Geen tronkstraf vir horingsmokkelaar
Die Chinese man wat op die Internasionale Lughawe O.R. Tambo in Johannesburg met 18 renosterhorings gevang is, is in Suid-Afrika gevonnis.
Francoise Steynberg - Die Chinese burger Ye Zhiwei (29) wat 18 renosterhorings deur die Internasionale Lughawe Hosea Kutako via Johannesburg na Hongkong probeer smokkel het, het 'n boete van R1,2 miljoen daarvoor betaal.
Ye is verlede week in die hof in Kempton Park, Suid-Afrika, tot ses jaar tronkstraf of 'n boete van R1,2 miljoen gevonnis. Hy het die boete betaal.
Ye het op 17 Januarie skuldig gepleit op twee klagte van oortreding van die Wet op Nasionale Omgewingsbestuur wat bedreigde spesies reguleer ná hy op 23 November 2016 op die Internasionale Lughawe O.R. Tambo in Johannesburg met 18 renosterhorings van sowat 43 kg in sy twee tasse betrap is.
Hy het egter met die horings deur die skandeerders van Hosea Kutako geglip toe hy na O.R. Tambo vertrek het. Ye is die middag op dié lughawe deur die Valke in hegtenis geneem.
Ye het in sy pleitverduideliking erken dat hy drie horings van witrenosters en 15 van swartrenosters by 'n hotel in Windhoek ontvang het.
“Ek bevestig dat ek die horings van Namibië in transito na Suid-Afrika ingevoer het met die bedoeling om dit na Hongkong te neem,” het Ye in sy pleitverduideliking gesê.
“Nadat ek die tasse by mnr. Zhang Fei in Windhoek gekry het, het ek beheer oor die renosterhorings geneem om dit na Hongkong te vat.”
Hy sê hy is in September 2016 deur Zhang genader om ekstra geld te verdien deur 'n pakkie in Namibië te ontvang en Hongkong toe te neem.
Ye, wat van die Xianan-nedersetting in die dorp Linan, naby die stad Putian in die Fujian-provinsie afkomstig is, sê hy het ernstige finansiële probleme gehad en daarom die aanbod aanvaar.
Op daardie stadium sê hy het hy nog nie geweet dat daar van hom verwag word om renosterhorings te vervoer nie of hoeveel hy betaal gaan word nie, maar hy het ingestem om “'n pakkie” te vervoer.
Ye het op 7 November vanaf Fuzhou na Windhoek gereis en het by 'n hotel ingeteken.
“Zhang het twee tasse, wat reeds in plastiek toegedraai was, aan my oorhandig en my ingelig dat dit renosterhorings bevat.”
Ye sê dat hy geen wettige verweer teen dié oortredinge het nie: “Ek het ernstige berou oor wat ek gedoen het en pleit skuldig.”
ONDERSOEK NA SKANDEERDER
'n Paar dae nadat Ye in hegtenis geneem is, het sers. Pendapala Iitula (42) wat glo tydens die voorval by die skandeerders op Hosea Kutako gewerk het, op klagte van regsverydeling en dwarsboming van die gereg in die hof verskyn en hy is op borgtog van N$2 000 vrygelaat.
Die minister van die omgewing en toerisme, mnr. Pohamba Shifeta, het onlangs saam met die Namibiese polisie die lughawe besoek om sekuriteit daar te ondersoek “wat opgeskerp moet word, veral met meer internasionale lugrederye wat die lughawe nou bedien”.
Hy het gesê indien bewys kan word dat die horings van Namibiese oorsprong is, Namibië sy eie klagte teen Ye aanhangig kan maak.
Die hoof van die Namibiese polisie se eenheid vir beskermde hulpbronne (PRU), adj.komm. Barry de Klerk, het aan Republikein bevestig dat een stel horings beslis van Namibië afkomstig is: “Een stel horings word beslis volgens 'n mikroskyfie met Namibië verbind.”
Ye is verlede week in die hof in Kempton Park, Suid-Afrika, tot ses jaar tronkstraf of 'n boete van R1,2 miljoen gevonnis. Hy het die boete betaal.
Ye het op 17 Januarie skuldig gepleit op twee klagte van oortreding van die Wet op Nasionale Omgewingsbestuur wat bedreigde spesies reguleer ná hy op 23 November 2016 op die Internasionale Lughawe O.R. Tambo in Johannesburg met 18 renosterhorings van sowat 43 kg in sy twee tasse betrap is.
Hy het egter met die horings deur die skandeerders van Hosea Kutako geglip toe hy na O.R. Tambo vertrek het. Ye is die middag op dié lughawe deur die Valke in hegtenis geneem.
Ye het in sy pleitverduideliking erken dat hy drie horings van witrenosters en 15 van swartrenosters by 'n hotel in Windhoek ontvang het.
“Ek bevestig dat ek die horings van Namibië in transito na Suid-Afrika ingevoer het met die bedoeling om dit na Hongkong te neem,” het Ye in sy pleitverduideliking gesê.
“Nadat ek die tasse by mnr. Zhang Fei in Windhoek gekry het, het ek beheer oor die renosterhorings geneem om dit na Hongkong te vat.”
Hy sê hy is in September 2016 deur Zhang genader om ekstra geld te verdien deur 'n pakkie in Namibië te ontvang en Hongkong toe te neem.
Ye, wat van die Xianan-nedersetting in die dorp Linan, naby die stad Putian in die Fujian-provinsie afkomstig is, sê hy het ernstige finansiële probleme gehad en daarom die aanbod aanvaar.
Op daardie stadium sê hy het hy nog nie geweet dat daar van hom verwag word om renosterhorings te vervoer nie of hoeveel hy betaal gaan word nie, maar hy het ingestem om “'n pakkie” te vervoer.
Ye het op 7 November vanaf Fuzhou na Windhoek gereis en het by 'n hotel ingeteken.
“Zhang het twee tasse, wat reeds in plastiek toegedraai was, aan my oorhandig en my ingelig dat dit renosterhorings bevat.”
Ye sê dat hy geen wettige verweer teen dié oortredinge het nie: “Ek het ernstige berou oor wat ek gedoen het en pleit skuldig.”
ONDERSOEK NA SKANDEERDER
'n Paar dae nadat Ye in hegtenis geneem is, het sers. Pendapala Iitula (42) wat glo tydens die voorval by die skandeerders op Hosea Kutako gewerk het, op klagte van regsverydeling en dwarsboming van die gereg in die hof verskyn en hy is op borgtog van N$2 000 vrygelaat.
Die minister van die omgewing en toerisme, mnr. Pohamba Shifeta, het onlangs saam met die Namibiese polisie die lughawe besoek om sekuriteit daar te ondersoek “wat opgeskerp moet word, veral met meer internasionale lugrederye wat die lughawe nou bedien”.
Hy het gesê indien bewys kan word dat die horings van Namibiese oorsprong is, Namibië sy eie klagte teen Ye aanhangig kan maak.
Die hoof van die Namibiese polisie se eenheid vir beskermde hulpbronne (PRU), adj.komm. Barry de Klerk, het aan Republikein bevestig dat een stel horings beslis van Namibië afkomstig is: “Een stel horings word beslis volgens 'n mikroskyfie met Namibië verbind.”
Kommentaar
Republikein
Geen kommentaar is op hierdie artikel gelaat nie