Gesondheidsorg in streek verbeter
Die goewerneur van die Omahekestreek, mnr. Festus Ueitele, het die opgradering en opknapping van verskeie primêre gesondheidsorgfasiliteite in die streek verwelkom.
Dit volg nadat die minister van gesondheid en maatskaplike dienste, dr. Richard Kamwi, verlede week aangekondig het dat verskeie klinieke tot gesondheidsentrums opgegradeer sal word en die grootste hospitaal in die streek, die Gobabis staatshospitaal, ook opgeknap sal word.
Die aankondigings is gemaak tydens die opening van ’n nuwe kliniek en verpleegsterswoning by Buitepos, wat N$6,7 miljoen gekos het. Die kliniek sal die steeds-groeiende gemeenskap van Buitepos, sowel as dorpies soos Charles Hill, Xanaxas, en Karukubis in die buurstaat Botswana, en Blouberg sowat 50 km suid, bedien. Dit sal die nodigheid uitskakel om vir primêre gesondheidsorg na Gobabis te reis.
Kamwi het gesê die nuwe kliniek is ’n sprekende voorbeeld van die ministerie se verbintenis tot goeie gesondheidsorg vir alle mense. “Klinieke is ’n belangrike skakel in die gesondheidsdiens, aangesien dit die eerste plek is waar pasiënte om hulp aanklop. Ons sal nie rus voordat alle mense toegang tot sulke dienste het nie, want die regering beskou gesondheidsdienste as een van die pilare van ’n gesonde, onafhanklike staat.”
Ueitele het by dieselfde geleentheid gesê die vooruitsig van beter dienste beteken dat meer mense voortaan gehelp sal kan word terwyl druk op die bestaande klinieke verlig sal word. Volgens hom kan die abnormale lang rye pasiënte wat dikwels op behandeling wag, veroorsaak dat dienslewering by sulke instansies belemmer word.
“Verpleegsters wat sukkel om lang rye pasiënte te bedien, is al algemeen in die land en bedreig goeie dienslewering omdat hulle moeg word en nie in staat is om op elke pasiënt se klagtes te konsentreer nie. Dit het tot groter probleme vir die hele gesondheidsberoep gelei,” sê hy.
Hy het sy dank teenoor die ministerie uitgespreek oor die planne om bestaande fasiliteite op te knap en bygevoeg dat dit hoog tyd is, aangesien sommige daarvan in 'n haglike toestand verkeer. “Hoewel ons oor die algemeen goeie klinieke het, benodig sommige beslis opknapping,” het hy gesê. “Die gemeenskap moet egter as hoofgebruikers daarvan ook hul deel doen en die fasiliteite oppas.”
Die minister het ook ’n nuwe lykhuis by Omauezonyanda in Epukiro geopen waar tot ses liggame geberg kan word.
Die waarnemende streekdirekteur vir gesondheid van die Omaheke- streek, me. Emgard Kaune, het by die geleentheid die versekering gegee dat die plaaslike kliniek ook opgegradeer sal word, aangesien die ministerie bewus van die belangrikheid van goeie dienste daar is.
Ander primêre gesondheidsklinieke wat tot gesondheidsentrums opgegradeer sal word, sluit dié by Aminuis, Otjinene en Witvlei in.
- Nampa
Dit volg nadat die minister van gesondheid en maatskaplike dienste, dr. Richard Kamwi, verlede week aangekondig het dat verskeie klinieke tot gesondheidsentrums opgegradeer sal word en die grootste hospitaal in die streek, die Gobabis staatshospitaal, ook opgeknap sal word.
Die aankondigings is gemaak tydens die opening van ’n nuwe kliniek en verpleegsterswoning by Buitepos, wat N$6,7 miljoen gekos het. Die kliniek sal die steeds-groeiende gemeenskap van Buitepos, sowel as dorpies soos Charles Hill, Xanaxas, en Karukubis in die buurstaat Botswana, en Blouberg sowat 50 km suid, bedien. Dit sal die nodigheid uitskakel om vir primêre gesondheidsorg na Gobabis te reis.
Kamwi het gesê die nuwe kliniek is ’n sprekende voorbeeld van die ministerie se verbintenis tot goeie gesondheidsorg vir alle mense. “Klinieke is ’n belangrike skakel in die gesondheidsdiens, aangesien dit die eerste plek is waar pasiënte om hulp aanklop. Ons sal nie rus voordat alle mense toegang tot sulke dienste het nie, want die regering beskou gesondheidsdienste as een van die pilare van ’n gesonde, onafhanklike staat.”
Ueitele het by dieselfde geleentheid gesê die vooruitsig van beter dienste beteken dat meer mense voortaan gehelp sal kan word terwyl druk op die bestaande klinieke verlig sal word. Volgens hom kan die abnormale lang rye pasiënte wat dikwels op behandeling wag, veroorsaak dat dienslewering by sulke instansies belemmer word.
“Verpleegsters wat sukkel om lang rye pasiënte te bedien, is al algemeen in die land en bedreig goeie dienslewering omdat hulle moeg word en nie in staat is om op elke pasiënt se klagtes te konsentreer nie. Dit het tot groter probleme vir die hele gesondheidsberoep gelei,” sê hy.
Hy het sy dank teenoor die ministerie uitgespreek oor die planne om bestaande fasiliteite op te knap en bygevoeg dat dit hoog tyd is, aangesien sommige daarvan in 'n haglike toestand verkeer. “Hoewel ons oor die algemeen goeie klinieke het, benodig sommige beslis opknapping,” het hy gesê. “Die gemeenskap moet egter as hoofgebruikers daarvan ook hul deel doen en die fasiliteite oppas.”
Die minister het ook ’n nuwe lykhuis by Omauezonyanda in Epukiro geopen waar tot ses liggame geberg kan word.
Die waarnemende streekdirekteur vir gesondheid van die Omaheke- streek, me. Emgard Kaune, het by die geleentheid die versekering gegee dat die plaaslike kliniek ook opgegradeer sal word, aangesien die ministerie bewus van die belangrikheid van goeie dienste daar is.
Ander primêre gesondheidsklinieke wat tot gesondheidsentrums opgegradeer sal word, sluit dié by Aminuis, Otjinene en Witvlei in.
- Nampa
Kommentaar
Republikein
Geen kommentaar is op hierdie artikel gelaat nie