Geliefde oom Horst oorlede

Francoise Steynberg - ’n Geliefde, voormalige werknemer van Namibia Media Holdings (NMH) wat 44 jaar diens by Republikeinen en Allgemeine Zeitunggelewer het, is Woensdagmiddag in Windhoek oorlede.Mnr. Horst Neldner (66) is ná ’n kort siekbed in die Schanzen-oord oorlede waar hy herstel het nadat hy verlede week in die Katutura-staatshospitaal opgeneem was. Hy was ’n diabeet en sy gesondheid het die afgelope tyd baie agteruitgegaan, het sy skoonsuster, me. Annemarie Neldner, gesê. Sy het nog Woensdag om 08:30 saam met hom ontbyt in die Schanzen-oord geëet. “Hy het regop gesit en self geëet.” Me. Bahati Traut, bemarker by Allgemeine Zeitung, is sedert 1974 ’n kollega en goeie vriendin van oom Horst – soos hy onder kollegas bekend gestaan het.“Hy was ’n baie goeie en lojale vriend,” het Traut gesê. Mnr. Ernst Venzke, bestuurder van Newsprint Namibia, sê oom Horst was vreeslik getrou en het “werklik altyd ons koerante se beste belang op die hart gedra het, veral byAllgemeine Zeitung waar hy baie jare werksaam was voor hy by distribusie en die NMH-groep betrokke geraak het”.Volgens Venzke was oom Horst altyd bereid om te doen wat ook al nodig was om gedoen te word: “Hy was baie presies en het nie van halwe of swak werk gehou nie. As jy vir Horst iets gegee het om te doen kon jy seker wees dat dit gedoen sou word, en goed gedoen sou word.”Hy sê Horst het ’n pragtige humorsin gehad en die meeste van die tyd met ’n glimlag op sy gesig rondgeloop.Sedert 2010 tot 2014 by Republikein was hy in beheer van die vloot maatskappymotors wat hy soos goud opgepas en het ook joernaliste, onder wie hy baie geliefd was, rondgery. Oom Horst was ’n oujongkêrel wat na sy ouers tot en met hul afsterwe omgesien het.Die begrafnisreëlings is nog nie bekend nie.

Geliefde oom Horst oorlede

Kommentaar

Republikein 2025-07-22

Meld asseblief aan om kommentaar te lewer

Geliefde oom Horst oorlede

Kommentaar

Republikein 2025-07-22

Meld asseblief aan om kommentaar te lewer

MELD AAN

Advertensie