Geliefde aktrise Elize Cawood sterf
Die veteraan-aktrise Elize Cawood (68) is Saterdagoggend oorlede.
Haar dogter, Jenna Dunster, het bekend gemaak Cawood is die oggend om 09:19 dood nadat longkanker in September verlede jaar by haar gediagnoseer is.
Sy sê haar ma het geen pyn gehad toe sy gesterf het nie en sy en haar pa, die akteur Wilson Dunster, was ten tyde van haar heengaan by haar. "Sy het met grasie tot die einde toe geveg".
"Ons wêreld sal nooit weer dieselfde wees sonder haar nie, maar ons vier die uitsonderlike mens wat sy was," het Dunster op haar Facebookblad geskryf.
"Dankie vir almal vir die liefde en ondersteuning, ons waardeer dit opreg, maar ons versoek ook privaatheid in hierdie tyd," het sy vervolg. - Netwerk24
Haar dogter, Jenna Dunster, het bekend gemaak Cawood is die oggend om 09:19 dood nadat longkanker in September verlede jaar by haar gediagnoseer is.
Sy sê haar ma het geen pyn gehad toe sy gesterf het nie en sy en haar pa, die akteur Wilson Dunster, was ten tyde van haar heengaan by haar. "Sy het met grasie tot die einde toe geveg".
"Ons wêreld sal nooit weer dieselfde wees sonder haar nie, maar ons vier die uitsonderlike mens wat sy was," het Dunster op haar Facebookblad geskryf.
"Dankie vir almal vir die liefde en ondersteuning, ons waardeer dit opreg, maar ons versoek ook privaatheid in hierdie tyd," het sy vervolg. - Netwerk24
Kommentaar
Republikein
Geen kommentaar is op hierdie artikel gelaat nie