Gemak, gehalte en GLA se paaie kruis
Die kruisvoertuig in Mercedes se A-klasreeks – genaamd GLA – het pas 'n ligte middellewe-kuur ondergaan.
Stuart Johnston - 'n Paar subtiele veranderinkies aan hul kompakte GLA-kruisvoertuig het aan Mercedes-Benz die kans gegee om die media nogmaals op hoogte van sake te bring sover dit die volle A-klasreeks betref.
Die hersiene GLA, asook die A-klasluikrug en sy sedanweergawe, die CLA, is op baie dieselfde roetes in die suide van Kaapstad bestuur as wat drie jaar gelede gebruik is om die A-klas aan Suid-Afrika bekend te stel.
Vir die strek tussen Kaappunt en Scarborough het ek my in die GLA 200d bevind, waar die hobbelrige padoppervlak genoeg was om te bewys dat die GLA gemaklik die beste bakintegriteit van al die huidige A-klas-afgeleides het, met die gevolg dat die GLA ook op die soepelste veerstelsels kan ry, veral wat minder sportiewe variante betref.
Die GLA ry inderdaad op gemaksvering plus 17”-vellings as standaard, met die gepaardgaande toename in grondvryhoogte. Omgekeerd, het 'n ander publikasie se verslaggewer gemeld dat die AMG A45-luik op sportvering en laeprofielbande steeds ongemaklik ferm oor die kuspad na Kommetjie was, nieteenstaande Benz se poging om die warm klein buksie se ritgehalte sowat 18 maande gelede te verbeter.
Die GLA-kuur is hoofsaaklik kosmeties en lugdinamies van aard. Windgeraas is om die A-pilare en syspieëls verbeter. Daar's nuwe LED-kop- en stertligte plus beter kajuitafwerking. Die GLA is ook die enigste kompakte kruisvoertuig met 'n arendsoog-kamerabeeld sodat jy maklik kan tru en parkeer, terwyl jy jou kar – en moontlike hindernisse – van “bo af” dophou.
Nog 'n gemakstoevoeging is handvrye beheer van die luikdeur sodat jy inkopiesakke en dies meer maklik kan laai.
Die GLA bly die koning van A-klas-afgeleides, hoofsaaklik oor sy rigieder bak en gevolglike wins aan gehaltegevoel. Ek hou ook van die gekuurde stert se integrasie van ontwerpselemente.
Enjins wissel van 'n 100 kW-turbodiesel in die GLA 200d tot 'n 280 kW-petrolturbo in die Mercedes-AMG GLA45 4Matic, laasgenoemde met 'n lopie van 0-100 km/h in 4.4 sek. Daar's ook 'n spesiale Night Edition-variant in nagswart of kosmosswart, beide met heelwat geel fokuspunte binne die motor asook buite, insluitend die vellings.
Die Night Edition kos 'n ekstra R105 000 en is in die A45-weergawes van die A-klasluik, die CLA-sedan en die GLA-kruisvoertuig beskikbaar.
Pryse: Mercedes-Benz GLA – R485 400 (GLA 200 petrol) tot R856 700 (GLA45 4Matic). - Netwerk24
Die hersiene GLA, asook die A-klasluikrug en sy sedanweergawe, die CLA, is op baie dieselfde roetes in die suide van Kaapstad bestuur as wat drie jaar gelede gebruik is om die A-klas aan Suid-Afrika bekend te stel.
Vir die strek tussen Kaappunt en Scarborough het ek my in die GLA 200d bevind, waar die hobbelrige padoppervlak genoeg was om te bewys dat die GLA gemaklik die beste bakintegriteit van al die huidige A-klas-afgeleides het, met die gevolg dat die GLA ook op die soepelste veerstelsels kan ry, veral wat minder sportiewe variante betref.
Die GLA ry inderdaad op gemaksvering plus 17”-vellings as standaard, met die gepaardgaande toename in grondvryhoogte. Omgekeerd, het 'n ander publikasie se verslaggewer gemeld dat die AMG A45-luik op sportvering en laeprofielbande steeds ongemaklik ferm oor die kuspad na Kommetjie was, nieteenstaande Benz se poging om die warm klein buksie se ritgehalte sowat 18 maande gelede te verbeter.
Die GLA-kuur is hoofsaaklik kosmeties en lugdinamies van aard. Windgeraas is om die A-pilare en syspieëls verbeter. Daar's nuwe LED-kop- en stertligte plus beter kajuitafwerking. Die GLA is ook die enigste kompakte kruisvoertuig met 'n arendsoog-kamerabeeld sodat jy maklik kan tru en parkeer, terwyl jy jou kar – en moontlike hindernisse – van “bo af” dophou.
Nog 'n gemakstoevoeging is handvrye beheer van die luikdeur sodat jy inkopiesakke en dies meer maklik kan laai.
Die GLA bly die koning van A-klas-afgeleides, hoofsaaklik oor sy rigieder bak en gevolglike wins aan gehaltegevoel. Ek hou ook van die gekuurde stert se integrasie van ontwerpselemente.
Enjins wissel van 'n 100 kW-turbodiesel in die GLA 200d tot 'n 280 kW-petrolturbo in die Mercedes-AMG GLA45 4Matic, laasgenoemde met 'n lopie van 0-100 km/h in 4.4 sek. Daar's ook 'n spesiale Night Edition-variant in nagswart of kosmosswart, beide met heelwat geel fokuspunte binne die motor asook buite, insluitend die vellings.
Die Night Edition kos 'n ekstra R105 000 en is in die A45-weergawes van die A-klasluik, die CLA-sedan en die GLA-kruisvoertuig beskikbaar.
Pryse: Mercedes-Benz GLA – R485 400 (GLA 200 petrol) tot R856 700 (GLA45 4Matic). - Netwerk24
Kommentaar
Republikein
Geen kommentaar is op hierdie artikel gelaat nie