Gobabis-man hét vriendin vermoor

font face="Verdana" >Jacqueline Louw – Regter Dinnah Usiku het verlede Vrydag die 30-jarige Erwin Tebele skuldig bevind aan moord, saamgelees met die bepalinge van die wet op die bestryding van gesinsgeweld.Dít weens die moord op sy vriendin. Die regter het Tebele se verweer dat hy uit selfverdediging opgetree het nádat sy hom glo aangeval het, verwerp.Tebele is daarvan beskuldig dat hy me. Nina Katjatenja, sy gemeenregtelike vrou en die moeder van sy kind, vermoor het deur haar een keer met ’n mes in die bors te steek.Dié noodlottige voorval het laataand op 3 September 2013 in die Epako-woonbuurt op Gobabis plaasgevind.Tebele het beweer Katjatenja het hom eers twee keer met ’n mes in sy linkerarm gesteek nadat sy hom daarvan beskuldig het dat hy by ander vroue was. Volgens Tebele het hy die mes wat sy gebruik het, beetgekry en haar in die linkerkant van haar bors gesteek.Afgesien van die kind wat die paartjie saam gehad het, het Katjatenja ook twee ouer kinders wat voor haar verhouding met Tebele gebore is. Dié twee kinders het die moord op hul moeder aanskou en het beide in die verhoor getuig.Die regter het in haar uitspraak gesê die twee kinders, wat 12 en 15 jaar oud was toe hulle getuig het, het Tebele se eis dat hy homself verdedig het, weerspreek.Volgens die twee kinders het Tebele ’n argument met Katjatenja ná sy tuiskoms die aand begin en het hy haar met die vuis geslaan. Toe sy die houe probeer afweer, het hy ’n mes opgetel en haar daarmee gesteek.Usiku het ook in haar uitspraak genoem getuies het tydens die verhoor getuig Tebele het ’n geruime tyd voordat die oorledene uiteindelik vermoor is, gedreig om haar dood te maak.Die regter het ook opgemerk die vier polisiebeamptes wat ná Tebele se inhegtenisname sy saak hanteer het, het nie die steekwonde wat hy beweer hy aan sy arm gehad het, opgemerk nie en hy het ook nie aan die polisie genoem hy het Katjatenja uit selfverweer met ’n mes gesteek nie.“Die beskuldigde se verweer is duidelik ’n nagedagte en behoort verwerp te word,” het Usiku in haar uitspraak gesê.Staatsadvokaat Felistas Shikerete-Vendura het tydens die verhoor aangevoer die oorledene kon geen gevaar vir Tebele, soos wat hy beweer, inhou toe hy reeds die mes by haar afgeneem het nie.Die regter het tot die slotsom gekom Tebele wou die oorledene doodmaak, as die aansienlike grootte van die mes en die mag waarmee hy haar in die bors gesteek het, in ag geneem word.Mnr. Mbanga Siyomunji tree namens Tebele op.

Gobabis-man hét vriendin vermoor

Kommentaar

Republikein 2025-05-06

Meld asseblief aan om kommentaar te lewer

Gobabis-man hét vriendin vermoor

Kommentaar

Republikein 2025-05-06

Meld asseblief aan om kommentaar te lewer

MELD AAN

Advertensie