Geingob: Hou Pandora se kis dig

Stamgebondenheid 'resep vir 'n ramp'

28 August 2018 | Regering
Ronelle Rademeyer



Die staatshoof, pres. Hage Geingob, het Sondag tydens die Heldedagvieringe op Nkurenkuru 'n sterk boodskap van waarskuwing gerig aan mense in die land wat “ou wonde” uit die vryheidstryd wil oopkrap.

Dit was nadat hy die vorige dag tydens die opening van Swapo se sentrale komitee-vergadering op Rundu reeds dié snaar getokkel het

“Hulle sal Pandora se kis oopmaak, in weerwil daarvan dat daar nog baie deelnemers aan en oortreders van erge misdade teen die mense van Namibië (in die land) is.

“Moet ons hulle terugbring, SWATF (Suidwes-Afrikaanse Gebiedsmag), Koevoet, die polisie, die tronkbewaarders van Robbeneiland, en hulle aankla van onmenslike behandeling teenoor wyle Eliaser Tuhadeleni, Martin Kapewasha, wyle Gerson Veii, Healo Shityuwete, wyle Andimba Toivo ya Toivo en John Pandemi, Jerry Ekandjo, Petrus Iilonga, wyle Immanuel Shifidi, Willem Biwa en baie ander?” wou Geingob in sy feesrede weet.

“Moet ons hulle aankla omdat hulle baie van ons vir bykans drie dekades uit ons moederland verdryf het? Moet ons hulle aankla omdat hulle ons landgenote tuis aan onmenslike optrede onderwerp het?

“Ons moenie vergeet nie dat Namibiërs uitgelewer was aan tweedeklas behandeling en van onderwys en basiese vryhede ontneem is. Ons het steeds van daardie individue wat ons regte geskend het in ons midde,” het Geingob gesê, en Namibiërs gemaan om nie terug te kyk in die donker verlede nie. Die staatshoof het voorts gesê Namibiërs moet vorentoe kyk op die pad van vrede, heling en nasionale versoening.

“Ons moet almal nasiebouers wees. Ons moenie die vure van stamgebondenheid en verdeeldheid stook om in tel te wees nie. Dit is 'n resep vir 'n ramp.”

Hy het dié ferm waarskuwing gerig nadat hy die vorige dag op Rundu reeds sy hakke ingekap het oor mense wat verdeeldheid saai.

Kenya Kambowe van Republikein se susterkoerant, Namibian Sun, berig die president het diegene wat “die Pandora-kis” oor Swapo se aanhouding van gevangenes in die sogenaamde gate in Lubango en die grondkwessie vir persoonlike gewin gebruik, as gefrustreerde en onsuksesvolle politici beskryf.

Hy het gesê hierdie onsuksesvolle politici sal enigiets doen om met mense se emosies te speel en het gewaarsku dit hou ernstige gevare soos burgeroorlog vir Namibië in.

Geingob het ook by dié vergadering vir 'n kultuur van eenheid gepleit waarin alle Namibiërs gelyke burgers is.

“Daar is mense daarbuite wat sê húlle is diegene wat geveg het en dit is die gees wat besig is om te ontwikkel.

“As ons dit nie gaan hanteer nie, gaan dit ons in die posisie plaas waarin ander lande was, naamlik burgeroorlog. Dit is hoe dit begin,” het Geingob gesê.

Dié opmerkings en waarskuwings van die staatshoof volg kort ná die vrystelling van die boek Swapo Captive: A comrade's experience of betrayal and torture, deur die oudjoernalis Oiva Angula.

Republikein het vroeër berig boekwinkels in Windhoek sê die boek vlieg van die rakke af en hulle kan nie met bestellings voorbly nie.

Angula vertel in die boek hoe hy vir langer as vier jaar in die berugte gate aangehou en herhaaldelik gemartel is.

Swapo het vermeende verraaiers en politieke teenstanders tydens die grensoorlog in dié dorp in Angola aangehou.

Soortgelyk

 

Skietklub lê weer aan

1 uur gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

11 ure gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

11 ure gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

11 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

11 ure gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

11 ure gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

11 ure gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...

'Die beste tyd van my lewe'

11 ure gelede | Kuns en vermaak

Lloyd ZandbergDie 22-jarige gebore Namibiër Kyle Farrer verwys na homself as koel en kalm. Jy kan dit aan sy voorkoms sien. Eenvoudig, maar deurdink, ‘n...

Besige jaar vir Windhoek se DBV

11 ure gelede | Omgewing

Mariselle Stofberg- Die Dierebeskermingsvereniging (DBV) in Windhoek het 3 695 diere gedurende 2018 ingeneem. Altesaam 2 207 honde, 1 434 katte en 54 ander diere...