Goedkoper krag vir Namibië
Aankopers van grootmaat-elektrisiteit sal van 1 Julie af 4c per Megawatt-uur mínder vir krag betaal.
Ronelle Rademeyer
Van 1 Julie af kos grootmaat-elektrisiteit 2,5% minder.
Dit beteken NamPower sal krag aan streek-elektrisiteitsverspreiders, plaaslike owerhede, streeksrade asook myne teen N$1,65 per Megawatt-uur (MWh) lewer.
Dit is 4c goedkoper as wat hulle tans betaal.
Die vorige keer wat die prys van elektrisiteit verlaag is, was 36 jaar gelede in September 1983 toe die nasionale elektrisiteitsvoorsiener nog as Swawek (Suidwes-Afrikaanse Water- en Elektrisiteitskorporasie) bekend gestaan het.
Dié aankondiging is gister in Windhoek deur die uitvoerende hoof van die Elektrisiteitsbeheerraad (ECB), me. Foibe Namene, gemaak.
Eindverbruikers sal eers weet hoe hierdie verlagings hul sakke gaan raak wanneer die verspreiders van wie hulle elektrisiteit kry, se beplande tariefaanpassings ook deur die ECB goedgekeur is.
Volgens Nameme behoort die koste van elektrisiteit vir die eindverbruiker min of meer te bly wat dit tans is.
NamPower het in sy jaarlikse voorlegging aan die ECB gevra vir 'n tariefverlaging van 3,11% vir 2019-'20, maar dit is deur dié beheerraad tot -2,5% aangepas.
Dit is gedoen omdat NamPower nie in sy berekenings die langtermyn- marginale koste (LRMC) in aanmerking geneem het nie.
Dié koste maak voorsiening vir gebeurlikhede en help met die finansiering van nuwe opwekkingsprojekte, het Namene verduidelik. Dit beloop 3c per MWh.
Sy het verder gesê die rede waarom NamPower sy tarief wil verlaag, is om 'n oorverhaling te voorkom en te verseker die tarief strook met die werklike koste van elektrisiteit.
In 2015 het Namibië en die res van die Suider-Afrikaanse streek 'n ernstige tekort aan elektrisiteit beleef en NamPower moes oë toeknyp en duurder invoere bekom om beurtkrag in die land af te weer.
Dit het tussen 2015 en 2017 tot 'n onderverhaling in die prys van elektrisiteit gelei, wat die nasionale kragvoorsiener in sy tariefaanpassings vir 2016, 2017 en 2018 in berekening moes bring.
Namene sê dit is nou uitgewis en daarom moet NamPower sy tarief verlaag om dit kostereflekterend te maak.
Sy sê die tariefverlaging van 2,5% sal NamPower in staat stel om sy bedryfskoste te verhaal en sy finansiële verpligting aan byvoorbeeld onafhanklike elektrisiteitsverskaffers na te kom.
TOEKOMS
Volgens haar word voorsien dat die grootmaat-tarief oor die volgende vyf jaar met gemiddeld 5% per jaar sal styg, wat min of meer met die inflasiekoers strook.
Namene het egter gemaan eksterne faktore soos weersomstandighede, wisselkoersskommelings en ander gebeurlikhede kan dit beïnvloed.
“Ons is bewus daarvan dat die ekonomie uiters afhanklik van betroubare en bekostigbare elektrisiteit is en dit is die reguleerder se taak om 'n volhoubare elektrisiteitsbedryf teen bekostigbare tariewe te verseker,” het sy gesê.
Namene glo die kabinet se goedkeuring van die Aangepaste Enkelkoper-markmodel (MSB) sal meer onafhanklike kragprodusente lok.
Dié aanpassing gaan dit vir grootmaatverbruikers van elektrisiteit en onafhanklike kragprodusente moontlik maak om kontrakte onafhanklik van NamPower te sluit.
Van 1 Julie af kos grootmaat-elektrisiteit 2,5% minder.
Dit beteken NamPower sal krag aan streek-elektrisiteitsverspreiders, plaaslike owerhede, streeksrade asook myne teen N$1,65 per Megawatt-uur (MWh) lewer.
Dit is 4c goedkoper as wat hulle tans betaal.
Die vorige keer wat die prys van elektrisiteit verlaag is, was 36 jaar gelede in September 1983 toe die nasionale elektrisiteitsvoorsiener nog as Swawek (Suidwes-Afrikaanse Water- en Elektrisiteitskorporasie) bekend gestaan het.
Dié aankondiging is gister in Windhoek deur die uitvoerende hoof van die Elektrisiteitsbeheerraad (ECB), me. Foibe Namene, gemaak.
Eindverbruikers sal eers weet hoe hierdie verlagings hul sakke gaan raak wanneer die verspreiders van wie hulle elektrisiteit kry, se beplande tariefaanpassings ook deur die ECB goedgekeur is.
Volgens Nameme behoort die koste van elektrisiteit vir die eindverbruiker min of meer te bly wat dit tans is.
NamPower het in sy jaarlikse voorlegging aan die ECB gevra vir 'n tariefverlaging van 3,11% vir 2019-'20, maar dit is deur dié beheerraad tot -2,5% aangepas.
Dit is gedoen omdat NamPower nie in sy berekenings die langtermyn- marginale koste (LRMC) in aanmerking geneem het nie.
Dié koste maak voorsiening vir gebeurlikhede en help met die finansiering van nuwe opwekkingsprojekte, het Namene verduidelik. Dit beloop 3c per MWh.
Sy het verder gesê die rede waarom NamPower sy tarief wil verlaag, is om 'n oorverhaling te voorkom en te verseker die tarief strook met die werklike koste van elektrisiteit.
In 2015 het Namibië en die res van die Suider-Afrikaanse streek 'n ernstige tekort aan elektrisiteit beleef en NamPower moes oë toeknyp en duurder invoere bekom om beurtkrag in die land af te weer.
Dit het tussen 2015 en 2017 tot 'n onderverhaling in die prys van elektrisiteit gelei, wat die nasionale kragvoorsiener in sy tariefaanpassings vir 2016, 2017 en 2018 in berekening moes bring.
Namene sê dit is nou uitgewis en daarom moet NamPower sy tarief verlaag om dit kostereflekterend te maak.
Sy sê die tariefverlaging van 2,5% sal NamPower in staat stel om sy bedryfskoste te verhaal en sy finansiële verpligting aan byvoorbeeld onafhanklike elektrisiteitsverskaffers na te kom.
TOEKOMS
Volgens haar word voorsien dat die grootmaat-tarief oor die volgende vyf jaar met gemiddeld 5% per jaar sal styg, wat min of meer met die inflasiekoers strook.
Namene het egter gemaan eksterne faktore soos weersomstandighede, wisselkoersskommelings en ander gebeurlikhede kan dit beïnvloed.
“Ons is bewus daarvan dat die ekonomie uiters afhanklik van betroubare en bekostigbare elektrisiteit is en dit is die reguleerder se taak om 'n volhoubare elektrisiteitsbedryf teen bekostigbare tariewe te verseker,” het sy gesê.
Namene glo die kabinet se goedkeuring van die Aangepaste Enkelkoper-markmodel (MSB) sal meer onafhanklike kragprodusente lok.
Dié aanpassing gaan dit vir grootmaatverbruikers van elektrisiteit en onafhanklike kragprodusente moontlik maak om kontrakte onafhanklik van NamPower te sluit.
Kommentaar
Republikein
Geen kommentaar is op hierdie artikel gelaat nie