Geen borg vir ‘renosterstroopsoldate’

Francoise Steynberg - Die drie weermagsoldate wat daarvan beskuldig word dat hulle ’n olifant in die Etosha Nasionale Park gestroop het, bly in aanhouding. Mnre. Timoteus Tuhafeni, Eliaser “Dozza” Amadhila en Paulus Ashingola het Woensdag weer in die landdroshof op Opuwo verskyn en bly in aanhouding. Volgens die hoof van Blue Rhino-taakspan, komm. Barry de Klerk, het die drie vermeende renosterstropers aangedui hulle gaan nie sonder die teenwoordigheid van hul regsverteenwoordigers pleit nie. Hul saak is tot 11 Desember vir pleitdoeleindes uitgestel en om regsverteenwoordiging te bekom. Altesaam 14 vermeende wildmisdadigers is verlede week in hegtenis geneem in verband met renoster- en olifantstropery of horing- of ivoorsmokkelary, of pogings daartoe. Hulle is op 22 November in die omgewing van die Werda-hek aan die westekant van die Etosha Nasionale Park in hegtenis geneem. Benewens twee renosterhorings, is beslag ook op een voertuig en twee AK47-aanvalsgewere gelê. Volgens die weeklikse wildmisdaadverslag van 25 November tot 1 Desember van die Namibiese polisie se eenheid vir beskermde hulpbronne (PRU) en die intelligensie- en ondersoekeenheid in die ministerie van die omgewing en toerisme is vyf nuwe sake aangemeld. Beslag is op vier stukke ivoor, twee olifanttande en twee renosterhorings, vyf impalas en ’n lewende ietermagô gelê. Drie vuurwapens en een voertuig is ook gekonfiskeer.Op Omega is mnre. Matheus Kanyanga en Amos Muhepa verlede Woensdag glo met twee olifanttande in hul besit vasgetrek en die vorige dag mnre. Uwanga Shikambo en Kapinga Ndjamba met vier stukke ivoor.Op Ngoma is drie Namibiërs, mnre. Richard Mushabati, Patrick Simulya en Owen Mulenamaswe en ’n Zambiese burger, mnr. Zakiel Zakiel, Saterdag glo met vyf impalas en ’n .22-geweer in hegtenis geneem.Mnre. Festus Katambo en Betuel Katjinda is op 24 November op Outapi glo met ’n lewende ietermagô vasgetrek. HOFSAKEDie drie vermeende ivoorsmokkelaars, mnre. Edgar Clark, Dirk Johannes Vermeulen en Michael Lusse is verlede Donderdag in die Walvisbaaise landdroshof op borgtog van N$30 000 elk vrygelaat. Hul saak is tot 29 Januarie vir ’n beslissing van die aanklaer-generaal uitgestel. Nóg twee vermeende ivoorsmokkelaars, mnre. Nafimane Hafeni en Fillipus Veeteni, bly in aanhouding ná hulle verlede Maandag op Epako in die hof verskyn het. Mnre. Manfred Soroab, Manfred Khaebeb en Nobert Nuxab wat in verband met twee stukke ivoor vasgetrek is, het verlede Donderdag in die Grootfontein-landdroshof verskyn. Hul saak is tot 23 Januarie uitgestel om regshulp te bekom. Op Otavi het vier Namibiërs verlede Donderdag in die hof in verband met die onwettige besit van twee renosterhorings en een jaggeweer verskyn. Mnr. Joseph Ngoma, Aron Tjivambi, en Pedros Katchaka bly in aanhouding en mnr. Michael Jonas is op borgtog van N$15 000 vrygelaat. Hul saak is tot 30 April uitgestel.- francoise@republikein.com.na

Geen borg vir ‘renosterstroopsoldate’

Kommentaar

Republikein 2026-05-05

Meld asseblief aan om kommentaar te lewer

Geen borg vir ‘renosterstroopsoldate’

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.