Gesprekke duur voort oor 'TPP minus VSA'

Hanlie Stadler - Australië is nie van plan om die Trans-Pasifiese Vennootskap (TPP) tot niet te laat gaan net omdat die VSA hom daaraan onttrek het nie.Die land sê dié enorme handelsooreenkoms bly “absoluut relevant” en moet tot stand gebring word.’n Vergadering word in Maart in Chili tussen die orige 11 voornemende lidlande gehou.Steven Ciobo, Australië se minister van handel, sê daar is oor baie jare al baie hard baklei vir toegewings. “Ek en baie ander lande wil nie hê hierdie vordering moet deur ons vingers glip nie.”Een van die eerste dinge wat pres. Donald Trump ná sy inhuldiging gedoen het, was om die VSA aan die TPP te onttrek.Trump het in sy verkiesingsveldtog te velde getrek teen vryhandelooreenkomste; hy glo onder meer dit lei tot werkverliese in die VSA. Hy het ook in sy verkiesingsveldtog gedreig om ’n handelsoorlog met China te begin.Die voornemende lidlande van die TPP sluit ook lande soos Japan en Suid-Korea in waaroor Trump krities is.Volgens Australië sluit die lande wat ten gunste is van “TPP minus een” Japan, Kanada, Mexiko, Maleisië, Singapoer en Nieu-Seeland in. Japan het vroeër gesê dit is belangrik dat die VSA deel bly van die ooreenkoms.“Ons sal voortgaan om Amerika te probeer oorreed van die strategiese en ekonomiese voordele daarvan,” sê Hiroshige Seko, Japan se minister van ekonomie, handel en nywerheid.Van die 11 lande is huiwerig om voort te gaan met die TPP sonder die grootste ekonomie in die streek.Baie lande soos Australië, Suid-Korea en Singapoer, het reeds bilaterale handelsooreenkomste met die VSA en ander beskou nou so ’n bilaterale ooreenkoms as belangriker as die TPP.Die TPP kan slegs voortgaan indien minstens ses lande dit bekragtig, wat 85% van die gekombineerde bruto binnelandse produk van al 12 oorspronklike ondertekenaars insluit. Dié vereiste beteken dat die TPP nie sonder die VSA sal kan voortgaan nie, tensy die regulasies aangepas word.Ciobo sê die teks vir die ooreenkoms sal “effens aangepas moet word” sodat die verdrag sonder die VSA gesluit kan word.Die probleme wat die TPP ervaar, kan dalk stukrag gee vir die omvattende ekonomiese streeksvennootskap, ’n afsonderlike pakt van 16 lande wat China en Japan insluit. Die volgende ronde gesprekke hieroor vind einde Februarie plaas. – Netwerk24/BloombergKassie:Meer oor die TPPDie finale ooreenkoms vir die Trans-Pasifiese Vennootskap (TPP) is op 4 Februarie 2016 in Singapoer onderteken ná sewe jaar se onderhandelings. Dit moes vanjaar net bekragtig word, maar die onttrekking van die VSA op 23 Januarie 2017 maak dit onmoontlik sonder aanpassings.Die TPP bevat maatreëls om handelstariewe te verlaag en ander handelsversperrings te verminder. ’n Manier om dispute oor handel tussen beleggers en lidlande op te los, word ook in die vooruitsig gestel.Die oorspronklike 12 lidlande was: Australië, Broenei, Kanada, Chili, Japan, Maleisië, Mexiko, Nieu-Seeland, Peru, Singapoer, Viëtnam en die VSA.

Gesprekke duur voort oor 'TPP minus VSA'

Kommentaar

Republikein 2025-11-05

Meld asseblief aan om kommentaar te lewer

Gesprekke duur voort oor 'TPP minus VSA'

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.