Geen keer aan Jean-Paul Burger
Omdat die water kouer as 12 grade Celsius was, is die swemskof vir die veiligheid van atlete ingevolge die ITU-reëls gekanselleer.
Tielman van Lill
Jean-Paul Burger het Sondag opnuut sy klas onderstreep toe hy by die MiWay Cape ultra-triathlon in die Wes-Kaap by die Theewaterskloofdam die algeheel eerste geëindig het.
Hy het met 'n wentyd van 3 ure 32 minute ook die 18 tot 24 jaar afdeling in styl gewen. Hier klop Burger vir Rudolf Visser (tweede, 3:55:16) met 23 minute, terwyl hy Hein van der Walt (derde, 4:12:04) met 40 minute oorskadu.
Burger is Namibië se pas gekroonde halfysterman wêreldkampioen in dié ouderdomsklas en wys sy finesse om algeheel eerste en twee minute voor Stuart Marais (3:34:54, algeheel tweede en eerste in 30-34 jaar afdeling) oor die wenstreep te draf. Rohan Meyer sluit sy kompetisie in 3:39:15 af vir 'n algehele derde plek en as wenner van die 25-29 jaar afdeling.
Die bestemde swemskof van 1.9 kilometer is in totaal geskrap. Dit gebeur min dat een van die drie dissiplines weens weersomstandighede gekanselleer word. Maar Sondag was die water van die Theewaterskloofdam teen 11.2 grade Celsius eenvoudig te koud. Die byeenkoms is dus met 'n hardloopsessie van 5 km afgeskop, waarna die deelnemers vir 90 km in die fietssaal gesit het voordat die laaste 15 km gehardloop is.
Burger klop sy mededingers in beide dissiplines en staan nie 'n sekonde af op sy voorsprong nie.
TAAI AAN DIE VOORPUNT
“Ons het die pas redelik hard gedruk in die eerste 5 km waar ons drie ouens was wat weggebreek het. Ek het twee sekondes voor Marais die oorgangsarea ingehardloop, met Meyer weer drie sekondes agter hom,” het die kampioen aan Republikein vertel.
“Ons was drie ouens wat die eerste 45 km op die fiets saam gery het. Die ryer in die derde posisie het nie saam met ons gewerk nie.
“Hy het basies net daar gesit en ons sleurstroom gebruik en toe besluit ek en Marais om van hom weg te breek.
“Marais is 'n taai, slim en uitgeslape atleet wat 'n jaar gelede nog professioneel aan triathlons deelgeneem het en ek moes 'n plan beraam om hom geestelik te klop. Hy is 'n ervare kalant, maar ek het met 5 km op die fiets oor besluit om aan te val, want hy is 'n sterk hardloper en kom ook uit 'n agtergrond waar hy vir Maties gehardloop het.
“Ek kon daarin slaag om 18 sekondes voor Marais van die fiets af te spring en my voorsprong in die laaste hardloopskof te vergroot. In die eerste ronde van 5 km het ek die gaping tot 'n minuut vergroot en daarna stelselmatig daarop voortgebou om met 1 minuut 56 sekondes voor hom klaar te maak.
“Ek is tevrede met my vertoning. Genadiglik kan ek nou my lyf vir 'n rukkie laat rus. Oor twee weke is ek in Windhoek om saam met die Mannie's Bike Mekka-span die Tour de Windhoek-fietstoer te ry en sien ook uit daarna om vir 'n slag by die huis te wees.”
Die algehele topdrie se uitslae in die drie dissiplines:
1. Jean-Paul Burger 5 km hardloop 16:07 / 90 km fietsry 2:22:44 / 15 km hardloop 51:45.
2. Stuart Marais 16:09 / 2:23:02 / 53:41.
3. Rohan Meyer 16:12 / 2:24:27 / 56:53.
Jean-Paul Burger het Sondag opnuut sy klas onderstreep toe hy by die MiWay Cape ultra-triathlon in die Wes-Kaap by die Theewaterskloofdam die algeheel eerste geëindig het.
Hy het met 'n wentyd van 3 ure 32 minute ook die 18 tot 24 jaar afdeling in styl gewen. Hier klop Burger vir Rudolf Visser (tweede, 3:55:16) met 23 minute, terwyl hy Hein van der Walt (derde, 4:12:04) met 40 minute oorskadu.
Burger is Namibië se pas gekroonde halfysterman wêreldkampioen in dié ouderdomsklas en wys sy finesse om algeheel eerste en twee minute voor Stuart Marais (3:34:54, algeheel tweede en eerste in 30-34 jaar afdeling) oor die wenstreep te draf. Rohan Meyer sluit sy kompetisie in 3:39:15 af vir 'n algehele derde plek en as wenner van die 25-29 jaar afdeling.
Die bestemde swemskof van 1.9 kilometer is in totaal geskrap. Dit gebeur min dat een van die drie dissiplines weens weersomstandighede gekanselleer word. Maar Sondag was die water van die Theewaterskloofdam teen 11.2 grade Celsius eenvoudig te koud. Die byeenkoms is dus met 'n hardloopsessie van 5 km afgeskop, waarna die deelnemers vir 90 km in die fietssaal gesit het voordat die laaste 15 km gehardloop is.
Burger klop sy mededingers in beide dissiplines en staan nie 'n sekonde af op sy voorsprong nie.
TAAI AAN DIE VOORPUNT
“Ons het die pas redelik hard gedruk in die eerste 5 km waar ons drie ouens was wat weggebreek het. Ek het twee sekondes voor Marais die oorgangsarea ingehardloop, met Meyer weer drie sekondes agter hom,” het die kampioen aan Republikein vertel.
“Ons was drie ouens wat die eerste 45 km op die fiets saam gery het. Die ryer in die derde posisie het nie saam met ons gewerk nie.
“Hy het basies net daar gesit en ons sleurstroom gebruik en toe besluit ek en Marais om van hom weg te breek.
“Marais is 'n taai, slim en uitgeslape atleet wat 'n jaar gelede nog professioneel aan triathlons deelgeneem het en ek moes 'n plan beraam om hom geestelik te klop. Hy is 'n ervare kalant, maar ek het met 5 km op die fiets oor besluit om aan te val, want hy is 'n sterk hardloper en kom ook uit 'n agtergrond waar hy vir Maties gehardloop het.
“Ek kon daarin slaag om 18 sekondes voor Marais van die fiets af te spring en my voorsprong in die laaste hardloopskof te vergroot. In die eerste ronde van 5 km het ek die gaping tot 'n minuut vergroot en daarna stelselmatig daarop voortgebou om met 1 minuut 56 sekondes voor hom klaar te maak.
“Ek is tevrede met my vertoning. Genadiglik kan ek nou my lyf vir 'n rukkie laat rus. Oor twee weke is ek in Windhoek om saam met die Mannie's Bike Mekka-span die Tour de Windhoek-fietstoer te ry en sien ook uit daarna om vir 'n slag by die huis te wees.”
Die algehele topdrie se uitslae in die drie dissiplines:
1. Jean-Paul Burger 5 km hardloop 16:07 / 90 km fietsry 2:22:44 / 15 km hardloop 51:45.
2. Stuart Marais 16:09 / 2:23:02 / 53:41.
3. Rohan Meyer 16:12 / 2:24:27 / 56:53.
Kommentaar
Republikein
Geen kommentaar is op hierdie artikel gelaat nie