Gim-sewes: Namibië skiet hom in die voet

Andrew Poolman - Groot moeite is vir die vierde opeenvolgende jaar deur organiseerders van die Capricorn Windhoek Gimnasium internasionale onder 19-sewesrugbytoernooi gedoen om 'n geleentheid van wêreldgehalte aan te bied.Die reënweer oor die hoofstad het toeskouers nie afgeskrik om Vrydagmiddag en -aand, asook Saterdag goed by te woon nie. Kykers is opnuut getrakteer deur nog 'n uithalervertoning van die SA Akademie-span, wat die toernooi vir die vierde keer op 'n streep gewen het.In die toernooi se eindstryd het die ontluikende Jong Bokkies onder afrigterskap van die uitgetrede Blitsbokkaptein Philip Snyman teen Zimbabwe te staan gekom en was met 31-0 aan die wenkant. Dit kan met redelike veiligheid voorspel word dat sommige van 2020 se jong span in groen en goud in komende jare ook sal vorder om die Blitsbokke in Wêreldreekstoernooie te verteenwoordig – soos die Capricorn-toernooi tevore reeds bewys het met spelers soos Muller du Plessis en andere.Patriotiese Namibiërs wat egter ook 'n redelike vertoning van die gasheerspan verwag het, moes maar hul trots afsluk toe Namibië in 'n teleurstellende eindposisie (vyfde) klaargemaak het. Net Botswana (sesde) het swakker geëindig en selfs die Namibiese ontwikkelingspan – 'n laat plaasvervanger toe Kenia laas Dinsdag finaal sy onttrekking bevestig het – het vierde klaargemaak en Duitsland was derde.Akademiese en ander sportverpligtinge was opnuut met tye struikelblokke in die pad om Namibië se beste spelers te kies en as 'n eenheid onder afrigters Patrick Ludick saam te snoer. Die Namibiese groep het dus vooraf opnuut minder as 'n week ter voorbereiding gehad.As 'n platform vir ontwikkeling van die seweskode in die ganse land kan daar beswaarlik 'n beter een as die Capricorn-toernooi wees. Nogtans word Namibië die afgelope jare dikwels ook op senior vlak uitgevang en betaal die prys omdat hy in die seweskode nie genoegsaam sy huiswerk doen om sy mees kompeterende spanne in die veld te stoot nie. Die naweek se uitslae wys dat meer gedoen kan word.Die toernooidirekteur, mnr. Wessel Kotzé, sê die beplanning is om volgende jaar agt spanne vir die internasionale afdeling te lok (daar was vanjaar net ses).Windhoek Gimnasium se eerste span het die o.19-skoleafdeling verower deur Pro-Ed Akademie met 38-19 te bowe te kom. In die o.15-kompetisie was Gimnasium ook baas, weer eens ná 'n sege teen Windhoek Hoërskool.Sommige van die tellings in die internasionale afdeling was soos volg:Namibië ontwikkelingspan klop Botswana met 26-10.Zimbabwe klop Namibië met 19-0.SA Akademie klop Duitsland met 29-0.Zimbabwe klop Namibië ontwikkelingspan met 19-12.SA Akademie klop Botswana met 48-5.Duitsland klop Namibië met 24-7.Namibië klop Botswana met 24-0.SA Akademie klop Namibië ontwikkelingspan met 47-7.Duitsland klop Zimbabwe met 17-12.Namibië ontwikkelingspan klop Namibië met 28-22.Duitsland klop Botswana met 31-0.

Gim-sewes: Namibië skiet hom in die voet

Kommentaar

Republikein 2025-05-06

Meld asseblief aan om kommentaar te lewer

Gim-sewes: Namibië skiet hom in die voet

Kommentaar

Republikein 2025-05-06

Meld asseblief aan om kommentaar te lewer

MELD AAN

Advertensie