Gevorderde MIV-behandeling bekend gestel

Mees gevorderde medikasie

04 October 2019 | Ministeries
’n Nuwe behandeling vir MIV/vigs, wat wêreldwyd as die beste beskou word, is pas in Namibië bekend gestel.

Die uitvoerende direkteur van die ministerie van gesondheid en maatskaplike dienste (MoHSS), mnr. Ben Nangombe, en die Amerikaanse ambassadeur vir Namibië, me. Lisa Johnson, het dié nuwe, gevorderde antiretrovirale (ARV) behandeling, genaamd E Tenofovir/Lamivudine/Dolutegravir (TLD), amptelik by die Nathaniel Maxwilili-kliniek in Windhoek bekend gestel.

TLD is die mees gevorderde MIV-medikasie wat tans beskikbaar is.

Volgens Nangombe verseker die ministerie met die bekendstelling van TLD dat Namibiërs toegang tot die beste moontlike behandeling vir MIV het.

Klinieke en gesondheidsgeriewe sal volgens Nangombe binne die volgende ses maande besluit of dié medikasie gepas is vir elke MIV-positiewe Namibiër.

Indien wel sal dit vir pasiënte beskikbaar gemaak word.

“Die benadering tot die bekendstelling van die medikasie sal verseker elke pasiënt ontvang ‘n evaluering van sy of haar betrokke behoeftes en vereistes,” het Nangombe gesê.

Volgens hom sal pasiënte mettertyd ‘n dosis van 30 of 90 toedienings van die medikasie by die verskeie klinieke en staatsgeriewe kan gaan afhaal.

“Die houer vir 90 dae se voorraad sal die aantal kere verminder wat die pasiënt vir medikasie na ’n kliniek moet gaan. Dit spaar pasiënte en kliniekpersoneel baie tyd.”

Johnson het gesê TLD word wêreldwyd beskou as die beste medikasie vir die behandeling van MIV in die meerderheid pasiënte.

“Dié medikasie het minder newe-effekte en is meer geneig om meer te bereik. Dit sal die lewens van mense met MIV verbeter, terwyl TLD ‘n reusevoordeel vir Namibië en die individue inhou wat die medikasie gebruik,” het sy gesê.

Die oorskakeling na TLD word moontlik gemaak deur die Amerikaanse president se noodplan vir vigsverligting (Pepfar) met die ondersteuning van die Amerikaanse sentrums vir siektebeheer en –voorkoming (CDC) en die Amerikaanse agentskap vir internasionale ontwikkeling (Usaid).

Soortgelyk

 

Net 20,6% water in damme oor

19 ure gelede | Weer

Elvira Hattingh - Damme in Namibië het in totaal net 20,6% of 144,030 Mm³ (miljoen kubieke meter) water oor, vergeleke met dieselfde tyd verlede jaar...

Kiessaak misluk ure voor eerste kruisies

19 ure gelede | Politiek

Jana-Mari Smith - Enkele ure voordat die stembus vir Namibië se 2019-verkiesings in Japan as eerste van die buitelandse sendings sou open, is gister in...

Japan reg om eerste te stem

19 ure gelede | Politiek

Denver Kisting – Namibiërs wat tans in Japan is, kon sedert middernag die eerste mense word om aan vanjaar se presidensiële en Nasionale Vergadering(NV)-verkiesings deel...

Weer vir Woensdag 13 November

19 ure gelede | Weer

BINNELAND: Meestal mooi weer en baie tot bloedig warm in die Suide, andersins gedeeltelik bewolk en baie tot bloedig warm met 'n paar tot geïsoleerde...

Toerismebedryf bekommerd na nog ’n toeris sterf ...

19 ure gelede | Ongelukke

Ronelle Rademeyer - In ’n donker week vir toeristeveiligheid in Namibië is ’n 32-jarige Belgiese man Sondagaand dood toe die toerlorrie waarin ’n groep van...

SME Bank: Krediteure kan hul geld kry

19 ure gelede | Misdaad

Catherine Sasman – Die meester van die hoërhof het op 8 November toestemming gegee vir die eerste krediteure- en ledevergadering van die SME Bank, wat...

Volvo to use blockchain traceability of cobalt

19 ure gelede | Motors

Volvo Cars will become the first carmaker to implement global traceability of cobalt used in its batteries by applying blockchain technology. The announcement follows the...

VERKIESINGS 2019: ONDERWYS EN GESONDHEID

19 ure gelede | Politiek

In die reeks neem ons politieke partye se manifeste in oënskou wat sekere sleutelkwessies betref.ALL PEOPLE’S PARTY (APP)• Gratis onderwys van kleuterskool tot eerste tersiêre...

Eenheid teen geslagsgeweld kry hupstoot

19 ure gelede | Misdaad

Yolanda Nel - Wanneer ’n kind by die huis verkrag word, word dié kind vir 21 dae na ’n plek van veiligheid geneem en daarná...