G’n vrae gevra op haastige Steinhoff-jaarvergadering
Francois Williams - Uit die notule van Steinhoff se jaarvergadering op 14 Maart by ’n hotel langs die Schiphol-lughawe in Amsterdam, Nederland, blyk dit die vergadering het net 40 minute geduur en daar was geen vrae van aandeelhouers nie.
Skaars ’n paar maande gelede was aandeelhouers en direkteure van die internasionale meubelkleinhandelaar Steinhoff nog salig onbewus en klaarblyklik oorgerus oor enige moontlike rekeningkundige probleme by die groep, as die verloop van sake by sy mees onlangse jaarvergadering die maatstaf moet wees.
Net drie van die elf adviesraadslede het die vergadering bygewoon.
Dr. Steve Booysen, vorige hoof van Absa, het op dié dag as voorsitter van die vergadering opgetree, want Christo Wiese, voorsitter van Steinhoff, was afwesig.
Booysen is ook voorsitter van Steinhoff se ouditkomitee.
Benewens Booysen was dr. Theunie Lategan en Angela Krüger-Steinhoff die enigste ander lede van die adviesraad by die jaarvergadering.
Markus Jooste en Danie van der Merwe het as uitvoerende hoof en bedryfshoof die bestuur verteenwoordig. Jayendra Naidoo, tans voorsitter van Steinhoff se plaaslike kleinhandelfiliaal STAR, was ook by die vergadering want hy is by die geleentheid ingestem as nuwe nie-uitvoerende direkteur in die adviesraad.
Benewens Wiese was sy seun Jacob, dr. Johan van Zyl, Claas Daun, Len Konar, Heather Sonn, Bruno Steinhoff en Thierry Guibert ook nie by die jaarvergadering nie. Dit is nie bekend waar hulle almal dan was en hoekom hulle nie die jaarvergadering bygewoon het nie.
GEEN VRAE
Hoewel aangedui is dat daar geleentheid sou wees vir vrae, wys die notule dat geen vrae gestel is nie.
Geen vrae is aan Jooste gestel nadat hy verslag gedoen het oor die groep se geldsake vir die 15 maande van 1 Julie 2015 tot einde September 2016 nie.
Geen vrae is aan Lategan gestel oor die maatskappy se vergoedingsbeleid nie. Lategan is voorsitter van Steinhoff se mensehulpbronne- en vergoedingskomitee.
En geen vrae is aan Patrick Seinstra van die ouditgroep Deloitte gestel oor die oudit van Steinhoff se 2016-resultate nie.
Al die voorstelle waaroor gestem moes word, sluit in die heraanstelling van Deloitte as eksterne ouditeurs, die reg van die bestuur om aandele terug te koop, die reg van die bestuur om aandele uit te reik, die vergoeding van die adviesraad en bestuur, die aanstelling van Naidoo as direkteur en die heraanstelling van Christo Wiese, Claas Daun en Bruno Steinhoff as direkteure. – Netwerk24
Skaars ’n paar maande gelede was aandeelhouers en direkteure van die internasionale meubelkleinhandelaar Steinhoff nog salig onbewus en klaarblyklik oorgerus oor enige moontlike rekeningkundige probleme by die groep, as die verloop van sake by sy mees onlangse jaarvergadering die maatstaf moet wees.
Net drie van die elf adviesraadslede het die vergadering bygewoon.
Dr. Steve Booysen, vorige hoof van Absa, het op dié dag as voorsitter van die vergadering opgetree, want Christo Wiese, voorsitter van Steinhoff, was afwesig.
Booysen is ook voorsitter van Steinhoff se ouditkomitee.
Benewens Booysen was dr. Theunie Lategan en Angela Krüger-Steinhoff die enigste ander lede van die adviesraad by die jaarvergadering.
Markus Jooste en Danie van der Merwe het as uitvoerende hoof en bedryfshoof die bestuur verteenwoordig. Jayendra Naidoo, tans voorsitter van Steinhoff se plaaslike kleinhandelfiliaal STAR, was ook by die vergadering want hy is by die geleentheid ingestem as nuwe nie-uitvoerende direkteur in die adviesraad.
Benewens Wiese was sy seun Jacob, dr. Johan van Zyl, Claas Daun, Len Konar, Heather Sonn, Bruno Steinhoff en Thierry Guibert ook nie by die jaarvergadering nie. Dit is nie bekend waar hulle almal dan was en hoekom hulle nie die jaarvergadering bygewoon het nie.
GEEN VRAE
Hoewel aangedui is dat daar geleentheid sou wees vir vrae, wys die notule dat geen vrae gestel is nie.
Geen vrae is aan Jooste gestel nadat hy verslag gedoen het oor die groep se geldsake vir die 15 maande van 1 Julie 2015 tot einde September 2016 nie.
Geen vrae is aan Lategan gestel oor die maatskappy se vergoedingsbeleid nie. Lategan is voorsitter van Steinhoff se mensehulpbronne- en vergoedingskomitee.
En geen vrae is aan Patrick Seinstra van die ouditgroep Deloitte gestel oor die oudit van Steinhoff se 2016-resultate nie.
Al die voorstelle waaroor gestem moes word, sluit in die heraanstelling van Deloitte as eksterne ouditeurs, die reg van die bestuur om aandele terug te koop, die reg van die bestuur om aandele uit te reik, die vergoeding van die adviesraad en bestuur, die aanstelling van Naidoo as direkteur en die heraanstelling van Christo Wiese, Claas Daun en Bruno Steinhoff as direkteure. – Netwerk24
Kommentaar
Republikein
Geen kommentaar is op hierdie artikel gelaat nie