Geskil oor tenders vir skole prut

Jemima BeukesSeal Caterers het die Sentrale Verkrygingsraad van Namibië (CPBN), die ministerie van onderwys en 97 ander maatskappye hof toe gesleep oor ’n voedseltender, met die eis dat alle tenders heroorweeg moet word.Onder dié maatskappye is Flamingo Inflight Services, Windhoek Palm Hotel, Die Mamas Kitchen CC en Atlantic Catering Solutions.Seal Caterers is egter nie die enigste maatskappy wat die toekenning van die tender teenstaan nie, en verskeie ander het intussen hul griewe ingedien. Volgens die voorsitter van die CPBN, mnr. Patrick Swartz, geniet die saak tans die aandag van die beoordelingspaneel en is die raad besig om antwoordende beëdigde verklarings in te dien.“Die paneel sal 'n datum vir die verhoor bepaal en ons sal voor hulle verskyn. Die datum sal waarskynlik vasgestel word sodra hulle al die inligting van die maatskappye gekry het,” het hy gesê.ONREGVERDIG BEHANDELDie besturende direkteur van Seal Caterers, mnr. Dirk van Schalkwyk, sê dit is onregverdig dat sy tender gediskwalifiseer is en die regering sou tussen N$8,3 miljoen en N$14 miljoen jaarliks bespaar as dit aan hulle toegeken is.Volgens hom sou dit 'n geweldige besparing van ongeveer N$42 miljoen vir die duur van die tendertydperk beteken.Indien die tenders met gepaste pryse aanvaar sou word, sou die regering N$177 miljoen kon bespaar, het hy verder bygevoeg.In sy beëdigde verklaring eis Van Shalkwyk dat die CPBN sy besluit om sy tenderaanbod vir die voorsiening van voedsel aan staatskole te diskwalifiseer, moet hersien en tersyde stel.Hy eis ook dat die CPBN die besluit om die tender aan nege maatskappye toe te ken, ongedaan moet maak en beweer daar was ernstige tekortkominge in hul tenders.Van Schalkwyk het die CPBN daarvan beskuldig dat hulle die bod van die suksesvolle bieërs ná die sluitingsdatum aangepas het .Hy beweer van die pryse wat sommige van hierdie maatskappye bied, aansienlik deur die raad verhoog is.TOEGEEFLIKHEID VIR SOMMIGESVolgens Van Schalkwyk dui dokumente daarop dat sommige van die suksesvolle bieërs met aansienlike toegeeflikheid beoordeel is.Hy het gesê Tuthikameni Pamwe Investments CC, wat die tender vir voedselvoorsiening in die Erongo- en Kunenestreek ontvang het, het slegs internasionale pryse gelewer, in teenstelling met die vereistes van die tenderproses.Intussen is STS Mega Investment CC en Igloo Investments CC gediskwalifiseer toe hulle dieselfde fout gemaak het.Van Schalkwyk het daarop gewys dat mnr. Johannes Neputa, wat ’n 'n individuele bod vir Om'kwana Caterer CC ingedien het, gelys word as die hoofrekenmeester van drie ander maatskappye wat aan die tenderproses deelgeneem het.Volgens hom is die feit dat al vier dié maatskappye se tenders suksesvol was, ’n teken dat iets nie pluis is nie."Sy veelvuldige rolle is ook teenstrydig met die streng verbod op botsing van belange in die instruksies aan die bieërs," het Van Schalkwyk gesê. - jemima@namibiansun.com

Geskil oor tenders vir skole prut

Kommentaar

Republikein 2026-03-20

Meld asseblief aan om kommentaar te lewer

Geskil oor tenders vir skole prut

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.