Gim-sewes maak Schoeman opgewonde
Sewesrugby
Andrew Poolman - Die Suid-Afrikaanse o.18 Skolespan sal komende naweek sy oorheersing van die afgelope twee jaar by die Capricorn-groep sewesrugbytoernooi by Windhoek Gimnasium wil voortsit, met afrigter Marius Schoeman wat weer 'n sterk groep spelers vir die reis na Namibië saamgevoeg het.
Die Jong Bokkies het die jaarlikse toernooi by Gimnasium sedert sy ontstaan in 2017 albei kere op 'n streep gewen sonder om 'n wedstryd te verloor.
Komende Vrydag kom Suid-Afrika teen Zambië, Zimbabwe en die gasheerspan Namibië te staan, voordat hy Saterdag teen Duitsland en Botswana speel.
Schoeman, 'n uitgetrede Blitsbok-speler, beskou die Windhoek-toernooi as van groot belang in die ontwikkeling van die volgende geslag sewessterre vir Suid-Afrika.
“Ons het gesien hoe vinnig spelers in die opset van die Blitsbokke kan vorder, want as jy goed genoeg is, sal jeugdigheid jou nie terughou nie,” het Schoeman aan Sport24 gesê.
“Iemand soos Muller du Plessis het twee jaar gelede in hierdie toernooi gespeel en verlede jaar het ons vir Christi Grobbelaar gehad, wat nou by die SA Rugby Sewesakademie is. Dit wys die toekoms is blink vir spelers wat die talent en gewilligheid wys.
“Volgens my die belangrikste element van die toernooi is die feit dat die seuns leer om sewes in 'n kompeterende toernooistruktuur te speel. Blootstelling aan sewes in só 'n atmosfeer is vir spelers van groot waarde. Baie van hulle doen dit vir die eerste keer en word dus beter spelers te danke aan die ondervinding.”
Schoeman is ook opgewonde oor die betrokkenheid van die ander lande. “Ons wil graag ons buurlande help waar ons kan en hierdie toernooi is vir hulle 'n belangrike maatstaf. Dit help hulle ook om beter spanne te word.”
Die SA onder 18 sewesgroep wat vandag in Windhoek aankom: Christiaan Smit (Ben Vorster), Tiaan Pretorius (Paul Roos Gimnasium), Siviwe Zondani (Grey Hoërskool, PE), Janco Cloete (Grey Kollege), Renzo du Plessis (Ben Vorster), Hlumelo Klaas (Grey Kollege), Latica Nela (Hilton College), Nico Steyn (Glenwood), Sacha Mngomezulu (Bishops), Hanco van Wyk (Monument), Danvon Blood (Rondebosch Boys High), Curwin Gertse (Paarl Gimnasium), Javier Farmer (Paarl Boys High).
NAMIBIë
'n Besering aan William (WJ) Otto, agtsteman van Tsumeb Gimnasium, het die Namibiese sewesspan ontneem van een van net drie lede wat van laasjaar se span oorgebly het.
Otto, Jeandré Loubser en Lyle Beukes sou die drietal wees wat in 2018 ook aan die Afrika jeugspele in Marokko gaan deelneem het, waar Namibië tot die eindstryd gevorder en toe teen Suid-Afrika verloor het.
Otto moes vandeesweek egter deur Jacques Simon, losvoorspeler van Walvisbaai Privaat Hoërskool, vervang word.
Die Namibiese spelersgroep:
Jason Beukes (WHS)
Lyle Beukes (Windhoek Gimnasium)
Ethan Gaya-Rittmann (Windhoek Gimnasium)
Ian Grobbelaar (Grootfontein Agri Kollege)
Jonathan Hanekom (Windhoek Affies)
Ethan Hendricks (Walvisbaai Privaat Hoërskool)
Niel Holtzhausen (Moria Privaatskool, Outjo)
Rowan Jansen (WHS)
Jeandré Loubser (Windhoek Affies)
Jano Otto (Walvisbaai Privaat Hoërskool)
Jacques Simon (Walvisbaai Privaat Hoërskool)
Keanen Walters (WHS)
Fouché Windstaan (WHS)
Die Namibiese span word deur Patrick Ludick afgerig, met Algenic de Klerk as spanbestuurder. Teen gister was geen spankaptein nog aangewys nie, met die spelersgroep wat gister die eerste maal byeen gekom het vir oefensessies by die Hage Geingob-stadion in die oorblywende dae voor die toernooi.
HOËRSKOLE
O.19- en o.15-spanne van plaaslike skole ding die naweek weer in afsonderlike afdelings mee.
Die skole wat in die o.19-kompetisie betrokke is, is Windhoek Gimnasium, Windhoek Hoërskool, HTS Windhoek, Pro-Ed Akademie (Swakopmund) en Jan Möhr.
In die o.15-kompetisie is die mededingers Windhoek Gimnasium, HTS, WHS en Jan Möhr.
