Geweld ruk skole

Denver Kisting en Francoise Steynberg - Dwelmverwante bendegeweld steek tans by Windhoekse hoërskole kop uit.Só sê die woordvoerder van die stadspolisie, me. Cillie Auala.Volgens haar het dít aanleiding gegee tot Vrydagoggend se bendegeveg onder seuns van Hoërskool Jan Möhr – eens ‘n spogskool in die hoofstad.Talle lede van die Namibiese polisie én die stadspolisie is vroeg die oggend na die skool ontbied toe bendes slaags geraak en klasse ontwrig het.Met Republikein se aankoms op die toneel was die polisie steeds teenwoordig om die situasie dop te hou.Auala het by navraag gesê Vrydagoggend se gebeure volg op gevegte wat reeds die vorige dag ná skool uitgebreek het.Daar word beweer graad 12-seuns boelie graad 8’s en dat die jonger seuns toe die Donderdag die hulp van ouer kinders van vermoedelik ander skole ingeroep het.Die segspersoon sê daar was glo twee pistole by Donderdagmiddag se bakleiery betrokke. Sy het voorts gesê daar word vermoed dagga speel ook ‘n rol speel in die gewelddadige gevegte.Hoofinspekteur Kauna Shikwambi, ‘n woordvoerder van die Namibiese polisie, het ook die voorval bevestig.WHSDie graad 11-leerling van Windhoek Hoërskool (WHS) wat Vrydagoggend amok by die skool veroorsaak en die skoolhoof met 'n mes getakel het, kry professionele behandeling.Die skoolhoof, mnr. Hawie Engels, het Vrydagmiddag nadat hy vir 'n snywond aan sy linkerarm by 'n hospitaal behandeling ontvang het, aan Republikein gesê hy is piekfyn. Hy is net lig beseer.Die skool het 'n verklaring uitgereik waarin bevestig is dat 'n senior leerling "professionele hulp kry nadat sy die oggend 'n uitbarsting gehad het". Engels het in die verklaring gesê geen leerlinge is tydens die voorval beseer nie en ná die voorval onder beheer gebring is, het klasse normaalweg voortgegaan. "Ons het ook 'n saalbyeenkoms met al die leerlinge gehou," het Engels gesê.Hy het gesê die voorval word deur die relevante owerhede ondersoek. Dit sluit in die polisie en die ministerie van onderwys, kuns en kultuur."Die polisie was uiters professioneel, en het so mooi met die meisie gewerk en haar gekalmeer," het Engels aan Republikein gesê.Hy het 'n beroep op die publiek gedoen om die skool en die leerling se privaatheid te respekteer.Engels sê ook dit was 'n geïsoleerde oorval by die skool. GyselaarShikwambi het aan Republikein die voorval bevestig en gesê die die polisie se hulp is ingeroep nadat die kind "vreemd" by die skool opgetree het."Die polisie het om 08:30 by die skool aangekom en die graad 11-meisie in 'n klaskamer gevind waar sy die res van die leerlinge in die klas aangehou het. Sy het 'n mes in haar hand gehad en was besig om goed te breek," het Shikwambi gesê.Die woordvoerder sê die meisie het gegil en geskree dat sy iemand sal doodmaak."Die polisie het haar aandag afgetrek en die leerlinge kon een vir een uit die klas wegglip. Toe sy besef dat byna al die leerlinge die klas verlaat het, het sy agter hulle aangehardloop en hulle rondgejaag."Shikwambi sê die meisie het glo geval en die polisie kon daarin slaag om haar te boei. Die woordvoerder het ook bevestig dat geen polisielede of leerlinge beseer is nie. Die meisie is na die Katutura-staatshospitaal vir mediese en sielkundige ondersoeke geneem.

Geweld ruk skole

Kommentaar

Republikein 2025-06-20

Meld asseblief aan om kommentaar te lewer

Geweld ruk skole

Kommentaar

Republikein 2025-06-20

Meld asseblief aan om kommentaar te lewer

MELD AAN

Advertensie