GIPF weerlê Imalwa se weergawe

Polisie het ‘alle’ dokumente

10 September 2019 | Misdaad
Denver Kisting - Die staat se pensioenfonds (GIPF) het gister by monde van sy uitvoerende hoof, mnr. David Nuyoma, gesê geen van sy dokumentasie is weg nie.

Dít kom nadat die aanklaer-generaal, me. Martha Imalwa, verlede maand 'n storm ­ontketen het met 'n aankondiging dat net een mens weens verdwene GIPF-miljoene vervolg sal word.

Eweneens sou hulle nie van inligting ontslae geraak het wat met die Development Capital Portfolio (DCP) verband hou nie, omdat hulle geweet het hoe belangrik dié inligting was ondanks die gebruik van sekere instellings om dokumentasie net vir vyf jaar te hou, het Nuyoma gister op 'n nuuskonferensie in Windhoek gesê.

Die polisie het in geen stadium aangedui hulle makeer enige ­inligting nie, het Nuyoma gesê.

“Toe die aangeleentheid 'n polisiesaak word, het die polisie hier aangekom en alles ingesamel waarop hulle hul hande kon lê; álles,” het hy gesê.

“Ons was oop met hulle om hulle al die dokumente te gee wat hulle benodig.”

Hy sê hy kan hom nie oor Imalwa se geheue uitlaat nie. Al wat hy weet, is húlle het hul deel gedoen, sê hy.

Die aanklaer-generaal het onlangs benadruk die polisieondersoek was 'n aanklaergedrewe een en aanklaers in haar kantoor is deurgaans by die proses betrek om leiding te bied.

Imalwa het vroeër gesê een man word volgende maand op ­Oshakati voor die hof gedaag. Sy het gesê sy identiteit kan eers onthul word sodra hy in die hof verskyn.

Imalwa het gesê sy het besluit om niemand vir 18 van die lenings te vervolg nie weens gebrekkige of afwesige inligting, mense wat nie meer die besonderhede kan onthou nie of intussen dood is of elders werk.

Net drie betaal geen sent

Volgens Nuyoma het net drie van die 21 instellings wat destyds lenings met 'n totale waarde van N$661 miljoen ontvang het, geen sent terugbetaal nie.

Dié drie het gesamentlik N$27 miljoen by die fonds geleen.

In totaal is N$386,6 miljoen van die N$661 miljoen skoonveld en het die GIPF meer as N$1 miljard – kapitaal en rente – ontvang.

Hy het toegegee die GIPF het geen interne stappe gedoen teen enige van sy werknemers of raadslede nie.

Op 'n vraag of hy geskok was deur Imalma se aankondiging dat net een mens weens die skandaal vervolg sal word, het hy gesê: “Ek is nie in die besigheid van om geskok te word nie.”

Imalwa het onlangs gesê sy bestudeer nog een dossier.

Die oudvakbondleier en hedendaagse politikus, mnr. Evilastus Kaaronda, het oor Imalwa se bevinding gesê daar is niks onvoldoende aan die be­skikbare getuienis teen diegene wat onregmatig baat gevind het by staatsamptenare se pensioengeld nie.

“Sy (Imalwa) moet net haar stories agtermekaar kry.”

Volgens Imalwa is die toedrag van sake jammer. “Dit is betreurenswaardig,” het sy toegegee.

“Ons is ook Namibiërs. Ons is ook mense wat tot die GIPF-pensioen bygedra het. Meer as N$660 miljoen is in die proses verloor.”

Dit het problematies geraak om die geld se spoor tydens die ondersoek te vind, het sy gesê.

Haar assistent, me. Karabo Sweni, het gister bevestig Imalwa het Republikein se vra ontvang en sal vandag daarop reageer.

- [email protected]

Soortgelyk

 

Geld rol vir ramp

8 ure gelede | Regering

Jo-Maré Duddy – Die regering se N$8-miljardvoorskrif teen die ekonomie se Covid-koors is gister deur ekonome verwelkom, veral omdat dit amptelik as die eerste fase...

Baba jongste Covid-19-geval

8 ure gelede | Gesondheid

Henriette Lamprecht - ’n Nege maande oue baba is saam met sy pa die nuutste twee gevalle van Covid-19 in Namibië. Dit bring die nasionale...

Só werk landbou in inperkingstyd

8 ure gelede | Landbou

Elvira Hattingh - Tydens die inperkingstyd mag naweekboere nie heen en weer vanaf hul plase en wonings in dorpe beweeg nie. Voltydse boere en plaaswerkers...

NMH skenk toerusting, kospakkies vir padblokkades

8 ure gelede | Gesondheid

In ’n poging om die vinnige vloei van noodsaaklike vragverkeer by die vier padblokkades na die Khomasstreek te bewerkstellig, het Namibia Media Holdings (NMH) gister...

Noodtoestand: ‘Niks is normaal’

8 ure gelede | Regering

Denver Kisting - Me. Yvonne Dausab, die minister van justisie, sê Namibiërs bevind hulle midde-in ’n buitengewone situasie. “Ons is in ’n noodtoestand. So, niks...

Weer vir 2 April 2020

8 ure gelede | Weer

BINNELAND: Mooi weer en baie warm in die Weste. Elders sal dit gedeeltelik bewolk en baie tot bloedig warm wees met enkele donderbuie in die...

Pandemie slaan toerismebedryf hard

8 ure gelede | Toerisme

Francoise Steynberg - Die toerismebedryf gaan heel waarskynlik die hardste deur die Covid-19-pandemie getref word. Só sê die uitvoerende hoof van die Gasvryheidsvereniging van Namibië...

Fishrot-hokaairoeper glo gedreig, vergiftig

8 ure gelede | Misdaad

Catherine Sasman – Mnr. Jóhannes Stefánsson, hokaairoeper in die internasionale korrupsieskandaal, oftewel die Fishrot-sage, het aan Yslandse verslaggewers gesê hy is al verskeie kere vergiftig...

Fitch gradeer SA banke verder in rommel in

8 ure gelede | Afrika

Nellie Brand-Jonker - Fitch het die vyf groot banke van Suid-Afrika naamlik Absa, FirstRand, Investec, Nedbank en Standard Bank verder in rommel afgradeer.Alle nasionale langtermyngraderings...