Getuie sê Dippenaar het gejaag

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund teen hom getuig. Volgens mnr. Ronnie van Zyl, wat in die getuiebank was, het hy en sy gesin op die C34 van Swakopmund af na Hentiesbaai gery toe hy kort voor die afdraai voor Myl 32 die Toyota FJ Cruiser vir die eerste keer in sy truspieël gesien het. Dippenaar was glo die bestuurder. Die Cruiser het eers ’n wit bakkie, wat agter Van Zyl gery het, verbygesteek en kort daarna het hy glo teen ’n hoë spoed by Van Zyl verbygery voor hy by nog ‘n rooi bakkie verby is, wat voor Van Zyl in dieselfde rigting op pad was. “Die bestuurder van die bakkie moes rem om plek vir die Cruiser te maak. Dit was op ’n heuwel. Beide voertuie het sekondes later agter die heuwel verdwyn,” het Van Zyl gesê. Hy het die spoed van die Cruiser tydens die verbysteek op 160 km/h geskat. Volgens Van Zyl het hy by Myl 32 afgedraai en op die strand verder gery. Hy het later weer op die C34 geklim waar hy ‘n ambulans gesien het wat in die rigting van Swakopmund gery het. Hy het ook rook op die horison gesien.Van Zyl het self in die rigting van Swakopmund gery en op die ongeluk afgekom waar hy die vlamme van die brandende Cruiser help blus het, het hy getuig.

Getuie sê Dippenaar het gejaag

Kommentaar

Republikein 2025-11-19

Meld asseblief aan om kommentaar te lewer

Getuie sê Dippenaar het gejaag

Kommentaar

Republikein 2025-11-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.