Geen speelplek in Rocky Crest
Volgens 'n plaaslike sportaktivis word kinders en jongmense van 'n woonbuurt in die hoofstad deur 'n beton-oerwoud bedreig.
Yochanaan Coetzee - Rocky Crest, in die weste van Windhoek, is ’n woonbuurt met duisende inwoners, van wie baie in woonstelle sonder enige speelplek vir die jongspan woon.
Die gebrek aan sport- en ontspanningsgeriewe veroorsaak dat jongmense hul tyd in die besige strate en bosse tussen geboue verwyl.
Vir mnr. Samuel Shimbuli, oudbokser en afrigter, is hierdie toedrag van sake onaanvaarbaar.
Hy is vuur en vlam dat sport en sportaktiwiteite dié situasie kan verander.
“Ek weet hoe ’n groot verskil sport in ’n jongmens se lewe kan maak. Elke dag sien ek talentvolle jongmense wat op die hoeke sit en hul lewe met dwelms en drank vernietig. Erger as dit is die feit dat die jonger kinders aan hierdie goed blootgestel word omdat hulle geen ander keuse het as om in dieselfde strate te speel nie,” sê Shimbuli.
“My vrees is ook dat een van die kinders deur ’n motor gestamp word. Moet ons eers by daardie punt kom voor ons aan ons kinders se veiligheid dink?”
Toe Republikein onlangs die woonbuurt besoek het, was twee minderjariges sonder toesig besig om in die bosse langs van die huise vuur te maak.
Toe hulle gevra is hoekom hulle met vuurhoutjies in die droë bosse speel, het hulle verduidelik dat hulle buite moes speel terwyl die huis skoongemaak word.
“Oral waar jy kyk, word daar net woonstelle gebou, maar niemand steur hulle aan die feit dat daar nêrens in die omgewing ’n veilige plek is waar kinders kan speel nie. As ons nie ’n plan maak nie, gaan ons kinders net dronkenskap ken en hul gawes en selfvertroue sal vernietig word,” sê Shimbuli.
’n Tienjarige seuntjie wat gereeld in die straat voor sy huis sokker speel, sê hy en sy maatjies besef dit is gevaarlik, maar hulle het geen ander keuse nie.
“Ek hoop ons kry eendag ’n veld waar ons kan speel. Baie van ons is bang dat ons deur ’n kar gestamp word en dis ook nie lekker nie, want ons moet kort-kort ophou speel wanneer karre verbykom.”
Mnr. George Trepper, raadslid vir dié kiesafdeling, het Maandag bevestig die kiesafdelingsraad is bewus van die tekort aan sport- en ontspanningsgeriewe in die gebied en van die gevare wat dié situasie vir kinders inhou.
“Ons het aan die streekraad opdrag gegee om by die stadsraadvergadering aan die einde van die maand vir Stad Windhoek te nader oor die beskikbaarstelling van grond sodat ons ’n sokkerveld kan bou. Ons weet dit is nie ’n vinnige proses nie, maar ons is verbind daartoe om in die inwoners se behoeftes te voorsien,” het hy gesê.
Intussen sien Shimbuli steeds daagliks hoe honde, kinders en karre smiddae worstel om speel- en ryplek in die beknopte strate te kry. Dit is die dryfkrag vir sy droom om jongmense deur middel van sport te ontwikkel.
Die gebrek aan sport- en ontspanningsgeriewe veroorsaak dat jongmense hul tyd in die besige strate en bosse tussen geboue verwyl.
Vir mnr. Samuel Shimbuli, oudbokser en afrigter, is hierdie toedrag van sake onaanvaarbaar.
Hy is vuur en vlam dat sport en sportaktiwiteite dié situasie kan verander.
“Ek weet hoe ’n groot verskil sport in ’n jongmens se lewe kan maak. Elke dag sien ek talentvolle jongmense wat op die hoeke sit en hul lewe met dwelms en drank vernietig. Erger as dit is die feit dat die jonger kinders aan hierdie goed blootgestel word omdat hulle geen ander keuse het as om in dieselfde strate te speel nie,” sê Shimbuli.
“My vrees is ook dat een van die kinders deur ’n motor gestamp word. Moet ons eers by daardie punt kom voor ons aan ons kinders se veiligheid dink?”
Toe Republikein onlangs die woonbuurt besoek het, was twee minderjariges sonder toesig besig om in die bosse langs van die huise vuur te maak.
Toe hulle gevra is hoekom hulle met vuurhoutjies in die droë bosse speel, het hulle verduidelik dat hulle buite moes speel terwyl die huis skoongemaak word.
“Oral waar jy kyk, word daar net woonstelle gebou, maar niemand steur hulle aan die feit dat daar nêrens in die omgewing ’n veilige plek is waar kinders kan speel nie. As ons nie ’n plan maak nie, gaan ons kinders net dronkenskap ken en hul gawes en selfvertroue sal vernietig word,” sê Shimbuli.
’n Tienjarige seuntjie wat gereeld in die straat voor sy huis sokker speel, sê hy en sy maatjies besef dit is gevaarlik, maar hulle het geen ander keuse nie.
“Ek hoop ons kry eendag ’n veld waar ons kan speel. Baie van ons is bang dat ons deur ’n kar gestamp word en dis ook nie lekker nie, want ons moet kort-kort ophou speel wanneer karre verbykom.”
Mnr. George Trepper, raadslid vir dié kiesafdeling, het Maandag bevestig die kiesafdelingsraad is bewus van die tekort aan sport- en ontspanningsgeriewe in die gebied en van die gevare wat dié situasie vir kinders inhou.
“Ons het aan die streekraad opdrag gegee om by die stadsraadvergadering aan die einde van die maand vir Stad Windhoek te nader oor die beskikbaarstelling van grond sodat ons ’n sokkerveld kan bou. Ons weet dit is nie ’n vinnige proses nie, maar ons is verbind daartoe om in die inwoners se behoeftes te voorsien,” het hy gesê.
Intussen sien Shimbuli steeds daagliks hoe honde, kinders en karre smiddae worstel om speel- en ryplek in die beknopte strate te kry. Dit is die dryfkrag vir sy droom om jongmense deur middel van sport te ontwikkel.
Kommentaar
Republikein
Geen kommentaar is op hierdie artikel gelaat nie