Gee verhogings of ons staak, sê vakbonde

Augetto Graig - Vakbonde wat sekuriteitswagte verteenwoordig het gesamentlik aangekondig sekuriteitsmaatskappye moet die verhoging van minimumlone so gou moontlik toepas, soos onlangs in die Staatskoerant voorgeskryf. Sekuriteitsmaatskappye wat vergoeding nie aanpas nie, kan stakings verwag, het die vakbonde gewaarsku.Die Namibiese Vervoer- en Verwante Werkersvakbond (Natau), Namibiese Unie vir Sekuriteitswagte (Nasgwu) en die Onafhanklike Sekuriteitsunie van Namibië (Nisu) het gesê hul lede wag al lank genoeg en dat hulle nie sal skroom om landswyd te staak as daar nog gesloer word met die verhoging in hul lone nie. Volgens mnr. John Kwedhi van Natau is die skending van die minimumloonooreenkoms 'n algemene verskynsel in die sekuriteitsbedryf.“Daarom hierdie streng waarskuwing,” het hy gesê.Volgens hom is die ooreenkoms, wat deur die minister van arbeid, nywerheidsbetrekkinge en werkskepping goedgekeur is, van toepassing op alle sekuriteitsmaatskappye, ongeag of hulle lede van die Sekuriteitsvereniging van Namibië (San) is of nie. “Van die sekuriteitswagte wat deur San-lede in diens geneem is, se lone is reeds van die ooreengekome datum af aangepas. Ons wil graag dié maatskappye vir hul samewerking bedank,” het Kwedhi gesê. Nogtans neem die vakbonde met ernstige kommer kennis van maatskappye van buitelandse oorsprong wat die werksomstandighede wat beding is ignoreer, het hy gesê. “Vakbonde word ook deur lede ingelig dat sommige bestuurslede geld op twyfelagtige maniere van wagte aftrek, soos wanneer 'n wag nie betyds aanmeld nie, kan tot N$1 000 per dag afgetrek word - wat wagte nooit daagliks verdien nie,” het hy gesê.Die nuwe minimumloon van toepassing op sekuriteitswagte is N$8,75 per uur en is terugwerkend geldig van 1 Januarie 2017. Van 1 Julie moet wagte wat meer as 'n jaar vir 'n sekuriteitsmaatskappy werk ten minste N$10 per uur verdien. Die nuwe minimumloon sluit werk op Sondae of openbare vakansiedae uit. Vergoeding hiervoor word deur die arbeidswet bepaal.

Gee verhogings of ons staak, sê vakbonde

Kommentaar

Republikein 2025-06-17

Meld asseblief aan om kommentaar te lewer

Gee verhogings of ons staak, sê vakbonde

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie