Georgië se longe was 'geoefen'
Rugby
Leighton Koopman – Georgië het alles in hul vermoë gedoen om die dun lug van die Hoëveld te probeer systap, maar per slot van rekening was dit een van die dinge wat tot hul ondergang teen die Springbokke gelei het in Vrydag se eerste toets op Loftus Versfeld in Pretoria.
Dié erkenning het die Lelos se afrigter, Levan Maisashvili, gemaak nadat sy span Vrydagaand met 40-9 in die Jakarandastad verloor het.
Volgens Maisashvili het hulle in die eerste helfte die wedstryd “gewen”, voordat hulle met te veel foute én teen die dun lug begin struikel het.
“Ons het geweet ons sal 1 800 meter bo seevlak moet speel en dit is op 'n ander vlak vir ons, maar ek dink ons het dit goed hanteer,” het hy gesê.
SPESIALE MASKERS
“Die krag- en kondisioneringspan het 'n goeie taak verrig om die spelers gereed te kry daarvoor.”
Die Georgiërs se kaptein, Merab Sharikadze, het bygevoeg die kondisioneringsafrigter het hulle met spesiale maskers laat oefen om aan die lugdruk gewoond te word.
“Ons het met daardie lugdruk-maskers, of wat ook al jy dit noem, geoefen. Dit was beslis nie soos 'n normale wedstryd vir ons soos op ander rugbyvelde in die wêreld nie. Maar ons het goed gevaar met ons voorbereiding en ek moet die afrigters 'n pluimpie gee. Die maskers het 'n belangrike rol gespeel.”
Maisashvili het bygevoeg hy was baie tevrede met sy span se vertoning in die eerste helfte, veral met hoe hulle die Bokke onder druk geplaas het.
Die Georgiërs was veral fisiek op die verdediging en in die gesig van die Bok-baldraers. Die besoekers het ook vir 'n ruk die kitaar in die skrums geslaan, terwyl hulle die tuisspan onder druk geplaas het om verskeie foute te maak.
“Ons het die stryd oorheers tot reg aan die einde van die eerste helfte. Ons het probeer om die wedstryd goed te bestuur, want die ouens was goed wat die kontaksituasies en duikslae betref.”
– Netwerk24
FOTO
Merab Sharikadze, Georgië se kaptein. Foto Getty Images
Dié erkenning het die Lelos se afrigter, Levan Maisashvili, gemaak nadat sy span Vrydagaand met 40-9 in die Jakarandastad verloor het.
Volgens Maisashvili het hulle in die eerste helfte die wedstryd “gewen”, voordat hulle met te veel foute én teen die dun lug begin struikel het.
“Ons het geweet ons sal 1 800 meter bo seevlak moet speel en dit is op 'n ander vlak vir ons, maar ek dink ons het dit goed hanteer,” het hy gesê.
SPESIALE MASKERS
“Die krag- en kondisioneringspan het 'n goeie taak verrig om die spelers gereed te kry daarvoor.”
Die Georgiërs se kaptein, Merab Sharikadze, het bygevoeg die kondisioneringsafrigter het hulle met spesiale maskers laat oefen om aan die lugdruk gewoond te word.
“Ons het met daardie lugdruk-maskers, of wat ook al jy dit noem, geoefen. Dit was beslis nie soos 'n normale wedstryd vir ons soos op ander rugbyvelde in die wêreld nie. Maar ons het goed gevaar met ons voorbereiding en ek moet die afrigters 'n pluimpie gee. Die maskers het 'n belangrike rol gespeel.”
Maisashvili het bygevoeg hy was baie tevrede met sy span se vertoning in die eerste helfte, veral met hoe hulle die Bokke onder druk geplaas het.
Die Georgiërs was veral fisiek op die verdediging en in die gesig van die Bok-baldraers. Die besoekers het ook vir 'n ruk die kitaar in die skrums geslaan, terwyl hulle die tuisspan onder druk geplaas het om verskeie foute te maak.
“Ons het die stryd oorheers tot reg aan die einde van die eerste helfte. Ons het probeer om die wedstryd goed te bestuur, want die ouens was goed wat die kontaksituasies en duikslae betref.”
– Netwerk24
FOTO
Merab Sharikadze, Georgië se kaptein. Foto Getty Images
Kommentaar
Republikein
Geen kommentaar is op hierdie artikel gelaat nie