Goewerneur waarsku teen magsmisbruik
Die spanning binne Swapo in Khomas, veral in Windhoek, veroorsaak groot skade, sê 'n leier.
Denver Kisting
Die goewerneur van die Khomasstreek, me. Laura McLeod-Katjirua, het teen die baas-en-Klaas-gesindheid uitgevaar wat die Windhoekse stadsraad (CoW) oënskynlik kasty.
Sy het laat verlede week gal gebraak oor raadslede wat hul mag misbruik.
Sy sê raadslede se verskuilde agendas en vooroordele moet demokrasie nie in die gedrang bring nie.
Die goewerneur het Donderdag by die verkiesing van die bestuurskomitee van CoW haar kommer oor die gebrek aan dienslewering uitgespreek. Sy het raadslede gemaan om hul verantwoordelikhede na te kom.
Op die vooraand van Swapo se buitengewone kongres die naweek in die hoofstad het sy gesê politieke ampsdraers moet prioriteite bepaal wat die regerende party én alle nasionale doelwitte weerspieël, “maar openbare verantwoordbaarheid moet in alle uitvoerende optrede gehandhaaf word”.
Ewe vernietigend, sê sy, is die sogenaamde intellektuele en onopgevoede politici.
Politici is die beleidmakers, terwyl administrateurs daardie beleid in werking stel, sê sy.
Derhalwe is 'n verhouding geskoei op wedersydse vertroue en respek tussen dié twee bene noodsaaklik, meen sy. Die teendeel het 'n ernstige impak op dienslewering, waarsku sy.
'Nuwe' ou bloed
Mnr. Muesee Kazapua, wat tot burgemeester herkies is, het erken hulle doen steeds nie genoeg om werkloosheid en armoede te bekamp nie.
“Die hele raad en bestuur moet pogings verskerp om 'n volhoubare omgewing te skep, omdat 'n gebrek aan behuising, basiese dienste in informele nedersettings, werkloosheid en armoede ons hoop op maatskaplike vooruitgang en welvaart voortdurend in die wiele ry.”
Indien raadslede enigsins in hul doel wil slaag om 'n positiewe bydrae te lewer wat hul eie strategiese omkeerplan vir 2017 tot 2022 en pres. Hage Geingob se Harambee-welvaartsplan betref, móét hulle twee keer harder werk, het Kazapua gesê.
Dié plan het onder meer ten doel om die lewenstandaarde van inwoners aan veral die buitewyke van die hoofstad te help verbeter.
Volgens hom is die toekenning van erwe, veral aan inwoners in informele nedersettings, boaan hul prioriteitslys vir die volgende jaar.
Om CoW te help om erwe te diens, sal dit toegeken word voor dit gediens word om geld vir daardie doel beskikbaar te hê, sê hy.
Kazapua het voorts gesê vooruitgang by dié beleërde plaaslike owerheid is net moontlik indien hulle die leierskapkrisis erken en aanspreek.
Hy sê die afgelope agt maande was veral 'n laagtepunt.
In Maart vanjaar het die nou geskorste uitvoerende hoof, mnr. Robert Kahimise, die hoof van die stadspolisie, mnr. Abraham Kanime, geskors.
'n Bloedige geveg wat om stamme wentel, woed sedertdien.
Kahimise is ook onlangs te midde van ernstige aantygings geskors.
Kazapua het Donderdag gesê: “Genoeg skade is reeds aan ons beeld as leiers aangerig, en ons kan nie bekostig om verder in verskillende rigtings te beweeg nie.”
Die goewerneur van die Khomasstreek, me. Laura McLeod-Katjirua, het teen die baas-en-Klaas-gesindheid uitgevaar wat die Windhoekse stadsraad (CoW) oënskynlik kasty.
Sy het laat verlede week gal gebraak oor raadslede wat hul mag misbruik.
Sy sê raadslede se verskuilde agendas en vooroordele moet demokrasie nie in die gedrang bring nie.
Die goewerneur het Donderdag by die verkiesing van die bestuurskomitee van CoW haar kommer oor die gebrek aan dienslewering uitgespreek. Sy het raadslede gemaan om hul verantwoordelikhede na te kom.
Op die vooraand van Swapo se buitengewone kongres die naweek in die hoofstad het sy gesê politieke ampsdraers moet prioriteite bepaal wat die regerende party én alle nasionale doelwitte weerspieël, “maar openbare verantwoordbaarheid moet in alle uitvoerende optrede gehandhaaf word”.
Ewe vernietigend, sê sy, is die sogenaamde intellektuele en onopgevoede politici.
Politici is die beleidmakers, terwyl administrateurs daardie beleid in werking stel, sê sy.
Derhalwe is 'n verhouding geskoei op wedersydse vertroue en respek tussen dié twee bene noodsaaklik, meen sy. Die teendeel het 'n ernstige impak op dienslewering, waarsku sy.
'Nuwe' ou bloed
Mnr. Muesee Kazapua, wat tot burgemeester herkies is, het erken hulle doen steeds nie genoeg om werkloosheid en armoede te bekamp nie.
“Die hele raad en bestuur moet pogings verskerp om 'n volhoubare omgewing te skep, omdat 'n gebrek aan behuising, basiese dienste in informele nedersettings, werkloosheid en armoede ons hoop op maatskaplike vooruitgang en welvaart voortdurend in die wiele ry.”
Indien raadslede enigsins in hul doel wil slaag om 'n positiewe bydrae te lewer wat hul eie strategiese omkeerplan vir 2017 tot 2022 en pres. Hage Geingob se Harambee-welvaartsplan betref, móét hulle twee keer harder werk, het Kazapua gesê.
Dié plan het onder meer ten doel om die lewenstandaarde van inwoners aan veral die buitewyke van die hoofstad te help verbeter.
Volgens hom is die toekenning van erwe, veral aan inwoners in informele nedersettings, boaan hul prioriteitslys vir die volgende jaar.
Om CoW te help om erwe te diens, sal dit toegeken word voor dit gediens word om geld vir daardie doel beskikbaar te hê, sê hy.
Kazapua het voorts gesê vooruitgang by dié beleërde plaaslike owerheid is net moontlik indien hulle die leierskapkrisis erken en aanspreek.
Hy sê die afgelope agt maande was veral 'n laagtepunt.
In Maart vanjaar het die nou geskorste uitvoerende hoof, mnr. Robert Kahimise, die hoof van die stadspolisie, mnr. Abraham Kanime, geskors.
'n Bloedige geveg wat om stamme wentel, woed sedertdien.
Kahimise is ook onlangs te midde van ernstige aantygings geskors.
Kazapua het Donderdag gesê: “Genoeg skade is reeds aan ons beeld as leiers aangerig, en ons kan nie bekostig om verder in verskillende rigtings te beweeg nie.”
Kommentaar
Republikein
Geen kommentaar is op hierdie artikel gelaat nie