vrees, pyn en hartseer wat so baie Namibiërs ervaar het weens die nasionale en internasionale inperkingstyd, asook die verwoestende impak op kleiner besighede,” het hy gesê.
Hy sê dit is waarom Hollard hul verantwoordelikheid baie ernstig opneem om alle geldige eise te betaal en verpligtinge volgens die poliskontrak na te kom.
“As 'n leier in die versekeringsbedryf kan en sal Hollard Insurance Namibia nooit vertroulike kontrakbesonderhede of van enige van ons meer as 300 000 polishouers in die openbare domein bekend maak nie,” het Kauapirura beklemtoon.
Hy sê die doeltreffende assessering van enige versekeringseis, ongeag van die kategorie van versekering, vereis noue samewerking tussen die versekeraar en die versekerde.
“Daarbenewens het die proses omvattende regstoesig gehad om te verseker dat ons aan die privaatheidswette voldoen, sonder om die versekeraars se regte om die eis te ondersoek, te benadeel.”
Kauapirura sê Hollard neem hul toewyding aan Namibiërs ernstig op en het aktief gewerk om te help met verligtingspogings om beide die lewens en lewensbestaan van hul kliënte, werkers en gemeenskappe te beskerm wat deur die pandemie geraak is.
“Covid-19-verligtingsmaatreëls sluit in premieverligting, aktiveringsinisiatiewe vir toerisme en ons werk tans aan die ondersteuning van die verkryging van entstowwe.” Volgens Kauapirura staan Hollard se Covid-19-verligtingsfonds tans op N$60 miljoen. - [email protected]
Kommentaar
Republikein
Geen kommentaar is op hierdie artikel gelaat nie