Die wedstrydprogram vir Vrydag begin om 13:00 en word afgesluit met die groot botsing tussen Suid-Afrika en Namibië om 21:04. Saterdag hervat die aksie om 08:00, met die bekerfinale wat tussen 12:45 en 15:00 afgehandel word. - Bygewerk van Sport24
Die Jong Bokkies het die jaarlikse toernooi by Gimnasium sedert sy ontstaan in 2017 albei kere op 'n streep gewen sonder om 'n wedstryd te verloor.
Komende Vrydag kom Suid-Afrika teen Zambië, Zimbabwe en die gasheerspan Namibië te staan, voordat hy Saterdag teen Duitsland en Botswana speel.
Schoeman, 'n uitgetrede Blitsbok-speler, beskou die Windhoek-toernooi as van groot belang in die ontwikkeling van die volgende geslag sewessterre vir Suid-Afrika.
“Ons het gesien hoe vinnig spelers in die opset van die Blitsbokke kan vorder, want as jy goed genoeg is, sal jeugdigheid jou nie terughou nie,” het Schoeman aan Sport24 gesê.
“Iemand soos Muller du Plessis het twee jaar gelede in hierdie toernooi gespeel en verlede jaar het ons vir Christi Grobbelaar gehad, wat nou by die SA Rugby Sewesakademie is. Dit wys die toekoms is blink vir spelers wat die talent en gewilligheid wys.
“Volgens my die belangrikste element van die toernooi is die feit dat die seuns leer om sewes in 'n kompeterende toernooistruktuur te speel. Blootstelling aan sewes in só 'n atmosfeer is vir spelers van groot waarde. Baie van hulle doen dit vir die eerste keer en word dus beter spelers te danke aan die ondervinding.”
Schoeman is ook opgewonde oor die betrokkenheid van die ander lande. “Ons wil graag ons buurlande help waar ons kan en hierdie toernooi is vir hulle 'n belangrike maatstaf. Dit help hulle ook om beter spanne te word.”
Die SA onder 18 sewesgroep wat vandag in Windhoek aankom: Christiaan Smit (Ben Vorster), Tiaan Pretorius (Paul Roos Gimnasium), Siviwe Zondani (Grey Hoërskool, PE), Janco Cloete (Grey Kollege), Renzo du Plessis (Ben Vorster), Hlumelo Klaas (Grey Kollege), Latica Nela (Hilton College), Nico Steyn (Glenwood), Sacha Mngomezulu (Bishops), Hanco van Wyk (Monument), Danvon Blood (Rondebosch Boys High), Curwin Gertse (Paarl Gimnasium), Javier Farmer (Paarl Boys High).
NAMIBIë
'n Besering aan William (WJ) Otto, agtsteman van Tsumeb Gimnasium, het die Namibiese sewesspan ontneem van een van net drie lede wat van laasjaar se span oorgebly het.
Otto, Jeandré Loubser en Lyle Beukes sou die drietal wees wat in 2018 ook aan die Afrika jeugspele in Marokko gaan deelneem het, waar Namibië tot die eindstryd gevorder en toe teen Suid-Afrika verloor het.
Otto moes vandeesweek egter deur Jacques Simon, losvoorspeler van Walvisbaai Privaat Hoërskool, vervang word.
Die Namibiese spelersgroep:
Jason Beukes (WHS)
Lyle Beukes (Windhoek Gimnasium)
Ethan Gaya-Rittmann (Windhoek Gimnasium)
Ian Grobbelaar (Grootfontein Agri Kollege)
Jonathan Hanekom (Windhoek Affies)
Ethan Hendricks (Walvisbaai Privaat Hoërskool)
Niel Holtzhausen (Moria Privaatskool, Outjo)
Rowan Jansen (WHS)
Jeandré Loubser (Windhoek Affies)
Jano Otto (Walvisbaai Privaat Hoërskool)
Jacques Simon (Walvisbaai Privaat Hoërskool)
Keanen Walters (WHS)
Fouché Windstaan (WHS)
Die Namibiese span word deur Patrick Ludick afgerig, met Algenic de Klerk as spanbestuurder. Teen gister was geen spankaptein nog aangewys nie, met die spelersgroep wat gister die eerste maal byeen gekom het vir oefensessies by die Hage Geingob-stadion in die oorblywende dae voor die toernooi.
HOËRSKOLE
O.19- en o.15-spanne van plaaslike skole ding die naweek weer in afsonderlike afdelings mee.
Die skole wat in die o.19-kompetisie betrokke is, is Windhoek Gimnasium, Windhoek Hoërskool, HTS Windhoek, Pro-Ed Akademie (Swakopmund) en Jan Möhr.
In die o.15-kompetisie is die mededingers Windhoek Gimnasium, HTS, WHS en Jan Möhr.
Die wedstrydprogram vir Vrydag begin om 13:00 en word afgesluit met die groot botsing tussen Suid-Afrika en Namibië om 21:04. Saterdag hervat die aksie om 08:00, met die bekerfinale wat tussen 12:45 en 15:00 afgehandel word. - Bygewerk van Sport24
Kommentaar
Republikein
Geen kommentaar is op hierdie artikel gelaat nie