Geld mag nie die virusroer draai

ROOI OLIFANT SKRYF:Daar bestaan 'n groot gevaar dat Covid-19-gevalle in Namibië drasties kan toeneem.Die jongste nuus berig dat dít die geval in Suid-Afrika is waar voorsorgmaatreëls verslap is. In die lig hiervan, is dit ondenkbaar hoe besluitnemers ons land op 'n onafwendbare nasionale ramp wil afstuur deur hul ondeurdagte besluite.Nuusberigte het dit dat maatreëls vir vragmotorbestuurders, skole, drankplekke, die toerismesektor en dies meer gewysig en verslap word. Selfs die polisie het hul patrolliediens verslap.En terwyl getalle in Erongo toeneem, sak die noodtoestand daar laer op die skaal af. Intussen ontsnap inwoners daar na die binneland deur 'n agterpad.Dis winter en koud en weerkundiges waarsku van erge koue, winde en selfs neerslae in die vorm van reën, ryp en sneeu, soos onlangs in Suid-Afrika, wat ervaar sal word. Ons weet ook nou dat nat en koue weerstoestande vir die verspreiding van dié siekte gunstig is.Twee menslike faktore gaan dié siekte sporadies laat toeneem: Ondeurdagte besluite op regeringsvlak en onverantwoordelike gedrag in gemeenskappe.Ons het tot dusver God se genade en beskerming geniet omdat ons as nasie saamgebid het. Dis die faktor wat ons van die res van die wêreld skei. Hoekom wil ons nou daai genade versmaai en teen alle gesonde verstand besluite neem wat die dood van derduisende kan veroorsaak en wat huishoudelike en nasionale ekonomiese skade inhou?Dra ons regtig die belange van ons nasie en land op die hande? Geld kan tog nie alles wees nie?

Geld mag nie die virusroer draai

Kommentaar

Republikein 2026-07-24

Meld asseblief aan om kommentaar te lewer

Geld mag nie die virusroer draai

Kommentaar

Republikein 2026-07-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.