Gelant sal nie tot sy reg kom by Bokke – Mitchell

Christo Buchner Die Springbokke moet toegelaat word om meer rugby te speel, sê John Mitchell, die eertydse All Black-afrigter en -kaptein wat deesdae die Blou Bulle afrig.Volgens Mitchell is die Bokke té voorskriftelik oor hoe hulle uit hul eie gebied kom.“Daar word dadelik geskop of van net een aangee gebruik gemaak voordat geskop word. Hulle moet meer kanse waag om met die bal te hardloop en avontuurlustig wees,” sê hy.“Jy moet die druk op die teenstander kan plaas vanaf enige plek op die veld,” sê Mitchell.Hy maak dit duidelik dat die Springbokke nie genoeg vertroue in hul aanvallende vermoëns het nie.“Jy is rustyd met 31-0 agter en wat doen jy in die tweede helfte? Jy skop nog steeds om uit jou gebied te kom. Dit is dan wanneer jy kanse moet waag en aanval. Jy het tog nie regtig dan iets om te verloor nie,” het hy gesê.Op die vraag of hy glo sy Bulle-heelagter, Warrick Gelant, is reg om vir die Bokke te speel, het Mitchell gesê hy voel sy kreatiwiteit sal onderdruk word in die Bok-opset.“Hy is ’n spesiale speler, maar wat help dit hy word gekies en dan nie toegelaat om met die bal te hardloop nie? Sy kreatiwiteit sal dan niks werd wees nie,” sê Mitchell.“Hy is baie skeppend en verdedig ook goed. Hy weet hoe om verdedigend goed te skop en ook aanvallend goed te skop,” sê Mitchell van Gelant, wat ’n uitstekende vertoning in die Bulle se nederlaag met 33-36 teen die Goue Leeus gelewer het. - Netwerk24

Gelant sal nie tot sy reg kom by Bokke – Mitchell

Kommentaar

Republikein 2025-07-16

Meld asseblief aan om kommentaar te lewer

Gelant sal nie tot sy reg kom by Bokke – Mitchell

Kommentaar

Republikein 2025-07-16

Meld asseblief aan om kommentaar te lewer

MELD AAN

Advertensie