Geweldenaars op vrye voet

Denver Kisting – Teen gistermiddag was die man steeds op vrye voet wat glo Saterdagoggend by 'n huis in Havana ingebreek en 'n vrou ten aanskoue van haar kêrel verkrag het.Dié ongeïdentifiseerde man het 'n balaklawa oor sy kop gehad.Twee mans, wat vroeg verlede week in dieselfde woonbuurt aan die buitewyke van Windhoek 'n 12-jarige meisie ten aanskoue van haar ma en sussie (agt) verkrag het, was ook teen gister nog nie agter tralies nie.Dié tweetal het ook met balaklawas opgehad.Adj.komm. Kauna Shikwambi, die nasionale polisiewoordvoerder, het Saterdag gesê 'n onbekende verdagte het in die nuutste voorval omstreeks 01:00 Saterdag by 'n sinkhuis in Havana ingebreek waar 'n paartjie aan die slaap was.Die gewapende man het toe die vrou (22) beveel “om haar bene oop te maak” sodat hy haar kon verkrag. Hy het haar toe ten aanskoue van haar kêrel (34) seksueel aangerand, het Shikwambi gesê.Die verdagte het toe volgens die woordvoerder met 'n selfoon op die vlug geslaan.Buite die sinkhuis het hy die vrou se broer aangetref wat in die aangrensende huisie woon en hom na langsaan gehaas het toe hy sy suster hoor gil het.Die verdagte het toe op die 29-jarige broer en buurman losgebrand en hom noodlottig gewond.'n Familielid het gister by die huis waar die tragedie afgespeel het, gesê die oorledene het op die toneel beswyk toe hy die verdagte wou agternasit.Enigiemand met inligting oor die nuutste voorval óf die een verlede week, word versoek om met adj.komm. Abner Agas, die koördineerder van misdaadondersoeke in die Khomasstreek, by 081 124 2649 in verbinding te tree.– denver@republikein.com.na

Geweldenaars op vrye voet

Kommentaar

Republikein 2025-05-01

Meld asseblief aan om kommentaar te lewer

Geweldenaars op vrye voet

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie