Gesondheidsministerie: gratis Covid-toetse vir studente wat in buiteland studeer

Die ministerie van gesondheid en maatskaplike dienste gaan gratis toetse vir Covid-19 twee keer per jaar aan Namibiese studente verskaf wat buite die grense van die land studeer. Dié nuwe reëling geld vanaf Saterdag (6 November). Volgens die uitvoerende direkteur, mnr. Ben Nangombe, kan die toetse by enige goedgekeurde Covid-19-laboratorium in die land gedoen word. Die toetse sal gedoen word wanneer die betrokke student uit Namibië vertrek. Voldoende en verpligte bewys wat die toets moet vergesel, sluit in twee gesertifiseerde afskrifte van 'n geldige paspoort, twee gesertifiseerde afskrifte van 'n geldige studiepermit sowel as twee gesertifiseerde afskrifte van 'n studentekaart. - Nampa