Gobabis teler stap met louere weg

Een boer se speenkalwers het vanjaar kop en skouers bo die ander uitgestaan.Mnr. Bertus Calitz, ’n Charolais-teler van Gobabis, is as Agra se 2015 speenkalfkampioen gekroon, ’n prestasie wat in ’n jaar van erge droogte en rekordverkope by veilings baie besonders is.Calitz het die louere ingepalm in die kategorie vir speenkalwers met voerkraalpotensiaal. Die ander twee kategorieë wat landwyd aangebied is, is die kategorie vir kalwers met veldpotensiaal en die kategorie vir verse.Die bestuurder van Agra se vee-afdeling, mnr. Titus Koen, het ’n samevatting van die afgelope jaar se speenkalwerveilings sowel as die algemene beesveilings gegee en begin deur die erns van die huidige droogte te beklemtoon.Die droogte het ’n groot invloed op die aantal diere wat by veilings verkoop word en volgens Koen is die tendens al sedert die begin van die jaar duidelik. “By sekere veilings is daar meer as 2 000 stuk bees verkoop,” het Koen gesê.Gedurende die jaar is landwyd 15 speenkalfveilings aangebied en by dié veilings is daar altesaam 14 572 diere verkoop. Agra se algehele verkope vir die afgelope finansiële jaar was 124 000 stuk bees.Koen het ook die gemiddelde verkope vir die afgelope finansiële jaar per streek bekend gemaak. In die sentrale streek is per veiling ’n gemiddeld van 924 beeste verkoop; in die Noorde is die gemiddelde getal per veiling 1 263 beeste, wat ’n nuwe rekord is vir dié streek, en in die Suide het die rekords ook gespat met gemiddelde verkope van 727 beeste per veiling.

Gobabis teler stap met louere weg

Kommentaar

Republikein 2025-05-02

Meld asseblief aan om kommentaar te lewer

Gobabis teler stap met louere weg

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie