Glansdinee vir liefdadigheid
Tanja Bause - Die Vereniging vir die Vroue van Diplomate (ADS) bied Vrydag weer ’n glansdinee aan om geld vir liefdadigheid in te samel.
Die ADS is in 1990 gestig om die diplomatieke gemeenskap die geleentheid te bied om in Namibië by liefdadigheid betrokke te raak. Sedertdien het die vroue betrokke geraak by verskeie liefdadigheidsorganisasies wat fokus op kinders en vroue wat deur MIV/vigs geraak word. Hulle reël ook elke jaar ’n Kerspartytjie en deel presente aan al die kinders in die Katutura-staatshospitaal uit.
Die opbrengs van vanjaar se dinee sal aan die Mamadu-trust geskenk word om 'n bouprojek te ondersteun.
Mamadu is ’n projek in Otjomuise wat wees- en minderbevoorregte kinders van kos en onderrig voorsien.
Hulle bemagtig ook vroue deur hulle onder meer op te lei om herwinbare materiaal soos plastieksakke te gebruik om bruikbare artikels te maak en te verkoop.
Die glansdinee sal, soos gewoonlik, ‘n propvol program hê.
Daar sal onder meer ’n modeparade wees wat verskillende lande se tradisionele drag ten toon stel. Musiek sal die gaste tot laataand op die dansvloer hou.
Die dinee sal Vrydag by die Hotel Safari in Windhoek plaasvind en kaartjies kos N$450 per persoon.
Vir meer inligting, kontak me. Ida Salleh, president van die ADS, by 081 368 2145 of me. Nancy Baker by 081 423 9727.
Die ADS is in 1990 gestig om die diplomatieke gemeenskap die geleentheid te bied om in Namibië by liefdadigheid betrokke te raak. Sedertdien het die vroue betrokke geraak by verskeie liefdadigheidsorganisasies wat fokus op kinders en vroue wat deur MIV/vigs geraak word. Hulle reël ook elke jaar ’n Kerspartytjie en deel presente aan al die kinders in die Katutura-staatshospitaal uit.
Die opbrengs van vanjaar se dinee sal aan die Mamadu-trust geskenk word om 'n bouprojek te ondersteun.
Mamadu is ’n projek in Otjomuise wat wees- en minderbevoorregte kinders van kos en onderrig voorsien.
Hulle bemagtig ook vroue deur hulle onder meer op te lei om herwinbare materiaal soos plastieksakke te gebruik om bruikbare artikels te maak en te verkoop.
Die glansdinee sal, soos gewoonlik, ‘n propvol program hê.
Daar sal onder meer ’n modeparade wees wat verskillende lande se tradisionele drag ten toon stel. Musiek sal die gaste tot laataand op die dansvloer hou.
Die dinee sal Vrydag by die Hotel Safari in Windhoek plaasvind en kaartjies kos N$450 per persoon.
Vir meer inligting, kontak me. Ida Salleh, president van die ADS, by 081 368 2145 of me. Nancy Baker by 081 423 9727.
Kommentaar
Republikein
Geen kommentaar is op hierdie artikel gelaat nie