Gemeenskapswoude: Plunder én bewaar
Om hout van gemeenskapswoude te kap is verbode, en die vervoer en uitvoer daarvan sal binnekort weer eens onwettig wees.
Augetto Graig en Jana-Mari Smith
Terwyl 'n verbod op die afkap van bome in die Kavango-Oos en Kavango-Wesstreek, asook die Zambezistreek steeds van krag is, mag boere tot 31 Maart wél gekapte hout vervoer en uitvoer.
Dié verbod is op 26 November verlede jaar deur die ministerie van die omgewing en toerisme ingestel om die onwettige afkap van bome te probeer bekamp.
Die ministerie van landbou, water en bosbou het intussen op 6 Februarie aangekondig boere mag boomstompe en klaar gekapte hout tot 31 Maart nog vervoer en uitvoer.
Intussen is 'n aanlyn petisie op www.change.org opgestel, wat eis die plundering van Namibië se woude moet stop.
Dié petisie het reeds sowat 11 500 ondersteuners.
“Van ons mees bedreigde bome, soos rooshout, word in gemeenskapswoude aangetref,” lui die petisie, wat eis dat die Teenkorrupsiekommissie en die ombudsman ingryp.
Die minister van die omgewing en toerisme, mnr. Pohamba Shifeta, het dié week gesê bosboubeamptes belemmer sy werk.
“Hulle maak my werk baie moeilik – myne en die omgewingskommissaris s'n. Dít is hoekom ek gesê het ek laat die afkap van bome nie meer toe nie,” het hy gesê.
Shifeta het spesifiek na die onwettige uitreiking van oespermitte vir die kap van hout verwys.
“Hulle hou aan permitte sonder ons kennis uitreik,” het hy gesê.
Hy het gesê bosboubeamptes behoort daarvan bewus te wees dat permitte nie sonder 'n omgewingsimpakstudie en klaringsertifikaat van sy ministerie uitgereik word nie.
Die minister het gesê hy oorweeg regstappe teen oortreders van Namibië se bosbouwet, die omgewingsbestuurwet, en die wet op tradisionele owerhede.
“Ek weet nie wanneer ons gaan besef gemeenskappe kry swaar omdat ander hierdie hulpbronne plunder nie,” het hy gesê.
Volgens die ministerie van landbou, water en bosbou se uitvoerende direkteur, mnr. Percy Misika, word uitsonderlike permitte vir die vervoer van hout met die ministerie van die omgewing en toerisme se toestemming uitgereik.
Uitsondering
Misika het benadruk boere mag steeds geen bome afkap nie en bygevoeg sy ministerie het boere van 10 tot 14 Februarie in die betrokke streke besoek en hieroor ingelig.
Misika het gesê plaaseienaars en kontrakteurs wat by die kap van hout betrokke is, kwalifiseer vir dié uitsondering.
Volgens hom sluit dit sowat 400 plaaseienaars en wettige bewoners van dié plase in, maar “dit is moeilik om te sê presies hoeveel hout reeds voor November 2018 gekap is”.
Een voorbeeld van so 'n permit, wat deur die ministerie van landbou, water en bosbou uitgereik is, wat op sosiale media verskyn, is die een wat op 26 Februarie aan Winfield Investments, van die Jiangsustreek, in die Zhang Jiagang-gebied op die Zlang Shan-noordpad in China uitgereik is.
Dít vir die vervoer van 18,4 m³ se rooshout.
Dié onderneming se vragmotor het Saterdag omstreeks 04:00 op pad van Katima Mulilo af op Grootfontein omgeslaan, vermoedelik omdat dit oorlaai was. Hierná het die kwessie van hierdie spesifieke permit in die openbare sfeer beland.
Volgens Misika bereken die ministerie die hoeveelheid gekapte en uitgevoerde bome deur data oor uitgereikte permitte te ontleed.
Houtkappermitte verleen toestemming vir die kap van tussen 600 en 1 200 bome op 'n spesifieke plaas, het hy gesê. “Dit is belangrik om te weet nie alle oeste waarvoor permitte uitgereik is, is uitgevoer nie,” het hy gesê.
“Die staking van houtkap en vervoer verlede jaar het beide ministeries die kans gegun om sekere kwessies in dié verband aan te spreek,” het Misika gesê. “Dit het beamptes ook die geleentheid gegee om die getal houtverwerkingsaanlegte te bepaal en te monitor,” het hy gesê.
Volgens Misika is die status van beskermde gemeenskapswoude aan sekere woude verleen.
“Omdat die bevolking groei, is sekere woudgebiede onder druk weens 'n toenemende behoefte aan ander gebruike vir grond soos landbou, weilande, nedersettings en die oes van hout,” het Misika gesê.
