Geingob, Lubowski hap steeds na mekaar
Denver Kisting – As me. Gabrielle Lubowski nie teen môre ophou om glo vir pres. Hage Geingob te belaster en onvoorwaardelik askies vra nie, gaan die poppe dans.
Geingob se prokureur, mnr. Sisa Namandje, sê Lubowski probeer op ’n absurde manier daarop sinspeel valse en lasterlike aantygings jeens die president was slegs in ’n konsepdokument vervat.
Trouens, maan Namandje, Lubowski kom baie naby daaraan om te redeneer haar beweerde lasterlike leuens kon nie vir Geingob belaster het nie ondanks die wye publikasie daarvan.
Dit gaan die president se regspan se verstand te bowe dat die weduwee van die Swapo-aktivis, adv. Anton Lubowski, beweringe kon maak terwyl sy geweet het dié aantygings beskik oor die potensiaal om Geingob se gevoelens seer te maak en sy waardigheid aan te tas.
Me. Lubowski het vandag by navraag uit Kaapstad gesê sy wil nie in hierdie stadium verdere kommentaar lewer nie.
Namandje sê Geingob verwerp Lubowski se reaksie op die president se eis vir ’n herroeping en onvoorwaardelike verskoning.
Sou sy nie teen die einde van môre daaraan gehoor gee nie, sal ’n geding sonder enige verdere waarskuwing teen haar aanhangig gemaak word.
Lubowski het verlede week ’n storm laat ontketen toe ’n ope brief onthul is waarin sy vir Geingob verkwalik vir haar man se dood op 12 September 1989. Niemand is ooit weens sy sluipmoord verhoor nie.
Volgens die ope brief was die staatshoof die laaste mens wat met haar oorlede man gepraat het.
Die afgelope week het me. Lubowski teruggekrabbel en gesê Geingob was een van die laaste mense met wie haar man voor sy dood gepraat het.
Sy sê sy probeer al vir 30 jaar om ’n gesprek met Geingob oor dié gesprek te hê. Sy is van mening dit sal hulle albei help met afsluiting.
Namandje sê me. Lubowski praat deurgaans en selfsugtig oor die impak van haar man se dood op haar en, om verstaanbare redes, op haar kinders, maar verloor uit die oog watter verwoestende impak haar beweerde roekelose en lasterlike aantygings op die president se gesin en veral sy kinders het.
Die prokureur sê Geingob sal hom op alle regsmiddele beskikbaar beroep om die beweerde ongeoorloofde aanval op en skending van sy grondwetlike regte te beveg.
Geingob se prokureur, mnr. Sisa Namandje, sê Lubowski probeer op ’n absurde manier daarop sinspeel valse en lasterlike aantygings jeens die president was slegs in ’n konsepdokument vervat.
Trouens, maan Namandje, Lubowski kom baie naby daaraan om te redeneer haar beweerde lasterlike leuens kon nie vir Geingob belaster het nie ondanks die wye publikasie daarvan.
Dit gaan die president se regspan se verstand te bowe dat die weduwee van die Swapo-aktivis, adv. Anton Lubowski, beweringe kon maak terwyl sy geweet het dié aantygings beskik oor die potensiaal om Geingob se gevoelens seer te maak en sy waardigheid aan te tas.
Me. Lubowski het vandag by navraag uit Kaapstad gesê sy wil nie in hierdie stadium verdere kommentaar lewer nie.
Namandje sê Geingob verwerp Lubowski se reaksie op die president se eis vir ’n herroeping en onvoorwaardelike verskoning.
Sou sy nie teen die einde van môre daaraan gehoor gee nie, sal ’n geding sonder enige verdere waarskuwing teen haar aanhangig gemaak word.
Lubowski het verlede week ’n storm laat ontketen toe ’n ope brief onthul is waarin sy vir Geingob verkwalik vir haar man se dood op 12 September 1989. Niemand is ooit weens sy sluipmoord verhoor nie.
Volgens die ope brief was die staatshoof die laaste mens wat met haar oorlede man gepraat het.
Die afgelope week het me. Lubowski teruggekrabbel en gesê Geingob was een van die laaste mense met wie haar man voor sy dood gepraat het.
Sy sê sy probeer al vir 30 jaar om ’n gesprek met Geingob oor dié gesprek te hê. Sy is van mening dit sal hulle albei help met afsluiting.
Namandje sê me. Lubowski praat deurgaans en selfsugtig oor die impak van haar man se dood op haar en, om verstaanbare redes, op haar kinders, maar verloor uit die oog watter verwoestende impak haar beweerde roekelose en lasterlike aantygings op die president se gesin en veral sy kinders het.
Die prokureur sê Geingob sal hom op alle regsmiddele beskikbaar beroep om die beweerde ongeoorloofde aanval op en skending van sy grondwetlike regte te beveg.
Kommentaar
Republikein
Geen kommentaar is op hierdie artikel gelaat nie