Glimlag!

13 February 2020 | Rubrieke
My grootste vrees is dat mense dink ek is nors. My teenvoeter vir hierdie vrees is om vir enigiemand wat lyk of hulle enigsins in my rigting kyk, te glimlag – soos die Namibiese tradisie maar eintlik is.

Dit het my nog altyd verbaas hoe baie mense my sal raaksien, besef ek is besig om te groet en dan vinnig sal wegkyk asof hulle dit nie gesien het nie.

Jy verstaan, baie mense glo mos almal en alles is benede hulle – veral die dokter en die bankbestuurder se vrou. Die bevoorregtes.

Die dokter se vrou kan een van twee dinge wees: snoet of kaalvoetkind. Daar is nie iets in die middel nie, en jy weet dit, maar dit is ’n storie vir ’n ander dag.

Ek praat hier van die dokter se vrou wat te veel swart eyeliner dra en gereeld klonte op haar wimpers sit asof sy nie weet hoe maskara gebruik moet word nie.

Sy is preuts asof dit uit die mode gaan en dit maak haar mos God se gunsteling.

Ek is Sondag na ’n geleentheid in ’n nedersetting en stop toe op pad soontoe by ’n winkel om ’n koeldrank te koop. Soos die wêreld se wreedheid maar soms werk, sien (en glimlag) ek vir Tannie Maskara.

Daarná is ek by die nedersetting in na die Meduletu-gemeenskapsaal om my werk te doen.

By Meduletu word elke liewe glimlag beantwoord en ek moet bontstaan vir die “hallo, meisie, kom sit by ons” en “wil jy nie by ons hierdie en hierdie groep aansluit nie?”.

Die meisie vir wie Tannie Maskara gegryns het en die meisie wat by die Meduletu-gemeenskapsaal is, dra miskien dieselfde klere, maar die twee is vreemdelinge vir mekaar.

Daar val dit my by: Ek het so te sê nog altyd die omgee en aanvaarding waarvoor ek in bevoorregte kringe moet smeek in die minderbevoorregte kringe gekry.

Ek moes in my kort lewe al so baie tongklappe en fluisters agter bakhande ignoreer omdat ek in kringe beweeg wat my aanvaar.

Nou vra ek die lieflike nasie: Wat maak van my so ’n randeier?

Ek was nog altyd jul eenkantkind, maar toe ek dit aanvaar en iewers gaan waar ek die aanvaarding kon kry wat julle my nog nooit wou gee nie, klap die tonge nog erger omdat dié eenkantkind julle kwansuis verwerp het.

Is dit die hoender of die eier?

Ek dink ons het almal nog ’n paar lesse om te leer oor aanvaarding van ons medemens en liefde vir ons naaste.

As jy belangstel om te leer, kry ek jou by die Meduletu-gemeenskapsaal op Swakopmund.

Soortgelyk

 

Gesoek: Namibiërs wat in China woon, studeer

2 ure gelede | Ministeries

Die Namibiese ambassade in China is in die lig van die uitbreking van die corona virussiekte (covid 19) besig om sy lys op te dateer...

Ministerie bemagtig mans én vroue

2 ure gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

13 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

13 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

13 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

13 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

13 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

13 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

13 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....