Gewapende rower in Olympia doodgeskiet

Tanja Bause - ’n Gewapende rower is Saterdagaand by ’n huis in Olympia, in Windhoek, doodgeskiet.Dít volg nadat vier mans om 20:30 die aand by die huis ingebreek het terwyl die eienaar uitstedig was. Die alarm het afgegaan en die eienaar se seun is deur die sekuriteitsmaatskappy daarvan in kennis gestel.Hy het hom blykbaar na die huis gehaas om ondersoek in te stel. Daar het die rowers glo op hom begin skiet en hy het teruggeskiet. Hy het een van die rowers in die proses doodgeskiet. Die ander drie mans het met twee televisiestelle gevlug. Die oorledene is nog nie geïdentifiseer nie. Die polisie sê in hul misdaadverslag ’n gelaaide pistool in sy hand gevind. In nóg ’n gewapende roof is ’n Portugese sakeman Saterdag om 08:50 op Ondangwa beroof. Volgens die slagoffer het hy geslaap toe drie mans, waarvan een met ’n pistool, een met ’n haelgeweer en die derde een met 'n byl gewapen was, in sy slaapkamer ingekom het. Hulle het hom gedreig en beveel om die kluis oop te maak. Die rowers het met N$56 800, twee selfone en ’n skootrekenaar gevlug nadat hulle die sakeman vasgebind het. Hy het aan die polisie gesê hulle het met hom Engels gepraat en met mekaar in ’n Suid-Afrikaanse inheemse taal.In ’n derde voorval het drie verdagte rowers Saterdag om 02:30 by die Okamukuku Tyres en Guest House in die Oshanastreek probeer inbreek. Hulle het op die veiligheidswag geskiet. Die 21-jarige wag het weggehardloop en die verdagtes het in ’n wit sedan met Ondangwa-nommerplate gevlug. Niemand is al in hegtenis geneem nie.Op Oshakati is ’n man deur ses gewapende mans van sy selfoon beroof. Die man het by ’n vulstasie uit die voertuig geklim om ’n oproep te maak toe die mans hom genader het. Hulle was met messe en ’n panga gewapen. Die man het probeer weghardloop en het geval. Hy het tydens die val sy linkerarm gebreek. Die mans het hom agtervolg en sy selfoon gesteel voordat hulle op die vlug geslaan het. Die man is in die hospitaal op Oshakati opgeneem en die polisie se ondersoek duur voort. Verder het ’n 30-jarige man die naweek glo ’n 26-jarige vrou in sy voertuig verkrag. Die man het glo vir die vrou ’n saamrygeleentheid aangebied. Hy het met haar die veld ingery, waar hy haar na bewering aangerand en verkrag het. Die voorval het by Nkurenkuru plaasgevind en die man is in hegtenis geneem. In die Ombundu-nedersetting in die Oshikotostreek het mnr. Jordan Nendongo (51) doodgebrand nadat hy glo ’n sigaret probeer aansteek het. Volgens die polisie het hy vroeër by ’n cuca-winkel gedrink. Hy het op pad huis toe glo in die bosse naby sy huis aan die slaap geraak. Toe hy wakker word en 'n sigaret wou aansteek, het die gras aan die brand geslaan en hy het doodgebrand. Die brand is deur sy huismense gewaar wat hom te hulp gesnel het, maar dit was te laat. 'n Boksie vuurhoutjies is in sy linkerhand gevind.Op Outapi is ’n 25-jarige man in hegtenis geneem nadat hy na bewering ’n 11-jarige meisie verkrag het. Hy het glo aan sy suster vertel dat hy die meisie verkrag het en haar swanger gemaak het. Die suster het hom by die polisie gaan aangee en hy is in hegtenis geneem. Die voorval het volgens die polisie op 10 Junie plaasgevind.

Gewapende rower in Olympia doodgeskiet

Kommentaar

Republikein 2025-07-03

Meld asseblief aan om kommentaar te lewer

Gewapende rower in Olympia doodgeskiet

Kommentaar

Republikein 2025-07-03

Meld asseblief aan om kommentaar te lewer

MELD AAN

Advertensie