Geloof in medaljekanse
Olimpiese Spele
Joan Smit, sekretaris-generaal van die Namibiese Nasionale Olimpiese Komitee (NNOK), sê Namibiërs moet altyd agter hul atlete staan in die hoop om medaljes by groot byeenkomste te wen.
Smit sê ondanks finansiële uitdagings en beperkings op die tyd of kompetisiegeleentheid om maksimaal voor te berei, is sy hoopvol dat die huidige groep Namibiese atlete oor genoeg talent beskik om goed by die Olimpiese Spele in Tokio te vaar.
“Ons het tot op datum nog geen geld van die ministerie van sport, jeug en nasionale diens ontvang nie. Ons het wel met die ministerie en die uitvoerende direkteur vergader, maar geen terugvoering gekry nie.
“Vir ons gaan dit oor die atlete. Ons gebruik geld van ander programme van die Olimpiese Solidariteitsfonds om die atlete by te staan,” het Smit gesê en bygevoeg die atlete verteenwoordig die ganse Namibië in Tokio en nie net die NNOK nie.
Sy sê die atlete moet verskeie uitdagings oorbrug, maar is deur die bank vasbeslote asook geestelik en fisies goed voorberei.
“Ons is besig om die laaste oefenkampe vir ons atlete te reël voor hulle na Tokio vertrek.
“Ons het tans atlete in Europa en beplan om die bokser Junias Jonas na 'n oefenkamp in die VSA te stuur, terwyl Helalia Johannes einde vandeesmaand in Suid-Afrika aan haar laaste voorbereidende wedloop gaan deelneem (die Spar-reeks se eerste 10 km resies n Durban).
“Die fietsryer Alex Miller word die einde Junie terug uit Europa verwag om sy laaste voorbereiding in Windhoek te doen.”
Die sekretaris-generaal sê Namibiese atlete het goed tydens hul voorbereiding gevaar en die NNOK is hoopvol dat hulle medaljes kan wen.
“Helalia is onder die toptien marathonhardlopers in die wêreld en het laas jaar brons by die wêreldkampioenskap in Dubai verower. Jonas is die Afrika-kampioen in sy gewigsklas. Beatrice Masilingi en Christine Mboma hardloop deurgaans wêreldklas tye in die 200 en 400 meter. Dit sal verkeerd van ons wees om nie oor medaljes by die Olimpiese Spele in Japan te droom nie,” het Smit gesê.
Intussen het Jonas vertel hy wag nog om van die NNOK te hoor wanneer hy na die VSA sal vertrek.
“Daar is altyd druk om medaljes by kompetisies te wen. Ek is geestelik goed voorberei, maar terwyl ek oefen, sal ek myself nie onder druk plaas om 'n medalje te wen nie,” het hy gesê.
Die eerste groep Namibiese atlete sal op 16 Julie na Japan vertrek. Atlete moet vyf dae voordat die Spele op 23 Julie begin in Tokio aanmeld.
– Nampa
Smit sê ondanks finansiële uitdagings en beperkings op die tyd of kompetisiegeleentheid om maksimaal voor te berei, is sy hoopvol dat die huidige groep Namibiese atlete oor genoeg talent beskik om goed by die Olimpiese Spele in Tokio te vaar.
“Ons het tot op datum nog geen geld van die ministerie van sport, jeug en nasionale diens ontvang nie. Ons het wel met die ministerie en die uitvoerende direkteur vergader, maar geen terugvoering gekry nie.
“Vir ons gaan dit oor die atlete. Ons gebruik geld van ander programme van die Olimpiese Solidariteitsfonds om die atlete by te staan,” het Smit gesê en bygevoeg die atlete verteenwoordig die ganse Namibië in Tokio en nie net die NNOK nie.
Sy sê die atlete moet verskeie uitdagings oorbrug, maar is deur die bank vasbeslote asook geestelik en fisies goed voorberei.
“Ons is besig om die laaste oefenkampe vir ons atlete te reël voor hulle na Tokio vertrek.
“Ons het tans atlete in Europa en beplan om die bokser Junias Jonas na 'n oefenkamp in die VSA te stuur, terwyl Helalia Johannes einde vandeesmaand in Suid-Afrika aan haar laaste voorbereidende wedloop gaan deelneem (die Spar-reeks se eerste 10 km resies n Durban).
“Die fietsryer Alex Miller word die einde Junie terug uit Europa verwag om sy laaste voorbereiding in Windhoek te doen.”
Die sekretaris-generaal sê Namibiese atlete het goed tydens hul voorbereiding gevaar en die NNOK is hoopvol dat hulle medaljes kan wen.
“Helalia is onder die toptien marathonhardlopers in die wêreld en het laas jaar brons by die wêreldkampioenskap in Dubai verower. Jonas is die Afrika-kampioen in sy gewigsklas. Beatrice Masilingi en Christine Mboma hardloop deurgaans wêreldklas tye in die 200 en 400 meter. Dit sal verkeerd van ons wees om nie oor medaljes by die Olimpiese Spele in Japan te droom nie,” het Smit gesê.
Intussen het Jonas vertel hy wag nog om van die NNOK te hoor wanneer hy na die VSA sal vertrek.
“Daar is altyd druk om medaljes by kompetisies te wen. Ek is geestelik goed voorberei, maar terwyl ek oefen, sal ek myself nie onder druk plaas om 'n medalje te wen nie,” het hy gesê.
Die eerste groep Namibiese atlete sal op 16 Julie na Japan vertrek. Atlete moet vyf dae voordat die Spele op 23 Julie begin in Tokio aanmeld.
– Nampa
Kommentaar
Republikein
Geen kommentaar is op hierdie artikel gelaat nie