Geen handel in renosterhorings in China
Die Chinese regering het onlangs hul 25 jaar oue verbod op die gebruik van renoster- en tierprodukte in tradisionele medisyne opgehef, maar het nou weer 'n ommekeer gemaak.
Francoise Steynberg - China sê hy gaan nou strenger beheer oor die gebruik van en handel in renosters, tiere en hul byprodukte afdwing.
Dít volg nadat die Chinse regering onlangs die 25 jaar oue verbod op die gebruik van renosterhorings en tierbeendere in tradisionele Chinese medisyne opgehef het.
'n Chinese kabinetslid, mnr. Ding Xuedong, het Maandag gesê ’n verbod op drie praktyke, wat renosters en tierbeendere behels, gaan streng afgedwing word.
Dit sluit in die verbod op die invoer en uitvoer van renosters, tiere en hul byprodukte; die verbod op die koop, verkoop, vervoer, dra en pos van renosters, tiere en hul byprodukte; en die verbod op die gebruik van renosterhorings en tierbeendere in tradisionele Chinese medisyne.
Dít volg nadat die Chinese regering 'n omsendbrief uitgestuur het oor die streng beheer oor hierdie diereprodukte.
Die amptelike Chinese nuusagentskap, Xinhua, het vir Ding gevra of die Chinese regering sy houding jeens wildbeskerming verander het.
"Die Chinese regering is lankal toegewy aan wildbeskerming en vir jare lank het ons hard op smokkelaars van renosterhorings en tierbeendere toegeslaan," het Ding geantwoord.
"China is aktief in die bevordering van internasionale samewerking en was nog altyd konsekwent en ferm oor ons benadering tot wildbeskerming. Die Chinese regering het nie sy benadering verander nie en sal nie skroom om op smokkelaars van renosterhorings en tierbeendere en ander misdadigers toe te slaan nie," het Ding gesê.
Volgens hom moet die volledige regulasies in die omsendbrief dadelik geïmplementeer word.
Ding het gesê die opheffing van die verbod op die gebruik van renosterhorings en tierbeendere deur geregistreerde tradisionele Chinese mediese praktisyns is ná verdere studies uitgestel.
"Die sterk verbod op die drie praktyke sal dadelik deur wetstoepassers afgedwing word," het Ding gesê.
Hy het gesê verskeie departemente van die Chinese regering sal binnekort voortgaan om spesiale klopjagveldtogte uit te voer met die fokus op renosters, tiere en hul byprodukte.
"Oortreders sal streng vervolg word. Ek benadruk die Chinese regering wil graag saam met die internasionale gemeenskap werk om na die beskerming van wildlewe en die bou van 'n vreedsame en pragtige planeet te streef," het Ding gesê.
Verskeie omgewingsorganisasies het hul afkeer uitgespreek toe China onlangs die verbod opgehef het en meen dit sou ’n “doodsvonnis” vir 30 000 wilde renosters en 3 900 tiere wees.
Die Wêreldnatuurfonds (WWF) het toe ’n dringende beroep op die Chinese regering gedoen om sy besluit te heroorweeg en die verbod te handhaaf.
Dít volg nadat die Chinse regering onlangs die 25 jaar oue verbod op die gebruik van renosterhorings en tierbeendere in tradisionele Chinese medisyne opgehef het.
'n Chinese kabinetslid, mnr. Ding Xuedong, het Maandag gesê ’n verbod op drie praktyke, wat renosters en tierbeendere behels, gaan streng afgedwing word.
Dit sluit in die verbod op die invoer en uitvoer van renosters, tiere en hul byprodukte; die verbod op die koop, verkoop, vervoer, dra en pos van renosters, tiere en hul byprodukte; en die verbod op die gebruik van renosterhorings en tierbeendere in tradisionele Chinese medisyne.
Dít volg nadat die Chinese regering 'n omsendbrief uitgestuur het oor die streng beheer oor hierdie diereprodukte.
Die amptelike Chinese nuusagentskap, Xinhua, het vir Ding gevra of die Chinese regering sy houding jeens wildbeskerming verander het.
"Die Chinese regering is lankal toegewy aan wildbeskerming en vir jare lank het ons hard op smokkelaars van renosterhorings en tierbeendere toegeslaan," het Ding geantwoord.
"China is aktief in die bevordering van internasionale samewerking en was nog altyd konsekwent en ferm oor ons benadering tot wildbeskerming. Die Chinese regering het nie sy benadering verander nie en sal nie skroom om op smokkelaars van renosterhorings en tierbeendere en ander misdadigers toe te slaan nie," het Ding gesê.
Volgens hom moet die volledige regulasies in die omsendbrief dadelik geïmplementeer word.
Ding het gesê die opheffing van die verbod op die gebruik van renosterhorings en tierbeendere deur geregistreerde tradisionele Chinese mediese praktisyns is ná verdere studies uitgestel.
"Die sterk verbod op die drie praktyke sal dadelik deur wetstoepassers afgedwing word," het Ding gesê.
Hy het gesê verskeie departemente van die Chinese regering sal binnekort voortgaan om spesiale klopjagveldtogte uit te voer met die fokus op renosters, tiere en hul byprodukte.
"Oortreders sal streng vervolg word. Ek benadruk die Chinese regering wil graag saam met die internasionale gemeenskap werk om na die beskerming van wildlewe en die bou van 'n vreedsame en pragtige planeet te streef," het Ding gesê.
Verskeie omgewingsorganisasies het hul afkeer uitgespreek toe China onlangs die verbod opgehef het en meen dit sou ’n “doodsvonnis” vir 30 000 wilde renosters en 3 900 tiere wees.
Die Wêreldnatuurfonds (WWF) het toe ’n dringende beroep op die Chinese regering gedoen om sy besluit te heroorweeg en die verbod te handhaaf.
Kommentaar
Republikein
Geen kommentaar is op hierdie artikel gelaat nie