“Meer as 40 Namibiese gemeenskapswoude word deur wetgewing beskerm,” het hy gesê.
Terwyl 'n verbod op die afkap van bome in die Kavango-Oos en Kavango-Wesstreek, asook die Zambezistreek steeds van krag is, mag boere tot 31 Maart wél gekapte hout vervoer en uitvoer.
Dié verbod is op 26 November verlede jaar deur die ministerie van die omgewing en toerisme ingestel om die onwettige afkap van bome te probeer bekamp.
Die ministerie van landbou, water en bosbou het intussen op 6 Februarie aangekondig boere mag boomstompe en klaar gekapte hout tot 31 Maart nog vervoer en uitvoer.
Intussen is 'n aanlyn petisie op www.change.org opgestel, wat eis die plundering van Namibië se woude moet stop.
Dié petisie het reeds sowat 11 500 ondersteuners.
“Van ons mees bedreigde bome, soos rooshout, word in gemeenskapswoude aangetref,” lui die petisie, wat eis dat die Teenkorrupsiekommissie en die ombudsman ingryp.
Die minister van die omgewing en toerisme, mnr. Pohamba Shifeta, het dié week gesê bosboubeamptes belemmer sy werk.
“Hulle maak my werk baie moeilik – myne en die omgewingskommissaris s'n. Dít is hoekom ek gesê het ek laat die afkap van bome nie meer toe nie,” het hy gesê.
Shifeta het spesifiek na die onwettige uitreiking van oespermitte vir die kap van hout verwys.
“Hulle hou aan permitte sonder ons kennis uitreik,” het hy gesê.
Hy het gesê bosboubeamptes behoort daarvan bewus te wees dat permitte nie sonder 'n omgewingsimpakstudie en klaringsertifikaat van sy ministerie uitgereik word nie.
Die minister het gesê hy oorweeg regstappe teen oortreders van Namibië se bosbouwet, die omgewingsbestuurwet, en die wet op tradisionele owerhede.
“Ek weet nie wanneer ons gaan besef gemeenskappe kry swaar omdat ander hierdie hulpbronne plunder nie,” het hy gesê.
Volgens die ministerie van landbou, water en bosbou se uitvoerende direkteur, mnr. Percy Misika, word uitsonderlike permitte vir die vervoer van hout met die ministerie van die omgewing en toerisme se toestemming uitgereik.
Uitsondering
Misika het benadruk boere mag steeds geen bome afkap nie en bygevoeg sy ministerie het boere van 10 tot 14 Februarie in die betrokke streke besoek en hieroor ingelig.
Misika het gesê plaaseienaars en kontrakteurs wat by die kap van hout betrokke is, kwalifiseer vir dié uitsondering.
Volgens hom sluit dit sowat 400 plaaseienaars en wettige bewoners van dié plase in, maar “dit is moeilik om te sê presies hoeveel hout reeds voor November 2018 gekap is”.
Een voorbeeld van so 'n permit, wat deur die ministerie van landbou, water en bosbou uitgereik is, wat op sosiale media verskyn, is die een wat op 26 Februarie aan Winfield Investments, van die Jiangsustreek, in die Zhang Jiagang-gebied op die Zlang Shan-noordpad in China uitgereik is.
Dít vir die vervoer van 18,4 m³ se rooshout.
Dié onderneming se vragmotor het Saterdag omstreeks 04:00 op pad van Katima Mulilo af op Grootfontein omgeslaan, vermoedelik omdat dit oorlaai was. Hierná het die kwessie van hierdie spesifieke permit in die openbare sfeer beland.
Volgens Misika bereken die ministerie die hoeveelheid gekapte en uitgevoerde bome deur data oor uitgereikte permitte te ontleed.
Houtkappermitte verleen toestemming vir die kap van tussen 600 en 1 200 bome op 'n spesifieke plaas, het hy gesê. “Dit is belangrik om te weet nie alle oeste waarvoor permitte uitgereik is, is uitgevoer nie,” het hy gesê.
“Die staking van houtkap en vervoer verlede jaar het beide ministeries die kans gegun om sekere kwessies in dié verband aan te spreek,” het Misika gesê. “Dit het beamptes ook die geleentheid gegee om die getal houtverwerkingsaanlegte te bepaal en te monitor,” het hy gesê.
Volgens Misika is die status van beskermde gemeenskapswoude aan sekere woude verleen.
“Omdat die bevolking groei, is sekere woudgebiede onder druk weens 'n toenemende behoefte aan ander gebruike vir grond soos landbou, weilande, nedersettings en die oes van hout,” het Misika gesê.
“Meer as 40 Namibiese gemeenskapswoude word deur wetgewing beskerm,” het hy gesê.
Kommentaar
Republikein
Geen kommentaar is op hierdie artikel gelaat nie