Geen borg vir vermeende verkragter
’n Bekende inwoner van Walvisbaai word daarvan beskuldig dat hy sy 13-jarige kleinkind verkrag het
Leandrea Louw – Die borgtogaansoek van ’n 67-jarige man wat daarop tereg staan dat hy sy kleinkind (13) verkrag het, is in die landdroshof op Walvisbaai afgekeur.
Die beskuldigde, wat nie geïdentifiseer mag word nie om die slagoffer te beskerm, is ’n bekende man in die Walvisbaai-gemeenskap.
Hy word daarvan beskuldig dat hy die minderjarige meisie verskeie kere tussen Maart en November 2020 verkrag het.
Die beskuldigde is in Desember 2020 in hegtenis geneem nadat die meisie aan ’n vriend vertel het wat gebeur het. Die vriend het haar aangeraai om iemand by die skool te vertel. Een van die onderwysers het die polisie gekontak en ’n saak is geopen.
Landdros Johan Sindano het die borgtogaansoek afgekeur en die saak tot 18 Maart 2021 uitgestel vir pleitdoeleindes.
Die volle redes waarom die borgaansoek afgekeur is, is nie bekendgemaak nie. As deel van die borgaansoek het die ondersoekbeampte Helena Kalipi in die hof gesê drie klagtes van verkragting staar die beskuldigde in die gesig en dat die staat die borgaansoek teenstaan op grond van die erns van die oortreding is en omdat die beskuldigde in die ondersoek kan inmeng.
Kalipi het gesê die ma van die slagoffer het die polisie op 18 Februarie genader “en gesê sy wil die saak terugtrek, omdat die beskuldigde in aanhouding was en dat dit genoeg is”.
Die ma het gesê die beskuldigde moet vrygelaat word en dat die slagoffer berading sal ontvang.
“Ons het vir haar gesê die saak kan nie teruggetrek word nie, omdat sy (die ma) nie die klaer is nie.”
Kalipi het bygevoeg: “Die dag toe die saak aangemeld is, het die ma met ons saamgewerk.”
Een rede waarop die beskuldigde sy aansoek om borgtog gegrond het, is die oorvol aanhoudingselle en sy ouderdom en dat hy dus kwesbaar vir Covid-19 is.
“Toe die man in hegtenis geneem is, het niemand van die familie na my gekom en gesê dat hy gesondheidsprobleme het nie,” sê die ondersoekbeampte.
“Weens sy ouderdom het ons besluit om hom na die aanhoudingselle in Narraville oor te plaas omdat toestande daar beter is. Die beskuldigde het my nie genader nie en ook nie die stasiebevelvoerder nie.”
Sy het aangedui dat die ondersoek afgehandel is en dat daar “geen uitstaande kwessies” is nie.
Die staat is deur me. Maggy Shiyagaya verteenwoordig en die beskuldigde deur mnr. Ray Rukoro.
– [email protected]
Die beskuldigde, wat nie geïdentifiseer mag word nie om die slagoffer te beskerm, is ’n bekende man in die Walvisbaai-gemeenskap.
Hy word daarvan beskuldig dat hy die minderjarige meisie verskeie kere tussen Maart en November 2020 verkrag het.
Die beskuldigde is in Desember 2020 in hegtenis geneem nadat die meisie aan ’n vriend vertel het wat gebeur het. Die vriend het haar aangeraai om iemand by die skool te vertel. Een van die onderwysers het die polisie gekontak en ’n saak is geopen.
Landdros Johan Sindano het die borgtogaansoek afgekeur en die saak tot 18 Maart 2021 uitgestel vir pleitdoeleindes.
Die volle redes waarom die borgaansoek afgekeur is, is nie bekendgemaak nie. As deel van die borgaansoek het die ondersoekbeampte Helena Kalipi in die hof gesê drie klagtes van verkragting staar die beskuldigde in die gesig en dat die staat die borgaansoek teenstaan op grond van die erns van die oortreding is en omdat die beskuldigde in die ondersoek kan inmeng.
Kalipi het gesê die ma van die slagoffer het die polisie op 18 Februarie genader “en gesê sy wil die saak terugtrek, omdat die beskuldigde in aanhouding was en dat dit genoeg is”.
Die ma het gesê die beskuldigde moet vrygelaat word en dat die slagoffer berading sal ontvang.
“Ons het vir haar gesê die saak kan nie teruggetrek word nie, omdat sy (die ma) nie die klaer is nie.”
Kalipi het bygevoeg: “Die dag toe die saak aangemeld is, het die ma met ons saamgewerk.”
Een rede waarop die beskuldigde sy aansoek om borgtog gegrond het, is die oorvol aanhoudingselle en sy ouderdom en dat hy dus kwesbaar vir Covid-19 is.
“Toe die man in hegtenis geneem is, het niemand van die familie na my gekom en gesê dat hy gesondheidsprobleme het nie,” sê die ondersoekbeampte.
“Weens sy ouderdom het ons besluit om hom na die aanhoudingselle in Narraville oor te plaas omdat toestande daar beter is. Die beskuldigde het my nie genader nie en ook nie die stasiebevelvoerder nie.”
Sy het aangedui dat die ondersoek afgehandel is en dat daar “geen uitstaande kwessies” is nie.
Die staat is deur me. Maggy Shiyagaya verteenwoordig en die beskuldigde deur mnr. Ray Rukoro.
– [email protected]
Kommentaar
Republikein
Geen kommentaar is op hierdie artikel gelaat nie